Zezi fɛli i wun yili sran mɔ fɔ o be nun’n, be ti tɛ. (Rɔ 5:8) Klolɛ m’ɔ klo e tinuntinun’n, i ti yɛ ɔ yoli sɔ-ɔ. Nanwlɛ, i sɔ’n yo e fɛ kpa. Sanngɛ kusu’n, ɔ fataman kɛ e wla fi su kɛ Klist wuli e niaan’m be tinuntinun be dunman nun wie. ?Klolɛ kunngba nga Klist fa kloli e’n, wafa sɛ yɛ e kwla yi i nglo e niaan mun mɔ fɔ o be nun kɛ e sa’n, be lika-ɔ? Maan e kan wafa nsan ndɛ. I klikli’n, yɛle kɛ e nin be nga e finwlɛ’n timan kun e kwla tra janvuɛ. (Rɔ 15:7; 2Ko 6:12, 13) I nɲɔn su’n, yɛle kɛ e nian e wun su naan y’a kanman ndɛ wie, annzɛ y’a yoman like wie m’ɔ kwla lo e niaan’m be ngasi-ɔ. (Rɔ 14:13-15) I nsan su’n, sɛ sran kun lo e ngasi, nán e sisi e bo naan y’a yaci y’a cɛ i. (Lk 17:3, 4; 23:34) Sɛ e mian e ɲin naan e nian Zezi i ajalɛ su’n, Zoova yrá asɔnun’n i su titi, ɔ maan e bo yó kun yɛ fɔundi trán asɔnun’n nun.

AN NIAN VIDEO’N YO MAAN Ɔ KLANMAN’N I ƝIN FITE! I SIN’N AN TƐ KOSAN NGA’M BE SU:

• ?Kɛ Miki juli i asɔnun uflɛ nun’n, i klikli nun’n, wafa sɛ yɛ i wun yoli i-ɔ?

• ?Ngue ti yɛ i akunndan’n wa kacili-ɔ?

• ?Wafa sɛ yɛ Zezi i ajalɛ’n ukali Miki naan w’a kaci i akunndan’n niɔn? (Mr 14:38)

• ?Wafa sɛ yɛ Nyanndra Mun 19:11 uka e naan y’a bu e niaan Klistfuɛ’m be wun akunndan kpa-ɔ?