Zeremin 49:1-39
49 Amɔnfuɛ’m+ be su ndɛ liɛ nga Zoova kan’n yɛ:“?Izraɛli leman ba yasua??Ɔ leman aja difuɛ??Ngue ti yɛ Malkamun+ fali Gadi-ɔ?+?Ngue ti yɛ i sran’m be tran Izraɛli klɔ’m be su-ɔ?”
2 “Zoova waan yoo: ‘I sɔ’n ti’n, amun nian, cɛn wie lele’n,ń yó maan bé fíta like nga be fa bo alɛ kunlɛ’n i jɔ’n nun* naan be fa alɛ wla Raba+ m’ɔ ti Amɔnfuɛ’m+ be klɔ’n i nunfuɛ’m be sin.Ɔ́ káci yɔbuɛ kwle, sran fi su tranman lɔ kun.Yɛ bé fá sin wɔ́ klɔ nga be mɛntɛn i lɛ’n be nun.’‘Be nga be fali Izraɛli nvle’n, Izraɛlifuɛ’m bé wá fá be liɛ’n.’+ Zoova yɛ ɔ kan sɔ-ɔ.
3 ‘Ee, Ɛsbɔnfuɛ mun, amun sun afin be bubuli Ai!Klɔ nga be mantan Raba lɛ’n be sufuɛ mun, amun kpan kekle kpa.Amun wla bajɛ tralɛ.Amun sun yɛ amun wlanwlan nnɛn’m be kuku nga yɔbuɛ yɛ be fa sisili be’n* be afiɛn.Afin bé trá Malkamun nini ɲrun jranfuɛ mun nin i sran dandan mun bé kɔ́.+
4 ?Talua ɲin keklefuɛ, ngue ti yɛ a fa lika kpɛtɛkplɛɛ mun di ɔ nuan-ɔn??Ngue ti yɛ a fa ɔ lika kpɛtɛkplɛɛ ng’ɔ yo like ye’n di ɔ nuan-ɔn?A fa ɔ wla gua ɔ ninnge kpakpa’m be suyɛ a se kɛ: “?Wan yɛ ɔ kwla fa alɛ wla min sin-ɔn?”’”
5 “Miɛn m’ɔ Sie Like Kwlakwla’n, Zoova m’ɔ ti sonja’m be su kpɛn’n waan yoo: ‘Ń fá sa sroesroe kun ń yí ɔ su.Sa sɔ’n fín be nga be bo sin yia wɔ’n.Amún bó sánndi lika kwlakwla,yɛ sran fi su yiayiaman be nga be su wanndi kɔ’n.’”
6 “Zoova waan yoo: ‘Sanngɛ i sin’n, ń má yíayía Amɔnfuɛ nga be trali be’n.’”
7 Edɔmun i su ndɛ liɛ nga Zoova m’ɔ ti sonja’m be su kpɛn’n kan’n yɛ:“?Ngwlɛlɛfuɛ fi nunman Teman+ lɔ kun??Be nga be si sa’n, be kwlá manman afɔtuɛ kpakpa’m be kun??Be ngwlɛlɛ’n w’a saci?
8 Dedanfuɛ mun,+ amun wanndi, amun sa amun sin!Amun ko fia kunman’mbe nun!Afin kɛ blɛ ng’ɔ fata kɛ n tu Ezau i fɔ’n ko ju’n,ń fá ɲrɛnnɛn ń yí i su.
9 ?Sɛ viɲin tifuɛ’m be to ɔ lɔ’n,be su yaciman viɲin sɔlɛsɔlɛ kunngun lɛ?Sɛ awiefuɛ’m be ba kɔnguɛ’n,like nga be klo kɛ bé fá’n yɛ bé fá kɔ́-ɔ.+
10 Sanngɛ min liɛ’n, ń ísa Ezau i bo ninnge’m be ngba.Ń tíke i fiawlɛ lika’m be su,ɔ maan ɔ su kwlá fiaman kun.Bé kún i mma mun, nin i niaan bian mun, ɔ nin i mantanfuɛ’m be kwlaa,+yɛ i bɔbɔ su tranman lɛ kun.+
