MAAN AMUN ƝIN TRAN SU!
2023 nun sa’m be ti’n sran kpanngban be akunndan sanngannin—?I su ndɛ benin yɛ Biblu’n kan-ɔn?
Sa nga be juli mɛn’n wunmuan’n nun afuɛ 2023 nun’n, be kle kɛ e o blɛ mɔ Biblu’n flɛ i kɛ ‘mɛn’n i awieliɛ blɛ’n’ i nun sakpa. (2 Timote 3:1) Sa nga be ju mɛn’n nun’n, be kle kɛ ndɛ nga Biblu’n kannin’n, be su kpɛn su. Sa sɔ’m be nun wie mun yɛ:
Sa nga Biblu’n kannin be ndɛ’n nin mɛn’n nun sa mun
“Amún wá tí alɛ ngan, ɔ nin alɛ kunlɛ ndɛ mun.”—Matie 24:6.
Fluwa kun seli kɛ: “Alɛ’n w’a tru mɛn’n nun dan andɛ.” a
Kanngan ndɛ akpasua nga be flɛ i kɛ “?Wan yɛ ɔ́ dé be nga be kunman alɛ’n niɔn?” nin “Sika nga mɛn wunmuan’n nun’n be fa wlɛ i alɛ kunlɛ ninnge’m be nun’n ɔ tra dolaa miliaa 2000” be nun.
“Asiɛ’n wá kéje. Kɛ amún tí i kɛ w’a keje lika nga sa nun’n, amún tí i ekun-ɔn, w’a keje lika uflɛ.”—Marki 13:8.
Fluwa kun seli kɛ: “Kɛ afuɛ 2023 boli i bo lele m’ɔ́ fá jú yɛ’n, asiɛ’n kejeli lika fanunfanun nun mɛn’n wunmuan’n nun. Sanngɛ i ng’ɔ yoli tɛtɛ kpa’n, ɔ juli kpɛ 13. Anwlanmannun’n, asiɛ’n nin-a kejeman kekle kɛ ngalɛ’n sa le.” b
Kanngan ndɛ akpasua nga be flɛ i kɛ “Asiɛ’n kejeli dan kpa Tiiki nin Siri lɔ” nun.
“Sran’m bé wá wún ninnge sroesroe mun.”—Liki 21:11.
Antonio Guterɛsi m’ɔ ti nvlenvle’m be anuannzɛ nga be flɛ i kɛ ONU i su kpɛn’n seli kɛ: “Titi’n, e se kɛ lika’n lo dan. Sanngɛ siɛn’n, sɛ é kwlá sé’n, ɔ tu kɛ nzue mɔ b’a tɛkɛ i sin’n nun sa.” c
Kanngan ndɛ akpasua nga be flɛ i kɛ “Afuɛ 2023 nga nun’n lika’n lo dan tratra su” nun.
“Awe’n wá kpɛ́n.”—Matie 24:7.
Anuannzɛ’n kun seli kɛ: “Afuɛ 2023 nun’n, sran wie’m be fɛli kpa ekun naan b’a ɲan aliɛ b’a fa man be osufuɛ mun.” d
Kanngan ndɛ akpasua nga be flɛ i kɛ “Alɛ’n nin lika m’ɔ kacikaci’n ti’n aliɛ ndɛ’n w’a yo kekle” nun.
“Lika’n wá yó kekle kpa.”—2 Timote 3:1.
Anuannzɛ’n kun seli kɛ: “Sɛ e fa sran mɔcuɛ asiɛ’n wunmuan’n su’n, be nun kun i ti nun w’a sanngan.” e
Kanngan ndɛ akpasua nga be flɛ i kɛ “Gbanflɛn nin talua sunman be akunndan w’a sanngan” nun.
?Afuɛ 2024 nun’n lika’n wá yó sɛ?
E siman sa ng’ɔ́ wá jú afuɛ 2024 nun’n. Sanngɛ mɛn’n nun sa’m be kle kɛ ɔ ka kan’n, Ɲanmiɛn Sielɛ’n mɔ yɛle Ɲanmiɛn i awa m’ɔ o ɲanmiɛn su lɔ’n, ɔ́ wá sín klɔ sran’m be awa’m be osu. Kpɛkun ɔ́ núnnún sa kwlaa nga be ti yɛ maan sran’m be fɛ mɔ be wla guaman ase’n.—Daniɛli 2:44; Sa Nglo Yilɛ 21:4.
Sanngɛ kwlaa naan blɛ sɔ’n w’a ju’n, kɛ sa wie ti’n e wla guaman ase’n maan e kpɛ e ɲin Ɲanmiɛn i wun lɔ naan ɔ uka e. Ɲanmiɛn Ndɛ’n waan:
“Kɛ srɛ kun min’n, n fa min wla n gua ɔ su.”—Jue Mun 56:3.
?Wafa sɛ yɛ sran kun kwla kle kɛ ɔ lafi Ɲanmiɛn su-ɔ? Biblu’n seli kɛ cɛn wie lele’n, e su afɛ’n kwlaa wíe. ?A kunndɛ kɛ á sí nun kpa ekun?. Kplin su kɛ Zoova i Lalofuɛ’m be kle wɔ nin ɔ osufuɛ mun amun Biblu’n nun like. Amun su tuɛmɛn i ti sika. Sɛ amun yo sɔ’n, amún ɲán ndɛ nga Biblu’n kan’n i su ye kpa.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, October 30, 2023.
b Earthquake News, “Year 2023: Number of Major Earthquakes on Course for Record,” May, 2023.
c United Nations, “Secretary-General’s Opening Remarks at Press Conference on Climate,” July 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” October 10, 2023.
Ninnge wie mɔ be kwla yo ɔ fɛ ekun'n
NDƐ WIE MUN EKUN
E kwla lafi su kɛ e ɲrun lɔ’n yó kpa
?Ngue ti yɛ e ɲrun lɔ sa’m be su ndɛ nga Biblu’n kan’n ɔ nin sran’m be liɛ nga be kan’n ɔ timan kun-ɔn?
NINNGE CINNJIN NGA BIBLU’N KLE BE’N
?Ngue yɛ be flɛ i Ɲanmiɛn Sielɛ’n niɔn?
I nun mɔ Zezi kán Ɲanmiɛn ndɛ’n, ɔ kannin Ɲanmiɛn Sielɛ’n i ndɛ trali like kwlaa. I afuɛ ya kpanngban yɛ, sran’m be srɛ maan Sielɛ’n i blɛ’n ju.
AN TINNGE!
?Kɛ e akunndan’n sanngan’n ngue yɛ e kwla yo-ɔ?
Amun fa amun ɲin be sie i ninnge trele wie mɔ amun kwla yo naan sɛ amun akunndan sanngan’n, amun wla w’a gua ase’n, be su.
E SU NDƐ
Se e naan e wa nian ɔ osu
A nin Zoova i Lalofuɛ mun amun koko Biblu’n nun ndɛ kun su yalɛ, annzɛ kunndɛ kɛ á sí be su ndɛ kpa.
