JIʼTE 46
Nweke pe gô ha ne yôkpe bi Si neng ghe nouʼshye ?
O ha ne o bi Jéova tchye m ne ne kaʼgne bii tchum priya, ge o gô ghamte pe daʼ yu, neng yap é ne dendze tsuʼ tchum vôk tsu. (Mghôm ghamte 40:8) O neng dou, gre nouʼshye. Tchwe ye o gre poʼ a, o daʼte bi pyeshe pô ge o ha ne o bi Si. Khète ne ha ne bi Jéova be ye khète tuôdeng téʼ ye mo fing ne laʼ de a. Ke fing ne tsegne o ne le khète tuôdeng bô ye a gô kwyepgne vôk tsu a ?
1. Ke tsegne mo ne ha ne é bi Si ?
Ywe ye a tsegne wôkpe ne ha ne yôkpe bi Si a be koungne. (1 Yohané 4:10, 19) Bible gôm bi pe ge : “O gô pe koung Jéova Si o ne goung tum tsu awè, ne goung lam tsu awè, ne goung kwègne o awè ba ne goung guʼ o awè.” (Markousi 12:30) Pe daʼte ge pe khoung Si, te tchye m daʼ ne potse tsye pe gôm a pe, daʼge tchye m ba ne potse tsye pe gre a. Dendeng paʼ taʼ koungne gwye tchetche taʼ mbè pou taʼ mdjwi tsegne wap ne lômdye a, koungne yôkpe ne Jéova tsegne wôkpe ne ha ne yôkpe bii, neng gre nouʼshye.
2. Jéova ha ma mbyagne bi Mkwithè pye, pye wap ghe nouʼshye a ?
Tchwe ye o gô ghe nouʼshye a, o gô ji taʼ mo ne pô toundye Jéova pye wap tchwe tchum ŋwègne a. O gô yô paʼ é gô laʼte koungne é bou ne tchitchi mtchi a, o neng bing tchente fouʼte ne o ha beng é (Ké Malaki 3:16-18.) Jéova gô pe pepa tsu, o neng be taʼ mo ne toundye mfemfe pebè ba pedjwi ne goung demtchaʼ awè, pye wap khoung é neng be khoung o a. (Ké Markousi 10:29, 30.) A nyenyô ge she potse be si tsye o gô ghe te kem ne nouʼshye a. O gô lendze lagne ne jye Jéova, koung é, neng ghe pintum ne Mou é. O gô ping ha vôk tsu bi Jéova. Tchwe ye o gô ghe goung tse tsenge awè neng ghe nouʼshye a, o gô pe ne mejye ne gre vôk mama. Ghôm Si gôm ge : “Nouʼshye . . . bvôk wô tchwelô.”—1 Pètro 3:21.
PING TCHENG NE GÔ DZE
Yô nweke ne ha ne o bi Jéova neng gre nouʼshye be mtuôdeng a.
3. Bawele ne pe gô tchi mo ye é gô ghamte é a
A le pe tchwedze, she pô ne pô a Israèl po kwè ge wap fing ne ghamte Jéova pou a si tchwepoung Baal. Daʼge Jéova le tem gamdoʼ é Éli, ne ne kwyepgne yap tchi ne sè. Ké 1 Mfo 18:21, neng gômte ne hente yenge :
-
Pô a Israèl le gô le khète ne ghe la ?
Paʼ pô a Israèl a, pe gô le khète ne mo ye pe gô ghamte é a. Ké Loukasi 16:13, neng gômte ne mhente menge :
-
Nweke pe ka fing ne ghamte Jéova bing gamte mouʼ mo ke mouʼ ywe le ?
-
Pe fing ne laʼte bi Jéova ge pe le khète ne ghamte é m tchi ge ke ?
4. Tchente sè nwe ne koungne ye Jéova ghe ne o a
Jéova be é ha medou mboutchi mye a tchente gre deng a bi pe. Pe fing ne ha yôkpe ke bii ? Yô VIDÉO.
