?Miziki wie o lɛ mɔ be manman Zoova i Lalofuɛ’m be atin kɛ be tie-ɔ?
Cɛcɛ. E anuannzɛ’n niannianman flimun nin fluwa nin jue mun naan i sin’n w’a tannin be nun wie mun. ?Ngue ti-ɔ?
Biblu’n wla e tinuntinun e fanngan kɛ e “bu sa sin” naan e wun sa kpa nin sa tɛ’n be ngbaciɛ’n.—Ebre Mun 5:14
Sɛ Klisifuɛ kun waan ɔ́ yíyí i ɲin su’n, Biblu’n nun ndɛ wie’m be kwla ukɛ i naan w’a fa ajalɛ kpa. a Kɛ nga e fa yo i titi’n sa’n, ninnge kwlaa nga é yó be’n be nun’n e “kunndɛ sa nga e Min’n i klun jɔ su’n titi.”—Efɛzifuɛ Mun 5:10.
Biblu’n kle kɛ awlobo kpɛn’m be le atin be fa ajalɛ wie mun. I wie yɛle kɛ be kwla kle like nga be awlofuɛ’m be kwla fa yiyi be ɲin su’n. (1 Korɛntifuɛ Mun 11:3; Efɛzifuɛ Mun 6:1-4) Ɔ maan sɛ w’a yoman kɛ awlobo nun sa’n, sran fi leman atin seman Zoova i Lalofuɛ kun kɛ nán ɔ nian flimun wie annzɛ ɔ tie miziki wie annzɛ kusu nán ɔ tie jue tofuɛ kun i jue mun.—Galasifuɛ Mun 6:5.
a I wie yɛle kɛ ninnge kwlaa nga be nun’n be sɔ amuin annzɛ be kunndɛ bla nin bian sukusuku annzɛ be yo i wunsu ɲannzuɛn sa nin nzaje sa mun’n Biblu’n tannin be.—Mmla’n 18:10-13; Efɛzifuɛ Mun 5:3; Kolɔsufuɛ Mun 3:8.
Ninnge wie mɔ be kwla yo ɔ fɛ ekun'n
VIDEO MƆ BE YO I KƐ DESƐN YILƐ SA’N
?A nin ze video’n wan yɛ ɔ sie i wiengu-ɔ?
Kɛ a to ze video’n ɔ yo ɔ fɛ, sanngɛ sɛ w’a nianman ɔ wun su’n i sɔ’n kwla yo wɔ abɔlɛ. ?Ngue yɛ a kwla yo naan ze video’n w’a sieman wɔ-ɔ?
