Jue Mun 59:1-17
Ɔ ti jue tofuɛ’m be su kpɛn’n i liɛ. “Nán saci like.” Davidi i jue-ɔ. Miktamun* su. Kɛ Saili sunmannin sran mun kɛ be ko sa Davidi i sua’n i wun lɛ naan be kun i’n,+ yɛ ɔ toli jue sɔ’n niɔn.
59 Ee min Ɲanmiɛn, de min min kpɔfuɛ’m be sa nun.+
Sasa min be nga be jaso min wun’n be lika.+
2 De min be nga be yo klunwi sa mun’n be sa nun,de min be nga be yo nzaje sa mun’n* be sa nun.
3 Nian! B’a bu b’a sa min ɲrun.+
Sran mɔ be le wunmiɛn’n be nin min kun,sanngɛ Zoova, nán kɛ n yoli ɲin kekle ti-ɔ, nán kɛ n yoli sa tɛ ti-ɔ.+
4 Kannzɛ m’an yoman sa tɛ fi’n, be wanndi be ko siesie be wun naan bé tɔ́ min su.
Sɛ n flɛ wɔ’n, jaso naan nian.
5 Afin Ɲanmiɛn Zoova, wɔ mɔ a ti sonja’m be su kpɛn’n, a ti Izraɛli Ɲanmiɛn.+
Tinnge naan kpɛ ɔ ɲin nvlenvle’m be kwlaa be su.
Nán si be mɔ be kpɛ be wiengu bo waka’n be nun wie fi i aunnvɔɛ.+ (Sela)
6 Nnɔsua kwlaa’n be sabe sin,+be bo kɛ alua mun sa,+ yɛ be bo sin yia klɔ’n.+
7 Nian like ng’ɔ fin* be nuan nun gua’n.
Be nuan bui’m be ti kɛ tokofi mun sa,+afin be se kɛ: “?Wan yɛ ɔ sie i su-ɔ?”+
8 Sanngɛ wɔ, Zoova, á wásrí be.+
Á wá yó nvlenvle’m be kwlaa be finfin.+
9 Ee, wɔ mɔ a ti min wunmiɛn’n, min ɲin tá wɔ ɲrun titi.+
Afin Ɲanmiɛn ti min fiawlɛ kpa.+
10 Ɲanmiɛn m’ɔ yi i sran klolɛ dan’n i nglo min lika’n, ɔ́ wá bá min ukalɛ.+
Ɲanmiɛn wá yó maan kɛ min kpɔfuɛ’m bé tɔ́’n, ń nían be.+
11 Nán kun be, i liɛ’n min sran’m be wla su fiman su.
Fa ɔ tinmin’n yo maan be wlan daan.
Ee Zoova, wɔ mɔ a ti e ɲrɛn’n, yo maan be tɔ.+
12 Sa tɛ nga be nuan’n yo’n, ndɛ ng’ɔ fin be nuan fite’n ti’n,maan be tutre’n tra be kɛ aya wie sa,+Afin be bo sannzan, yɛ be laka sran.
13 Fa ya nunnun be,+nunnun be naan b’a tranman lɛ kun.
Yo maan be si kɛ Ɲanmiɛn sie Zakɔbu lɔ lele fa ju asiɛ’n i tiwa lɔ.+ (Sela)
14 Maan be sa be sin nnɔsua.
Maan be bo kɛ alua mun sa, yɛ maan be bo sin yia klɔ’n.+
15 Maan be wlan daan be kunndɛ like be di.+
Nán maan be ku yi, yɛ nán maan be ɲan lawlɛ.
16 Sanngɛ min liɛ’n, ń tó jue ń kán ɔ wunmiɛn’n i ndɛ.+
Nglɛmun nun’n, ń kán ɔ sran klolɛ dan’n i ndɛ aklunjɔɛ su.
Afin min ɲrɛnnɛn blɛ’n nun’n, a kaci min fiawlɛ kpa,+yɛ a kaci lika kun mɔ n wanndi n kɔ lɔ-ɔ.+
17 Ee, wɔ mɔ a ti min wunmiɛn’n, ń tó jue* ń mánmán wɔ,+afin Ɲanmiɛn ti min fiawlɛ kpa, Ɲanmiɛn m’ɔ yi i sran klolɛ dan’n i nglo min lika’n.+
Ja ngua lɔ ndɛ mun
^ Nian Ndɛ’m be bo tulɛ lika’n nun lɔ.
^ Annzɛ “be nga be kunndɛ kɛ bé gúa sran mmoja ase’n.”
^ Annzɛ “like ng’ɔ ɲrɛn.”
^ Annzɛ “ń bó miziki.”
