ƝANMIƐN NDƐ’N NUN NINNGE KPAKPA WIE MUN | ZEREMI 51-52
Zoova i ndɛ ng’ɔ kan be’n, be kpɛn su sɛsɛsɛ
Sa nga bé wá jú’n, kɛ Zoova kán be ndɛ’n, ɔ yiyi nun weinwein.
Ta tofuɛ kun m’ɔ sasa Pɛrsi famiɛn’n.
“An kpita amun cua’m be nuan”
“Babilɔnin alɛ kunfuɛ kpakpa’m b’a kun-man alɛ’n kun”
-
Be klɛli Babilɔnin lɔ laa ndɛ wie mun like kun mɔ be fali ufa be yoli’n i su. Be klɛli i kɛ: “Sirisi i sonja’m b’a kunman alɛ naan b’a wlu Babilɔnin klɔ’n nun.” (La Chronique de Nabonide) I sɔ’n kle kɛ klɔfuɛ’m be nin be a kunman alɛ. Ɔ maan ndɛ sɔ’n nin ndɛ nga Ɲanmiɛn nuan ijɔfuɛ Zeremi kannin’n be ti kun.
La Chronique de Nabonide
“Babilɔnin káci yɛbuɛ kwle [yɛ] be su kplɛn-mɛn i kun”
-
Kɛ ɔ fɛ i afuɛ 539 ka naan Klistfuɛ’m be blɛ’n w’a ju’n Babilɔnin klɔ’n i aɲrunɲan’n boli ase kanlɛ bo-ɔ. Famiɛn Alɛzandri kunndɛli kɛ ɔ́ fá Babilɔnin klɔ’n yó i klɔ dan. Sanngɛ ɔ kpɛli co wuli. Klistfuɛ klikli’m be blɛ su, nn Zuifu akpasua kun te o Babilɔnin lɔ. I sɔ ti yɛ akoto Piɛli ɔli lɔ’n niɔn. Sanngɛ afuɛ 400 nun’n, nn klɔ’n w’a bubu mlɔnmlɔn yɛ be kɛmɛn i wlaman klɔ’m be nun kun.