11 Yaci ɔ mma mɔ be leman si’n be lɛ,yɛ ń yó maan bé ká nguan nun,kpɛkun ɔ angbeti bla’m bé fá be wla gúa min su.”
12 Afin Zoova waan yoo: “?Sɛ be nga b’a seman be kɛ be nɔn’n bé nɔ́n i kekle nun’n, wɔ yɛ bé yáci ɔ lɛ mlɔnmlɔn yɛ be su tuman ɔ fɔ-ɔ? Nanwlɛ, be su yaciman ɔ lɛ sa ngbɛn. Afin saan á nɔ́n i kekle nun.”+
13 Zoova waan yoo: “Afin n bɔbɔ m’an ta nda kɛ ɲrɛnnɛn ng’ɔ́ wá tɔ́ Bɔzra su’n, ɔ́ yó sro.+ Ɔ́ kún sran’m be ɲannzuɛn, lika’n tɔ́ srolo yɛ sran’m bé fɛ́ i dunman’n bó sannzan. Yɛ i klɔ’m be kwlaa bé núnnún mlɔnmlɔnmlɔn.”+
14 N tili ndɛ kun mɔ Zoova kannin’n.Be sunmannin sran kun nvlenvle’m be nun naan ɔ ko se kɛ:“Amun yia naan amun fa alɛ wlɛ i sin.Amun buabua amun wun naan amun ko kun alɛ.”+
15 “Afin nian! N yoli maan a leman ɲrun nvlenvle’m be nun kun.Sran’m be yo ɔ finfin.+
16 Wɔ mɔ a tran kpɔlɛ fleiin kpa’n i ti su nglo lɔ’n,mɔ a tran yɔbuɛ buɛ’m be nun’n,usulɛ nga ɔ dunman nun ti’n sran’m be usu’n,nin ɔ wun tulɛ’n, b’a laka wɔ.Kannzɛ bɔbɔ a ko kplan ɔ sua’n nglo lɔ kɛ anunman ɲin wie sa’n,ń yó maan á fín lɔ jrá.” Zoova yɛ ɔ kan sɔ-ɔ.
17 “Sa ng’ɔ́ wá tɔ́ Edɔmun su’n, ɔ́ yó sro.+ Ɲrɛnnɛn kwlaa ng’ɔ́ wá tɔ́ i su’n ti’n, be kwlaa nga bé wá sín i wun lɛ’n, kɛ bé wún i’n, ɔ́ yó be sro. Kpɛkun bé bó feliman.”
18 Zoova waan yoo: “Ɔ́ yó kɛ Sodɔmun nin Gomɔru nin klɔ nga be mantan be+ lɛ mɔ n nunnunnin be’n sa. Ɔ́ tɔ́ srolo, yɛ sran fi su tranman su kun.”+
19 “Amun nian, nnɛn didiwlɛ nga be o lɛ diin’n be sacilɛ ti’n, sran kun wá bá kɛ asɔmɔli kun+ m’ɔ fin Zurdɛn’n i nuan lɛ ijre’m be nun w’a fite’n sa. Sanngɛ ń má yó maan ɔ́ jáso be nvle’n nun lɛ kpɛ kunngba ɔ́ kɔ́ mmuammua kpa. Yɛ ń fá sran nga n kpɛli i’n ń síe i nvle’n su. ?Afin wan yɛ ɔ ti kɛ min sa-ɔ? ?Yɛ wan yɛ ɔ nin min kwla si akplowa-ɔ? ?Bua kankanfuɛ benin yɛ ɔ kwla jran min ɲrun-ɔn?+
20 I sɔ’n ti’n, sran mun, amun tie Edɔmun i wun ajalɛ nga Zoova w’a fa’n nin Temanfuɛ’m+ be wun akunndan nga w’a bu’n:Saan bé cúɛn be nnɛn’m be mma kanngan mun bé kɔ́ mmua.Be dunman nun ti’n, ɔ́ sáci be tranwlɛ mun.+
21 Kɛ be tɔli’n, asiɛ’n kejeli.Tɔlɛ nga be tɔli’n, ɔ tɛli kekle kpa!Be tili be tɔlɛ’n i ngan Jenvie Ɔkwlɛ’n i nuan lɔ bɔbɔ.+
22 Amun nian! Ɔ́ yó kɛ anunman ɲin m’ɔ tu kɔ nglo lɔ kpɛkun ɔ jra asiɛ wun’n sa,+ɔ́ trɛ́ i ndɛwa’m be nun Bɔzra su.+Cɛn sɔ’n nun’n, Edɔmun lɔ safuɲrɛn’m be awlɛn’n sí kpukpukpu kɛbla kun m’ɔ su wu ba’n i liɛ’n sa.”
23 Damasi+ i su ndɛ liɛ’n yɛ:“Ɲannzuɛn kunnin Amati+ nin Aapadi,afin be tili ndɛ tɛ kun.Be sa sin w’a bubu be mlɔnmlɔnmlɔn.Sran’m be ti kɛ jenvie mɔ w’a mɛn i wun su mɔ be kwlá kɛnmɛn i ase’n sa.
24 Damasi i sa sin w’a bubu i mlɔnmlɔnmlɔn.I waan ɔ́ wánndi, sanngɛ srɛ dan kpa kunnin i.I awlɛn’n si i klun kpukpukpu, kpɛkun aklunya’n w’a tɔ i su kɛbla kun m’ɔ su wu ba’n sa.
25 ?Ngue ti yɛ sran’m b’a tuman klɔ klanman,m’ɔ ti aklunjɔɛ klɔ’n i su-ɔ?
