Amapinda 17:1-28
17 Cawamapo ukulya akapimfya ka mukate uwauma mu ng’anda umuli umutende,*+Ukucila ukulya ifya kulya ifisuma kabili ifingi* mu ng’anda umuli ukuumana.+
2 Umubomfi uwiluka akateka umwana wa kwa shikulu wakwe uucita ifya nsoni;Kabili na o bakamupeelako ubupyani nga filya bakapeela abana ba kwa shikulu wakwe.
3 Silfere na golde balayengulula mu mulilo pa kuti bailopolole,+Lelo Yehova e ubebeta imitima ya bantu.+
4 Uucita ifyabipa alabika amano ku mashiwi ayabipa ayo umuntu alanda.Kabili uwa bufi alakutika ku lulimi ululanda ifyabipa.+
5 Uupumya umupiina aseebanya Kalenga wakwe.+Uusekelela pa fyabipa ifyacitikila umunankwe, tabakamuleke fye ukwabula ukumukanda.+
6 Abeshikulu abaume* baba nge cilongwe* ku bakote,Kabili abafyashi abaume* e bucindami bwa bana babo abaume.*
7 Abantu balapapa umuwelewele nga alanda ifyalungama.*+
Cilacilanapo kateka* nga alanda ifya bufi!+
8 Ubupe bwaba nge libwe lya mutengo sana* ku mwine.+Fyonse ifyo acita filenda bwino.+
9 Onse uwelela uumulufyenye* alanga ukuti aliba no kutemwa,+Lelo uwikalila fye ukulanda pa cilubo apatukanya ifibusa.+
10 Umuntu uwiluka alomfwa ilyo line bamukalipila+Lelo umuwelewele tomfwa nangu bamuma imiku 100.+
11 Umubifi afwaya fye ukupondoka,Lelo bakamutumina inkombe iyaba no bunkalwe pa kuti ikamukande.+
12 Cawamapo ukukumana na bere iyo baipaila abana,Ukucila ukukumana no muwelewele uulecita ifya buwelewele.+
13 Umuntu nga abwesesha ububi pa busuma,Ububi tabwakafume pa ng’anda yakwe.+
14 Ukutendeka ulubuli kwaba kwati kwiswila amenshi ayo bacilikiile;*Ilyo ukuumana kushilatendeka ulefumapo.+
15 Uulanda ukuti umubifi tali na mulandu no upeela uwalungama umulandu,+Bonse babili Yehova abamona ukuti ba bunani.
16 Fisuma nshi fingafumamo nga ca kuti umuwelewele nakwata inshila ya kusangilamo amanoLelo takwata umutima wa mano?*+
17 Cibusa wa cine alaba no kutemwa inshita yonse,+Kabili ni munyina uwingakwafwa mu nshita ya macushi.*+
18 Umuntu uushaba na mano* alaposhanya mu minwe no muntu umbi,Kabili alalaya ukulipila inkongole sha bantu bambi ninshi no munankwe alemonako.+
19 Onse uwatemwa ukuumana alitemwa ukubembuka.+
Onse uulefya apa kwingilila ailetela ubucushi.+
20 Onse uwaba no mutima uubi, ifintu tafyakamuwamine,*+Kabili onse uulanda ifya bucenjeshi akailetela amafya.
21 Onse uwafyala umuwelewele alaba no bulanda;Kabili wishi wa ushaba na mano tasekelela.+
22 Umutima wa nsansa muti uusuma,*+Lelo umutima wa bulanda ulapwisha amaka.*+
23 Umubifi alapoka amafisakanwa mu bumfisoloPa kuti abantu bekabapingula mu mulinganya.+
24 Amano yaba pa ntanshi ya muntu uwiluka,Lelo amenso ya muwelewele yalulumba ku mpela sha pano isonde.+
25 Umwana umuwelewele alalenga wishi aba no bulandaKabili alakalifya umutima wa kwa nyina.+
26 Te cisuma ukukanda* uwalungama,Kabili ukulopaula shimucindikwa takwawama.
27 Umuntu uwakwata amano ya cine cine alasala ifya kulanda,+Kabili uwiluka alatekanya.*+
28 Nangu muwelewele nga aikala tondolo balamumona ukuti wa mano,Kabili uushasamuna akanwa kakwe bamumona ukuti aleluka.
Amafutunoti
^ Mu ciHebere, “amalambo.”
^ Nelyo “mu ng’anda umuli tondolo.”
^ Nelyo “Abeshikulu.”
^ Nelyo “icisote ca bufumu.”
^ Nelyo “abafyashi.”
^ Nelyo “abana.”
^ Nelyo “shimucindikwa.”
^ Nelyo “ifisuma.”
^ Nelyo “ilibwe ililenga ifintu fyalamwendela bwino.”
^ Mu ciHebere, “uufimba pa filubo.”
^ Nelyo “ukwiswila amenshi ayali mu cishiba.” Mu ciHebere, “ukuleka amenshi yalafuma.”
^ Nelyo “E lyo ninshi takwata amano”
^ Mu ciHebere, “ni munyina uufyalwa mu nshita ya macushi.”
^ Nelyo “uwakwata umutima uufwaya ifyabipa.”
^ Mu ciHebere, “takasange ubusuma.”
^ Nelyo “muti uusuma uwa kundapilako.”
^ Nelyo “ulalenga amafupa yauma.”
^ Nelyo “ukulipilisha.”
^ Mu ciHebere, “aliba no mupashi uwatalala.”
