Jue Mun 116:1-19
116 N klo Zoova,afin ɔ ti min nɛn’n, ɔ ti srɛlɛ mɔ n srɛ i kɛ ɔ uka min’n.+
2 Afin ɔ sie i su minnuan bo,*+
kɛ n te o nguan nun’n, ń kpán flɛ́ i titi.
3 Wie’n i ɲanman’m b’a to b’a bla min.
Ndia’n w’a tra min.+
Ɲrɛnnɛn’n nin awlabɔɛ’n be su kun min kpo.+
4 Sanngɛ n boli Zoova i dunman,+ n seli kɛ:
“Ee Zoova, de min!”
5 Zoova si aunnvɔɛ* yɛ ɔ yo sa i nuan su sɛsɛ.+
E Ɲanmiɛn’n yaci sa cɛ.+
6 Zoova nian be nga be siman sa’n be su.+
Min wla boli min wun dan, yɛ ɔ deli min.
7 Maan min wla gua ase ekun,afin Zoova yoli min ye dan.
8 A deli min wie’n i nuan nun,a nunnunnin min ɲinmuɛn’n, a yoli maan min ja w’a kplaman.+
9 Blɛ mɔ n te o nguan nun’n, ń nánti Zoova ɲrun.
10 N lafili Ɲanmiɛn su, ɔ maan n ijɔli.+
Min wla boli min wun dan.
11 Min akunndan’n sanngannin, yɛ n seli kɛ:
“Sran kwlaa ti ato buafuɛ.”+
12 ?Naan ninnge kpakpa kwlaa nga Zoova w’a yo w’a man min yɛ’n,ngue yɛ ń fá lɛ́ i ase-ɔ?
13 Ń má mán be ti ɲanlɛ klowa’n su,yɛ ń mánmán Zoova i dunman’n.
14 Nda nga n tali Zoova’n,ń yía be nuan i nvlefuɛ’m be kwlaa be ɲrun.+
15 Zoova i sufuɛ kpa’m be wie’n
ɔ le gua dan* i ɲrun.+
16 Ee Zoova, ń srɛ́ wɔ,afin n ti ɔ sufuɛ.
N ti ɔ sufuɛ, n ti ɔ kanga bla’n i wa.
A kpɛkpɛli min wun ɲanman’m be nun.+
17 Ń yí asenna tɛ ń mán wɔ.+
Ń mánmán Zoova i dunman’n.
18 Nda nga n tali Zoova’n,+ń yía be nuan i nvlefuɛ’m be kwlaa be ɲrun,+
19 Wɔ, Zerizalɛmun, ɔ afiɛn yɛ ń yó sɔ-ɔ,Zoova i awlo klun’m be nun.+
An manman Ya!*+
Ja ngua lɔ ndɛ mun
^ Annzɛ “ɔ klu tie.”
^ Annzɛ “yo sran’m be cɛcɛ.”
^ Ebr., “ɔ ti i cinnjin dan.”
^ Annzɛ “Aleluya.” “Ya” ti Zoova i dunman’n i flɛlɛ kpeʼn.
