Msekou ne dagne ghôm Si be ywe ne ding Mkwithè Jéova te fe a tyèʼ. Pô pye wap sing ghôm Si goung mtam wè a fing ne tsupé ne she msekou mye a gô kwite wap ne tchente “faʼ faʼ [tsap a.]”​—2 Timotio 4:5.

Sekou pe ŋaʼjye. Tchwe ye taʼ ŋaʼjye ming ye dendze gouʼ tchum faʼ ŋaʼjye a, é gô ne taʼ sekou a pe gre tyèʼ thôke. Pou doʼgne gre ya tchum taʼ Dye Nefo ye a beng we é a. Sekou bô be ne ne kwite mŋaʼjye ne kwiʼ tchente fouʼte ne yap ha beng Jéova, ne tchente sing ghôm Si ne goung mtchi awè, ba ne neng de faʼ tsap ne gô a dze.

Sekou pe sing tchoung pepoung ne Nefo. Sekou bô ye a tchwe mŋwe pue a, be ye ne dagne faʼ bi mŋaʼjye pye wap ghe ji ne fe tsuʼ ye wap tchwe ne a, gô ne she mtsuʼ mye wap fing ne kwite ne a. A tchwe paʼ wap gôm ge “Ge yeng! Tem a!” be foʼ poʼo Yéso Kristo, Gè sing mtchoung pepoung ye gwye ye é fe be dem tchaʼ a. (Isaïe 6:8; Yohané 7:29) Ne ghô te grô susuô tcheng ge wap kwyepgne yap tchi ne tchwe. Tchi ne tchwe pômneng, tchi paʼ tam dzu ne be a, ba ywetsu fing ne tchyete hwe sômywe ne ye wap le ji djô a. A fing ne tcheng ba ge wap lagne mouʼ ghôm. Sekou bô kwite pe bè ba pe djwi, pye wap lômdye ba pye wap ka lôm a, mgouʼdzu map pe toʼ ne 23 khem ne 65 a, ne lagne she mma pepoung jwégne mye a gô kwite wap tsuʼou ye pou gô tem wap ne a. Potse tsye pou dagne wap tsuʼou a gô kwite wap ne tchente faʼ faʼ ye Jéova ba bemte é gô ha bi pou a.

Sekou Galaad. Ne ghôm Ébraika, Galaad thoute ge: “Potse be pou tchouʼte a pe Kwithè.” Te fe ne gouʼ 1943 ye pou le tu sekou bô a, a é daʼ tchya pô 8 000 te thwôk tchum she mgoung ge wap pe tchente kwithè “te khem dze dzu”. (Mfaʼ 13:47) Tchwe ye pe tem sekou Galaad le kem Pérou a, sôm bemte la te be tchum goung bô pe. A tyôʼô be a twôk 1 000. Ba m Japon, tchwe ye pe tem sekou bô le toʼ ne pe tsuʼou a, be Mkwithè Jéova ka khouʼ 10. A tyôʼô be wap twôk 200 000. Sekou bô ye a tchwe mŋwe tô a kwite wap ne tchente dagne Ghôm Si. Pou khé pe ŋaʼjye faʼ gwye, pe ghô sing ghôm Si tchum she mgoung, pe faʼ Béthèl,ba pe khuʼ dé pou a pe djwi pap, ge wap ko ye bô sekou gwye ye a kwite ge faʼ tchum dzu pe gô dze pe te pwa a.

• Sekou pe ŋaʼjye kwite m ke?

• Pe we fing ne ko sekou pe sing tchoung pepoung ne Nefo?