Nge fyo ciba lyonse, tufwile ukulatungululwa no kutemwa kwa kwa Lesa e lyo no kulalanga uku kwine kutemwa ku bantu fye bonse ilyo tuli pa kulongana kwa citungu. (Mat. 22:37-39) Ilembo lya 1 Abena Korinti 13:4-8 lilalondolola ukutemwa tufwile ukuba nako mu fyo tucita, litila: “Mu kutemwa mwaba ukushishimisha ne cikuuku. . . . Tamwaba ukucita ifishayana, tamwaba ukucita ifya kuisekesha, tamwaba ukukalifiwa. . . . Ukutemwa takupwa.” Ilyo muletamba vidio ya Ifya Kutucinkulako pa Kulongana kwa Citungu, tontonkanyeni pa nshila mwingalangilamo ukutemwa ku bantu fye bonse ilyo muli pa kulongana kwa citungu.

• ilyo tulesunga ifipuna?

• ilyo inyimbo sha kusobela ukulongana shili mupepi no kutendeka?

• ilyo tuli pa cifulo tukalaikala pa nshiku sha kulongana kwa citungu?

• ilyo twaipeelesha ukubombako umulimo wa kuitemenwa?