?A bu i kɛ mɛn’n yó sɛ e ɲrun lɔ?
?Mɛn’n [...]
-
ká kɛ nga sa tititi?
-
yó tɛ kɔ́ i ɲrun?
-
yó kpa?
NDƐ NGA BIBLU’N KAN’N
“Nyanmiɛn wá núnnún be nyinmuɛn’n kwlaa, wie’n su tran-man lɛ kun. Be su yo-man sɛ kun, be su sun-man kun, be su wun-man nyrɛnnɛn kun, afin laa ninnge sɔ’m be su tran-man lɛ kun.”—Sa Nglo Yilɛ 21:3, 4, Nyanmiɛn Ndɛ’n.
WAFA NGA NDƐ SƆ’N KWLA YO Ɔ YE’N
Á ɲán junman kpa yɛ á dí su aklunjuɛ.—Ezai 65:21-23.
Tukpacɛ nin ɲrɛnnɛn wafa kwlaa bé wíe.—Ezai 25:8; 33:24.
A nin ɔ awlobo’n, nin ɔ janvuɛ mun amún dí aklunjuɛ tititi.—Jue Mun 37:11, 29.
?E KWLA LAFI NDƐ NGA BIBLU’N KAN’N SU SAKPA?
Sa nɲɔn ti’n, e kwla tɛ su kɛ ɛɛn:
-
Ɲanmiɛn yia ndɛ ng’ɔ kan’n i nuan. Biblu’n nun’n Ɲanmiɛn Zoova i ngunmin yɛ be kɛn i ndɛ se kɛ ‘ɔ kwla like kwlaa yo’ ɔ. Afin i tinmin’n leman wunsu mlɔnmlɔn. (Sa Nglo Yilɛ 15:3) Ɔ maan, kɛ ɔ seli kɛ ɔ́ yó naan e mɛn nga kaci mɛn klanman kun’n, ɔ́ yó i sɔ sakpa. Biblu’n se kɛ “Nyanmiɛn kwla sa’n kwlaa yo.”—Matie 19:26.
-
Ɲanmiɛn kunndɛ kpa kɛ ɔ́ yía nda ng’ɔ tali e’n i nuan. I wie yɛle kɛ Zoova kunndɛ kpa kɛ ɔ́ cɛ́n be nga be wuli’n be nguan.—Zan 11:41, 42.
Biblu’n kle ekun kɛ Ɲanmiɛn i Wa Zezi yoli tukpacifuɛ’m be juejue. ?Ngue ti yɛ ɔ yoli sɔ ɔ? Afin ɔ klo kɛ ɔ́ yó be juejue ti-ɔ. (Mark 1:40, 41) Zezi ti kɛ i Si sa. Ɔ kunndɛ kɛ ɔ́ úka be nga sa o be su’n.—Zan 5:19.
Ɔ maan e kwla lafi su kɛ Zoova nin Zezi be kunndɛ kɛ bé úka e naan cɛn wie lele’n e di aklunjuɛ.—Jue Mun 72:12-14; 145:16; 2 Piɛr 3:9.
BU KOSAN NGA SU AKUNNDAN
?Ngue yɛ Ɲanmiɛn wá yó naan mɛn’n w’a yo kpa-ɔ?
Biblu’n tɛ kosan sɔ’n su MATIE 6:9, 10 ɔ nin DANIƐL 2:44 be nun.
Ninnge wie mɔ be kwla yo ɔ fɛ ekun'n
SASAFUƐ TRANWLƐ'N
Sa nga bé wá jú e ɲrun lɔ’n be su ndɛ nanwlɛ’n
Amun lafi su kɛ like nga Ɲanmiɛn waan ɔ́ yó man sran mun asiɛ’n su’n, ɔ́ kpɛ́n su sakpa.
NDƐ WIE MUN EKUN
E kwla lafi su kɛ e ɲrun lɔ’n yó kpa
?Ngue ti yɛ e ɲrun lɔ sa’m be su ndɛ nga Biblu’n kan’n ɔ nin sran’m be liɛ nga be kan’n ɔ timan kun-ɔn?
NINNGE CINNJIN NGA BIBLU’N KLE BE’N
?Ngue yɛ be flɛ i Ɲanmiɛn Sielɛ’n niɔn?
I nun mɔ Zezi kán Ɲanmiɛn ndɛ’n, ɔ kannin Ɲanmiɛn Sielɛ’n i ndɛ trali like kwlaa. I afuɛ ya kpanngban yɛ, sran’m be srɛ maan Sielɛ’n i blɛ’n ju.
SASAFUƐ TRANWLƐ'N
?Ngue yɛ Ɲanmiɛn Sielɛ’n wá yó-ɔ?
Zezi si kɛ Ɲanmiɛn Sielɛ’n i kunngba cɛ yɛ ɔ kwla siesie asiɛ’n su sa’m be kwlaa-ɔ. ?Ngue yɛ Ɲanmiɛn Sielɛ’n w’a dun mmua w’a yo mɔ i ti yɛ e kwla lafi i su-ɔ?
E SU NDƐ
Se e naan e wa nian ɔ osu
A nin Zoova i Lalofuɛ mun amun koko Biblu’n nun ndɛ kun su yalɛ, annzɛ kunndɛ kɛ á sí be su ndɛ kpa.
