Amashiwi ya Kutendekelako mu Cipande 10
Yehova e Mfumu pali bonse. Ukutula na kale alikwata amaka, kabili akatwalilila ukuba na maka. Ku ca kumwenako, Yehova alipuswishe Yeremia ilyo bamupoosele mu cishima pa kuti e mo afwile. Alipuswishe na Shadraki, Mishaele, na Abednego mwi lungu lya mulilo kabili alipuswishe Daniele ku kanwa ka nkalamo. Yehova alipuswishe Estere pa kuti apusushe uluko lonse. Kanshi takaleke ifyabipa fikatwalilile umuyayaya. Amasesemo ayalanda pa cimpashanya icikalamba na pa cimuti icikalamba nga nshi yalanga ukuti Ubufumu bwa kwa Yehova nomba line buli no kufumyapo ifyabipa fyonse kabili buli no kulateka isonde lyonse.
MULI ICI CIPANDE
ISAMBILILO 57
Yehova Atuma Yeremia ku Kusoka Abantu
Ifyo umulumendo Yeremia alandile fyalikalifye abakalamba.
ISAMBILILO 58
Yerusalemu Yaonaulwa
Abekashi ba mu Yuda balitwalilile ukupepa balesa wa bufi, e ico Yehova alilekele ukubacingilila.
ISAMBILILO 59
Abalumendo 4 Abaumfwilile Yehova
Abacaice abaYuda balefwaisha ukutwalilila ukuba aba cishinka kuli Yehova, na lintu bali mwi sano mu Babiloni.
ISAMBILILO 60
Ubufumu Ubushakonaulwe
Daniele alondolola umo iciloto ca cimpashanya ico Nebukadnesari alotele calolele.
ISAMBILILO 61
Tabakontamiine Icimpashanya
Shadraki, Meshaki na Abednego bakaana ukupepa icimpashanya ca golde ica mfumu ya Babiloni.
ISAMBILILO 62
Ubufumu Ubwali Kwati Cimuti Icikalamba
Iciloto ico Nebukadnesari alotele casobela ifyali no kumucitikila.
ISAMBILILO 63
Amashiwi Ayalembelwe pa Cibumba
Ni lilali amashiwi yalembelwe pa cibumba kabili yalolele mwi?
ISAMBILILO 64
Daniele ali mu Cilindi ca Nkalamo
Mulepepa kuli Yehova cila bushiku, nga filya Daniele alecita!
ISAMBILILO 65
Estere Apususha Abantu Bakwe
Nangu ca kuti afumine ku calo cimbi kabili abafyashi bakwe balifwile, aishileba namfumu.
ISAMBILILO 66
Esra Alesambilisha Abantu Amafunde ya kwa Lesa
Ilyo abena Israele bakutike ifyo Esra alandile, balilaile Lesa ubulayo bwaibela.
ISAMBILILO 67
Ifibumba fya Yerusalemu
Nehemia bamweba ukuti abalwani balefwaya ukubasansa. Mulandu nshi ashatiinine?
