Zeremin 18:1-23
18 Ndɛ nga Zoova kan kleli Zeremin’n yɛ:
2 “Jaso naan kɔ sɛ wufuɛ’n i awlo lɔ.+ Ń kán ndɛ’n ń klé wɔ lɔ.”
3 Yɛ n ɔli sɛ wufuɛ’n i awlo lɔ-ɔ. Kɛ ń jú lɔ’n, nn ɔ su wu sɛ.
4 Sanngɛ sɛ nga sɛ wufuɛ’n su fa ufa’n yó’n, ɔ sacili i sa nun. Ɔ maan sɛ wufuɛ’n fali ufa sɔ’n fa wuli sɛ uflɛ, kɛ nga ɔ klo’n sa.
5 Zoova kannin ndɛ kleli min ekun. Ɔ seli min kɛ:
6 “Zoova waan yoo: ‘?Izraɛlifuɛ mun, like nga sɛ wufuɛ’n yoli i lɛ’n, n kwlá yoman amun sɔ wie? Izraɛlifuɛ mun, amun nian, amun o min sa nun kɛ ufa’n wo sɛ wufuɛ’n i sa nun’n sa.+
7 Sɛ n se kɛ ń tú nvle kun annzɛ famiɛn diwlɛ kun i bo, naan ń bú i, yɛ ń núnnún i’n,+
8 naan nvle sɔ’n i nunfuɛ’m be yaci sa tɛtɛ nga n kannin be ndɛ’n be yolɛ sakpasakpa’n, n kusu, ɲrɛnnɛn sa nga n seli kɛ ń fá yí be su’n, n su fa yiman be su kun. Ń káci aniɛn.*+
9 Sanngɛ sɛ n se kɛ ń kplán nvle kun, naan ń tá nvle sɔ’n, annzɛ famiɛn diwlɛ kun’n,
10 naan sanngɛ nvle sɔ’n yo sa ng’ɔ ti tɛ min ɲrun’n naan ɔ faman min nuan ndɛ’n su’n, sa kpa nga n buli i akunndan kɛ ń yó mɛ́n i’n, n su yomɛn i kun. Ń káci aniɛn.’*
11 “Siɛn’n yaci, kan kle Zidafuɛ mun nin Zerizalɛmunfuɛ’m be kɛ: ‘Zoova waan yoo: “N su buabua min wun naan ń fá ɲrɛnnɛn kun ń yí amun su. M’an fa amun wun ajalɛ kun. Amun yaci, amun kaci amun sa. Ninnge tɛtɛ nga amun yo be’n, amun yaci be yolɛ naan amun kaci amun nzuɛn’n.”’”+
12 Sanngɛ be seli kɛ: “Nán kle ɔ wun yalɛ ngbɛn!+ Akunndan nga e bu’n i nuan su like yɛ é yó-ɔ. Yɛ like nga sran kun i klun akunndan tɛ’n su i bo kɛ ɔ yo’n yɛ ɔ́ yó-ɔ.”+
13 I sɔ’n ti’n, Zoova waan yoo:“Amun yaci, amun usa nvle nga be o lɛ’n be nian.?Wan yɛ w’a ti ndɛ kɛ ngalɛ’n sa’n wie le-ɔ?Izraɛli i talua ng’ɔ nin-a siman bian’n w’a yo tete sa kun.+
14 ?Laglasi m’ɔ fin nglo lɔ gua munkɛnmunkɛn Liban’n su’n, m’ɔ o yɔbuɛ’m be nvɛnwunnvɛnwun’n, ɔ́ wíe??Nzue ba nga be sonji mmua lɔ be ba’n bé wíe nun?
15 Sanngɛ min nvle nunfuɛ’m be liɛ’n, be wla w’a fi min.+Afin be yi tɛ* man finfin ninnge mun,+be yo maan sran’m be ja kpla be atin mɔ be ti lalafuɛ atin’n be su,+yɛ be nanti atin tɛ nga b’a yiman’n be su.
16 I sɔ’n ti’n, sa ng’ɔ́ wá jú lika nga nun wa’n, ɔ́ yó ɲrɛnnɛn.+Be kwlaa nga bé wún i’n, bé bó feliman titi.+Sran kwlaa ng’ɔ́ sín lɛ’n, i nuan’n bó i wun kpɛkun ɔ́ kéje i ti’n.+
17 Kɛ wia afiliɛ lɔ aunmuan’n sa’n, ń yó maan kɛ bé wún be kpɔfuɛ mun cɛ’n, bé bó sánndi.Cɛn nga bé wá klé be ɲrɛnnɛn’n, ń káci min sin ń sí be, n su nianmanbe lɔ.”*+
18 Yɛ be seli kɛ: “An bla maan e cici Zeremin i wun ndɛ.+ Afin e Ɲanmiɛn ɲrun jranfuɛ’m bé kán mmla’n i nun ndɛ’n klé e titi. Ngwlɛlɛfuɛ’m bé mán e afɔtuɛ titi. Yɛ Ɲanmiɛn nuan ijɔfuɛ’m bé kán Ɲanmiɛn nuan ndɛ’n klé e titi. An bla naan e kɛn i wun ndɛ tɛ. Nán maan e fa e ɲin sie ndɛ ng’ɔ kan’n su.”
19 Ee Zoova, fa ɔ ɲin sie min su,yɛ tie ndɛ nga min kpɔfuɛ’m be kan’n.
20 ?Naan bé fá sa tɛ’n bé túa sa kpa’n i kalɛ?Afin be kpɛli kunman naan bé kún min.+Maan ɔ wla kpɛn su kɛ n jrannin ɔ ɲrun n kannin be wun ndɛ kpa,naan be wun ya nga a fali’n, a guɛ i ase.
21 Fa be mma mun wlɛ i awe’n i sa nun,yaci be lɛ man tokofi’n.+Maan be yi’m be mma’m be wu, yɛ maan be yi’m be kaci angbeti.+Maan tukpacɛ tɛ wie kun be wun mun,maan tokofi’n ɔ kun be gbanflɛn mun alɛ’n nun.+
22 Kɛ á wá fá awiefuɛ mun fú be nun’n,maan be ti be kpanlɛ’n be sua’m be nun.Afin be kpɛli kunman naan n tɔ nun naan bé trá min,kpɛkun be suali aya naan min ja’n tɔ nun.+
23 Sanngɛ Zoova, ɔ liɛ’n,a si min wun ndɛ nga be cicili naan bé kún min’n i kpa.+Nán kata sa nga be yoli’n su,nán nunnun be sa tɛ’n.Ya nga a fali’n ti’n, kɛ á wá klé be nun’n+maan be ja’n kpla ɔ ɲrun lɛ.+
Ja ngua lɔ ndɛ mun
^ Annzɛ “Ɔ́ yó min nsisɔ.”
^ Annzɛ “Ɔ́ yó min nsisɔ.”
^ Annzɛ “be yra like naan sin wunsrɛn’n fu wɔ nglo.”
^ Ebr., “min wiasin’n yɛ ń fá klé be-ɔ, nán min ɲrun’n niɔn.”