26 Afin lɔ gbanflɛn’m bé tɔ́ klɔ’n i gua’m be su,yɛ i sonja’m be kwlaa bé wú cɛn sɔ’n nun.” Zoova m’ɔ ti sonja’m be su kpɛn’n yɛ ɔ kan sɔ-ɔ.
27 “Ń fá sin ń wɔ́ Damasi i wun talɛ’n nun,yɛ sin yrá Bɛnin-Adadi i fiawlɛ lika mun.”+
28 Kedaa+ nin Azɔɔ lɔ famiɛn diwlɛ mɔ Nebikadnezaa* m’ɔ ti Babilɔnin famiɛn’n nunnunnin be’n, be su ndɛ nga Zoova kan’n yɛ:“Amun jaso, amun wɔ Kedaa,amun ko kun Wia Afiliɛ lɔfuɛ’m be mma mun.
29 Amun fa be tannin sua’m be wun tannin mun nin be bo ninnge’m be kwlaa,bé fá be tannin sua mun nin be nnɛn mun,bé fá be ɲɔnngɔnmin mun kɔ́,yɛ sran’m bé kpán bé sé be kɛ: ‘Ɲrɛnnɛn o lika kwlaa!’”
30 “Amun wanndi, amun wɔ mmua!Azɔɔ lɔfuɛ mun, amun ko fia kunman’m be nun.” Zoova yɛ ɔ kan sɔ-ɔ.“Afin Nebikadnezaa* m’ɔ ti Babilɔnin famiɛn’n cicili amun wun ndɛ kun,w’a bu wafa nga ɔ́ fá alɛ wlá amun sin’n, i akunndan w’a sie.”
31 “Amun jaso naan amun fa alɛ wla nvle nga i nun ti fɔuunmɔ i nunfuɛ’m be di alaje’n i sin!” Zoova yɛ ɔ kan sɔ-ɔ.“Ɔ leman anuan naan se kɛ ɔ́ ɲán ninnge nga be fa jaja anuan’m be sin’n. Be tran be liɛ ngunmin.
32 Bé wúa be ɲɔnngɔnmin mun,yɛ bé fá be nnɛn mɔ be sɔnnin kpa’n, bé kɔ́.Ń yó maan be nga be kpɛkpɛ be srɔ su ndrɛ’n,+bé bó sánndi lika kwlaa nun.Yɛ ɲrɛnnɛn fín lika kwlaa nun yɛ ɔ́ tɔ́ be su-ɔ. Zoova yɛ ɔ kan sɔ-ɔ.”
33 “Azɔɔ káci blo alua’m be lawlɛ,ɔ́ ká sɔ mlɔnmlɔnmlɔn.Ɔ́ tɔ́ srolo,yɛ sran fi su tranman su kun.”
34 Kɛ Sedesiasi+ m’ɔ ti Zida famiɛn’n ɔ́ bó i famiɛn dilɛ bo’n, Elamun+ i su ndɛ nga Zoova kan kleli i nuan ijɔfuɛ Zeremin’n yɛ:
35 “Zoova m’ɔ ti sonja’m be su kpɛn’n waan yoo: ‘Ń má búbú Elamun+ i ta mɔ i yɛ ɔ mɛn i fanngan’n nun.
36 Ń yó maan aunmuan nnan mɔ be fin ɲanmiɛn m’ɔ la nglo lɔ plaii’n i bue nnan’m be su’n, bé wá fíta Elamun su. Yɛ ń yó maan bé bó sánndi aunmuan sɔ’m be kwlaa be nun. Kɛ Elamunfuɛ’m bé wá bó sánndi’n, ɔ leman nvle kun sa mɔ be su ko tranman nun-ɔn.’”
37 Zoova waan yoo: “Ń yó maan Elamunfuɛ’m bé úsu be kpɔfuɛ mun nin be nga be kunndɛ kɛ bé kún be’n, be ɲrun sa tututu. Ń fá ɲrɛnnɛn’n ń yí be su. Ya nga m’an fa’n, ɔ timan blɛblɛ. Yɛ ń yó maan tokofi’n sú be su lele ɔ́ núnnún be sekeseke.”
38 “Ń táka min famiɛn bia’n Elamun+ lɔ, yɛ ń núnnún lɔ famiɛn’n nin lɔ sran dandan mun.” Zoova yɛ ɔ kan sɔ-ɔ.
39 “Sanngɛ blɛ kasiɛn’n nun’n, ń yíayía Elamunfuɛ nga be trali be’n.” Zoova yɛ ɔ kan sɔ-ɔ.
Ja ngua lɔ ndɛ mun
^ Be kwla se ekun kɛ “bé kpán alɛ kunlɛ kpanlɛ.”
^ Annzɛ “bua’m be kuku mun.”
^ Annzɛ “Nebikadrezaa.” I klɛlɛ wafa kun ekun-ɔn.
^ Annzɛ “Nebikadrezaa.” I klɛlɛ wafa kun ekun-ɔn.