Jéova be é laʼte koungne é bou ne ma mtchi ? Ké Mghôm ghamte 104:14, 15 ba 1 Yohané 4:9, 10, neng gômte ne mhente menge :
-
O tchente khoung ma mboutchi mye a fe bi Jéova a ?
-
O djouʼ ne o m ge ke ne Jéova tchwe ye o sè nwe ne mboutchi bô a ?
Tchwe ye mo ha taʼ poutchi ye pe tchente khoung a bi pe a, pe tcheng ne laʼte é ge pe goʼte ya. Ké Bate mtchoʼ 16:17, neng gômte ne hente yenge :
-
Tchwe ye o sè nwe ne goung ywe ye a be Jéova ghe bou a, a ha ji bou ne ha ke bii ?
5. Medou mbyagne be si tchwe ye o ha ne o bi Jéova a
Medou pô sè ge ne ghe ge pou jye wap, ne ghe taʼ faʼ pepoung, ke medou khap le, gô ghe ge wap ŋwègne. A be nyenyô a ? Yô VIDÉO, neng gômte ne mhente menge.
-
Ba m be ye Andreï tchum vidéo, le be khoung ne tam balôn a, nweke é le tak faʼ bô neng ?
-
É le le khète ne le vôk tsye ne faʼ bi Jéova, tse ne ne tham balôn. O kwè ge é le le khète pepoung a ? Nweke ?
Te Polo ne ji taʼ kritè, a le be é ghe taʼ faʼ gwye. A le be é jiʼte mtchoʼ pe Youdéa pou a taʼ tchitcha be pou tchente jye é, daʼge é le tak ya bô neng ne ne ji taʼ kritè. Polo le tiʼ pi a ? Ké Filipo 3:8, neng gômte ne mhente menge :
-
Nweke Polo le ghôm ge ywe ye é le ghe te ji kritè a, le be “né tse” ke mdziʼ ?
-
É le ghe ya byagne ?
-
O kwè ge vôk tsu gô ping tchente poung, be ye o le khète ne ghamte Jéova a ? Nweke ?
Tchwe ye Polo le ji taʼ kritè a, é ping dzu pé a yôm te tchye goung potse tsye é le ping ne pi a
SHE PÔ GÔM GE : “Ge jye ge a be nyenyô, daʼge kha fing ne ha ne a bi Si.”
-
Nweke o kwè ge ne ha ne o bi Jéova be taʼ khète pepoung ye o gô le a ?
YE NE KHAMTE
Koungne tsegne wôkpe ne ha ne yôkpe bi Jéova neng gre nouʼshye.
O lagne ke ?
-
Nweke Jéova be é khouʼgne ge, pe le goung tum tsôkpe awè khoung é neng gamte é ?
-
Jéova tchwôʼ faʼ Mkwithè pye, pye wap ghe nouʼshye a m tchi ge ke ?
-
A gô poung o ne ha ne o bi Jéova a ?
YÔ SHE POTSE NE
Yô nweke taʼ mdjwi ye faʼ tsye le be ne jwôp mjwôpshye a, pou taʼ mo ye é le be tham balôn a, le le khète ne ha ne tsap bi Jéova a.
Les jeunes sʼinterrogent—Que vais-je faire de ma vie ? —Souvenirs (6:54)
Ping djô nweke a tcheng ge o ha ne o bi Si a.
“Pourquoi se vouer à Jéhovah ?” (La Tour de Garde, 15 janvier 2010)
Tchum vidéo jwôpshye yenge, yô ŋwègne ye pô pye wap ha ne tsap bi Jéova a gre a.
Tchum tôné ye tse é be ge : “Pendant des années, je me suis demandé pourquoi on existe.” Yô ywe ye a le tsegne taʼ mdjwi ne ping dinte potse tsye é le be djap ne dendze tsuʼ tchum vôk tsye a.
“La Bible transforme des vies” (La Tour de Garde, 1er novembre 2012)
