Bonse tufwaya ukukwata ifibusa ifya cishinka. Yehova na o enekela ifibusa fyakwe ukuba aba cishinka. Lelo calikosa ukusanga umunensu uwa cishinka, pantu abantu abengi muli cino calo tababa ne cishinka. Busuma nshi bwaba mu kuba ne cishinka muli fyonse?

1. Mulandu nshi uukalamba uo tulingile ukubela aba cishinka muli fyonse?

Nga tuli ne cishinka ku bantu, tulanga ukuti twalitemwa Yehova kabili twalimucindika. Tontonkanyeni pali ici: Yehova aleshiba fyonse ifyo tutontonkanya ne fyo tucita. (AbaHebere 4:13) Alamona nga twasalapo ukuba aba cishinka, kabili alatemwa sana. Icebo cakwe citila: “Yehova amona uwa bucenjeshi ukuti wa bunani, lelo abalungama e baba sana ifibusa fyakwe.”—Amapinda 3:32.

2. Ni nshila nshi shimo twingalangilamo ukuti tuli ba cishinka mu fyo tucita cila bushiku?

Yehova afwaya ‘tulelanda icine’ ku banensu. (Sekaria 8:16, 17) Bushe ici calola mwi? Calola mu kuti nampo nga tulelanda na balupwa wesu, abo tubomba nabo, aba bwananyina, nelyo abalashi ba buteko, tatulingile ukubepa. Aba cishinka tabebila abantu nelyo ukubacenjesha ifintu. (Belengeni Amapinda 24:28 na Abena Efese 4:28.) Kabili balalipila imisonko yonse. (Abena Roma 13:5-7) Kanshi “tufwaya ukuba aba cishinka muli fyonse.”—AbaHebere 13:18.

3. Busuma nshi bwaba mu kuba ne cishinka?

Abantu balatucetekela nga baishiba ukuti tuli ba cishinka. Tulalenga aba mu cilonganino balaumfwa ukuti balicingililwa, nga filya fine aba mu lupwa abatemwana bomfwa. Kabili tulaba na kampingu iisuma. Na kabili nga tuli ne cishinka ‘tulayemfya isambilisho lya kwa Lesa, Umupusushi wesu,’ kabili tulalenga na bantu bambi balafwaya ukwishiba Yehova.—Tito 2:10.

 SAMBILILENI NA FIMBI

5. Muleba aba cishinka inshita yonse

 6. Busuma nshi bwaba mu kuba aba cishinka

Nga muli ne cishinka, pa kubala kuti mulekwata amafya yamo. Lelo mu kupita kwa nshita mukamona ukuti ukuba aba cishinka kusuma. Belengeni Amalumbo 34:12-16, lyena lanshanyeni ici cipusho:

• Bushe ukuba ne cishinka kwalenga shani ifintu mu bumi bwenu ukuwaminako?

1. Nga ca kuti abaupana bali ne cishinka ku bena mwabo, icupo cabo cilakosa

2. Ababomfi nga bali ne cishinka balabacetekela ku babengisha incito

3. Abekala calo aba cishinka balabacetekela ku balashi ba buteko

 IFYO MUSAMBILILE

Yehova afwaya ifibusa fyakwe ukuba aba cishinka mu fyo balanda na mu fyo bacita.

Ukupitulukamo

• Finshi fimo ifyo twingacita pa kulanga ukuti tuli ba cishinka?

• Mulandu nshi tushilingile ukulamwena ukutila kuti twafisa Yehova fimo?

• Cinshi mulingile ukubela aba cishinka inshita yonse?