MAAN AMUN ƝIN TRAN SU!
?Aamagedɔn alɛ’n ɔ́ bó i bo Izraɛli nvle’n nun lɔ?—?I su ndɛ benin yɛ Biblu’n kan-ɔn?
Aamagedɔn alɛ nga Biblu’n kɛn i ndɛ’n timan lika kunngba nun alɛ. Sanngɛ ɔ ti alɛ kun m’ɔ́ tɔ́ asiɛ wunmuan’n su-ɔ. Awa’m be kwlaa be nin Ɲanmiɛn yɛ bé kún alɛ sɔ’n niɔn.
“Ndɛ sɔ’m be fin mmusu mun. […] Be kɔ famiɛn nga be o asiɛ wunmuan’n su’n be sin. Be yiayia be naan be kun alɛ Ɲanmiɛn m’ɔ Kwla Like Kwlaa Yo’n i cɛn dan’n nun. Be yiayiali be lika nga Ebre nun’n be flɛ i Aamagedɔn’n i nun.”—Sa Nglo Yilɛ 16:14, 16.
Ndɛ “Aamagedɔn’n” ɔ fin Ebre nun ndɛ Har Meghid·dohnʹ. I bo’n yɛle “Megido oka’n.” Laa’n, Izraɛli lɔ klɔ kun yɛ be flɛ i Megido’n niɔn. I sɔ’n ti’n, sran wie’m be bu i kɛ bé wá kún Aamagedɔn alɛ’n e blɛ su nvle nga be flɛ i Izraɛli’n i nun. Sanngɛ “famiɛn nga be o asiɛ wunmuan’n su’n” be nin be sonja’m be kwlá sɔnman mɛn dan nga be flɛ i Muayɛn Orian’n i nun, naan se kɛ Megido lɔ yɛ bé sɔ́n-ɔn.
Ninnge nga Sa Nglo Yilɛ fluwa’n kan be ndɛ’n, be ti “aolia nun” like annzɛ nzɔliɛ like. (Sa Nglo Yilɛ 1:1) Ɔ maan Aamagedɔn nga be kɛn i ndɛ’n, ɔ timan lika jrɛiin kun. Sanngɛ ɔ ti sa kun m’ɔ́ wá jú asiɛ wunmuan’n su’n i nzɔliɛ. Yɛle kɛ nvlenvle’m be kwlaa bé bó yó kun be nin Ɲanmiɛn bé kún alɛ.—Sa Nglo Yilɛ 19:11-16, 19-21.
Ninnge wie mɔ be kwla yo ɔ fɛ ekun'n
NINNGE CINNJIN NGA BIBLU’N KLE BE’N
?Ngue ti yɛ Ɲanmiɛn yaci sran’m be lɛ mɔ be wun ɲrɛnnɛn-ɔn?
Wafa nga Biblu’n tɛ su’n ɔ cici sran wla.
KOSAN MƆ BIBLU’N TƐ BE SU’N
?Nzɔliɛ onin yɛ ɔ kle kɛ e o “mɛn i awieliɛ blɛ’n” nun-ɔn?
Biblu’n kannin ninnge kaka mɔ bé klé e o mɛn’n i awieliɛ blɛ’n nun’n be ndɛ.
NINNGE CINNJIN NGA BIBLU’N KLE BE’N
?Ngue ti yɛ Ɲanmiɛn yili asiɛ’n niɔn?
Ninnge nglanmannglanman’m b’a yi asiɛ’n i piɛ. Ɲanmiɛn sieli i kan ɔ nin i fata’n sɛsɛsɛ. ?Ngue ti yɛ Ɲanmiɛn niannin nun yoli i sɔ liɛ’n niɔn?
E SU NDƐ
Se e naan e wa nian ɔ osu
A nin Zoova i Lalofuɛ mun amun koko Biblu’n nun ndɛ kun su yalɛ, annzɛ kunndɛ kɛ á sí be su ndɛ kpa.
