JIʼTE 19
Mkwithè Jéova be mkritè nyenyô a?
Wôk Mkwithè Jéova, pye tchente jye ge pye be mkritè nyenyô. Neke ? Dou ne potse gwye metha : ywe ye pye djoʼgne potse tsye pye bing a ne a, tso tsye pou ne jye wôk a, ba koungne ye pye gre tchetche pye a.
1. Mkwithè Jéova djoʼgne potse tsye wap bing a ne ke ?
Yéso le ghôm ge : “Ghôm [Si] be nyenyô.” (Yohané 17:17) Paʼ Yéso a, te fe a tyèʼ, Mkwithè Jéova djoʼgne potse tsye wap bing a ne Ghôm Si. Taʼ foʼte, naʼ djô ywe ye a le tchyete tchwe ye mgouʼ 1800 le bo mi a. Ne gouʼ 1870, taʼ ka pô le toʼ ne pemte jiʼte Bible ne ne djô ywe ye a dagne kwaʼ nyenyô a. Wap le be djoʼgne potse tsye wap le bing a ne ywe ye Bible le gôm a, ba m tchwe ye a late bo hwegne ne ywe ye mtchôsi le be jiʼte a pe. Wap le neng thoʼ ne pe tchwiʼte mnyenyô bô mye wap djô tchum Bible a bi pyeshe pô. *
2. Nweke pye kwa tso Mkwithè Jéova ?
Jéova khé pô pye wap gamte é a ge mkwithè pye, nekele wap gôm nyenyô ne é. (Ébraika 11:4–12:1) Taʼ foʼte, tchum mtam tchwedze, Si le ghôm bi temlaʼ é ge : “Po be mkwithè pe.” (Ké Izaya 43:10.) Bible khé Yéso ge “kwithè nyenyô.” (Apokalipse 1:5) Poʼo, ne 1931, pye le kwa tso Mkwithè Jéova. Pye tchente ŋwègne ne kwa tso bô.
3. Mkwithè Jéova foʼte koungne Yéso m tchi ge ke ?
Yéso le be khoung pekhu pye téʼ o, te wap pe bii, be paʼ toundye é a. (Ké Markousi 3:35.) Dendeng poʼo, Mkwithè Jéova be wap tamte, be taʼ toundye tchum goung dzu awè. A be ywe ye a gre, pye pe tchetche pye be khégne wôk wôk ge mfe mfe a. (Filémon 1, 2) Pye bing djouʼgne ne yenge mtchoʼ : “Po koung mfe pô.” (1 Pètro 2:17) Mkwithè Jéova daʼte koungne bô ne tchitchi mtchi, paʼ ne kwite mfe pap mkritè tchum dzu, tchwe ye a bo tcheng ge pou kwite wap a.
PING TCHENG NE GÔ DZE
Ping dagne she potse ne tôné Mkwithè Jéova, neng djô she potse tsye a daʼte ge pye be mkritè nyenyô a.
Mkritè nyenyô djoʼgne potse tsye wap bing a ne Bible, neng be gapte ma pou a pyeshe pô
4. Pye djoʼgne potse tsye pye bing a ne Bible
Jéova le tchwadzu gôm ge yôkpe tchi ne youʼ Bible le gô pe kwiʼ ne ghô pe dze. Ké Danièl 12:4 ba ywe ne thoute, neng gômte ne hente yenge :
-
Temlaʼ Si le gô ne tchente jiʼte Bible ne ghô pe dze, a ke “tchente kwiʼ te djôm” tchetche pou ?
Yô paʼ taʼ ka pô, pe jiʼte Bible, ye taʼ mo ne pou le be Charles Russel a, le be jiʼte Ghôm Si a. Yô VIDÉO, neng gômte ne hente yenge.
-
Tchum vidéo, Charles Russel pou a pyeshe pe jiʼte Bible, le be jiʼte Bible m tchi ge ke ?
A ke be o ji jye le ?
