Goung yôkpe awè, a be pe ghe tchi mdze mye pe khoung ne kwa a, ba tchi paʼ pe khoung ne pe a. Pe ying ne mou deng mkhète Bible mye a ka tuô a, be pe fing ne tchi ne kwa mdze mye a boung wôkpe a, daʼge be boung ba bi Jéova a. Pe naʼ gôm nwe ne she ne mkhète Bible bô.

1. Ma mkhète Bible gô kwite wôkpe ne tchi mdze mye pe gô kwa a ?

Pe gô pe le “msem kwadze, kwadze mkouʼ, te ŋaʼne,” neng pe goung mtam awè pe nyapte ne yôkpe pepoung; poʼo ge pyeshe pô yô ge pe “de mkouʼ bing Si.” (1 Timotio 2:9, 10) Pe yô mkhète mye a bo them tchum mkhè menge a : (1) Pe gô pe le “msem kwadze.” Paʼ o djô tchwe mtchouʼte pe Mkwithè Jéova a, mghè faʼ Jéova khoung ne sou tchitchi mdze. Daʼge mdze môk, ba tchi paʼ pye ne nyapte tse yôk a, be goung mtam awè ha mkouʼ bi Si ye pye gamte é a. (2) Ne kwadze “te ŋaʼne” thoute ge pe te gô kwadze tchi paʼ a gô ghe ge pyeshe pô ghe mkwègne tchwepoung a pe, ke ghe ge pô lé wôkpe téʼ a le. (3) Pe daʼte ge pe de ‘mkouʼ kwadzeʼ tchwe ye pe bôm ge baya tchi dze le tem, pe tcheng ne ghe ya a. Pe bôm ba ne pe foʼte goung mtchi ne nyapte ne, ye pômneng gre ya a. (4) Pe gô pe kwadze tchi paʼ pou gô pe tchu wôkpe jye ge pe de “mkouʼ bing Si” a; ye a daʼte bi pyeshe pô ge pe gamte Si nyenyô a.—1 Korinto 10:31.

2. Nweke pe gô sè nwe ne mfe pôkpe tchwe ye pe bo de khète ne ywe ye pe gô kwa a ?

A be nyenyô ge a be pe ghe lepue ne tchi ywe ye pe bo tcheng ne kwa a. Daʼge pe gô sè be ye tchi paʼ pe gô ne kwadze a, gô pakgne pyeshe pô a. Pe thela paʼ pe fing a ne tchyete ghe ge mo youʼ tchwepoung. Daʼge be “tcheng ne poung mo ye é beng pe a ne nwe pepoung, ne ne kwe.”—Ké Roma 15:1, 2.

3. Tchi paʼ pe ne kwadze a fing ne ghe ge pyeshe pô tcheng ne lagne ne jye Jéova m tchi ge ke ?

Pe be goung mtam awè thela ne kwadze ne taʼ tchi pepoung. Daʼge pe bing tchente gre ya kwaʼ tchwe ye pe bo gô mtchouʼte bemte a, ba tchwe ye pe bo sing Ghôm Si a. Pe te gô kwadze m tchi paʼ pômneng gô lé a ya, te wap le ping thé mteng ne tchoung ye pe bo sing bi pou a pe. Ywe ye pe bo tcheng a be ge, tchi paʼ pe ne kwadze a fente pô ha ne Si ye pe gamte é a, neng ‘ning mkouʼ ne jiʼte nwe Si gè vôk wôkpe.ʼ—Tito 2:10.

 PING TCHENG NE GÔ DZE

4. Tchwe ye pe nyapte beng ne yôkpe gre ge a pe pepoung a, pe daʼte ge pe ha mkouʼ bi Jéova

Ke dendze tsegne wôkpe ne nyapte ne yôkpe ge a pe pepoung ? Ké Mghôm ghamte 47:2, neng gômte ne mhente menge :

• Tchi paʼ pe ne kwadze a gre ywe ne tchi paʼ pô ne djô Jéova a. Ne kamte ya bô gô ghe la ne tchi paʼ pe ne kwadze a ?

• O kwè ge a be mtuôdeng ge pe sè nwe ne tchi paʼ pe ne be a, tchwe ye pe bo gô mtchouʼte ke bo sing Ghôm Si a ? Nweke ?

 5. Ke gô kwite wôkpe ne le mkhète pepoung ne dze ye pe gô kwa a, ba tchi paʼ pe gô pe ne beng ne yôkpe a ?

Yô VIDÉO.

Mdze môkpe pe be a tuô khap ke hwi le, be ye ywe tuôdeng be ge a pe be a lô neng be ye pepoung, bo ging pou a ywe ye pe bo gre tchwe o bô a. Ké 1 Korinto 10:24 ba 1 Timotio 2:9, 10. Lou gômte ne nweke a tcheng ge pe pe gwaʼ ne pe kwa mdze . . .

• mye a ka lô a, ke be kwa mdze pe te nyapte ma bô pepoung le.

• mye a gô ghe pyeshe pô ghe mkwègne tchwepoung, mouʼtchwe dou ge a bo daa tèʼ ne pe a.

Ba m be ye mtchoʼ Mosè te dé mkritè a pe, wap fing ne tchye m ne dagne medou potse ne tchi paʼ Jéova sè a. Ké Bate mtchoʼ 22:5, neng gômte ne hente yenge :

• Nweke pe gô waʼ tchi dze, ba tchi ne nyapte tse mye a gre ge pebè hwe pedjwi, ba ge pedjwi hwe pebè a ?

Ké 1 Korinto 10:32, 33 ba 1 Yohané 2:15, 16, neng gômte ne mhente menge :

• Nweke pe gô pôm ge tchi paʼ pe ne be ne beng ne yôkpe a, ke ghe ge pô tsuʼ ye pe tchwe ne a, ke ba mfemfe tchum bemte le youʼ tchwepoung ?

• Pou doʼgne kwa ma mtchi dze, neng be nyapte ne m tchi ge ke tsuʼ ye o tchwe ne a ?

• Ne you ne sè, she ne mtchi ne kwadze bô be a ka poung bi taʼ kritè a ? Nweke ?

 YE NE KHAMTE

Tchwe ye pe nyapte ne yôkpe ne taʼ tchi pepoung a, pe daʼte ge pe ha mkouʼ bi Jéova ba bi pyeshe pô.

O lagne ke ?

• Nweke dze ye pe kwa a, ba tchi paʼ pe ne be ne beng ne yôkpe a, be m tuôdeng bi Jéova ?

• Ghôm she mkhète Bible mye a gô kwite wôkpe ne le mkhète pepoung ne tchi ne nyapte ne yôkpe a.

• Tchi paʼ pe nyapte ne yôkpe a fing ne ghe ywe ne tchi paʼ pyeshe pô ne djô ghamte nyenyô a m tchi ge ke ?