A be she mtchum tcheng ge pye kwyepgne she potse ne potse tsye pye bing a. Neke ? Dendeng paʼ nam ne tem be gre ge pou yô potse tsye a gingne pe pe mouywe mouywe a, Si gre ge pe youʼ Ghôm tsye ne gô pe dze, pe mouywe mouywe. (Ké Mghôm jyenwe 4:18.) Poʼo, Bible te kwyepgne pe, daʼge, tchwe ye pye tchente bing djouʼ ya bô pepoung a, pye kwyepgne she potse ne ywe ye pye jiʼte a.
5. Pye gre ywe ye tso tsôk daʼte ge a tcheng ge pye ghe a
Nweke pye le kwa tso Mkwithè Jéova ? Yô VIDÉO, neng gômte ne hente yenge.
-
Nweke tso Mkwithè Jéova be kwaʼ tso tsye a tcheng a ?
Nweke be Jéova tchwôʼ she pô ge wap pe mkwithè pye ? Nekele, paʼ a be pou ghôm medou mtchwanwe ne é a, wap le gô ghôm nwe nyenyô ne é, neng laʼte ge é be Si nyenyô. Pe naʼ djô daʼ mebue ne mtchwanwe bô.
She mtchôsi jiʼte bi pô pap ge Si tcheng ge wap wim mfoto ke mketwôk le, te ne gamte é. Daʼge, ké Mtchoʼ 26:1, neng gômte ne mhente menge :
-
Nyenyô be ke ? Jéova sè ge ke ne mketwôk ?
She mtadye tchôsi jiʼte ge Yéso be Si. Daʼge, ké Yohané 20:17, neng gômte ne mhente menge :
-
Nyenyô be ke ? Si pou Yéso be a taʼ mo a ?
-
Ne jye ge Jéova be é tem Mkwithè pye ge wap tchwiʼte nyenyô ne é, ba m ne Mou é, gre ge o youʼ ne o m tchi ge ke ?
6. Pye gre koungne tchetche pye
Bible gôm ge mkritè gô pe tchwe thamte thamte, kwaʼ paʼ mjeng ne mo a. Ké 1 Korinto 12:25, 26, neng gômte ne mhente menge :
-
Mkritè nyenyô gô ghe la tchwe ye pyeshe mfe pap mkritè bo djô goʼ a ?
-
Kwaʼ wou, o yô ge Mkwithè Jéova daʼte koungne tchetche pou m tchi ge ke ?
Tchwe ye Mkwithè Jéova ne taʼ pap tsuʼ demtchaʼ bo djô goʼ a, pyeshe Mkwithè ne goung demtchaʼ awè doʼgne gre ywe ne ne kwite wap. Ne ne djô taʼ foʼte, yô VIDÉO. Neng gômte ne hente yenge.
-
Potse tsye Mkwithè Jéova gre ne ne kwite ne tam mgheghô a tchente daʼte koungne yap m tchi ge ke ?
Mkritè nyenyô daʼte koungne bi pô pye a bo tcheng kwite bi pou a
SHE PÔ GÔM GE : “Mkwithè Jéova be daʼ taʼ tchôsi se.”
-
Jéova khé mghè faʼ pye ge Mkwithè te fe so ?
YE NE KHAMTE
Mkwithè Jéova be mkritè nyenyô. Pye be taʼ toundye pô be gamte Si tchum goung dzu awè, be djoʼgne potse tsye pye bing a ne Bible, neng be gre ge pômneng jye nyenyô ne Jéova.
O lagne ke ?
-
Nweke pye le kwa tso Mkwithè Jéova ?
-
Pye daʼte koungne tchetche pye m tchi ge ke ?
-
O kwè ge Mkwithè Jéova be mkritè nyenyô a ?
YÔ SHE POTSE NE
Ping dagne she potse ne tôné yôk.
Les Témoins de Jéhovah. La foi en action, 1re partie : La sortie des ténèbres (1:01:27)
Yô taʼ foʼte ne tchi paʼ Mkwithè Jéova gre ge pômneng jye mnyenyô ne she mtchwanwe mye mtchôsi gôm a.
Yô mpaʼ ne mhente mye o fing ne ghe ne Mkwithè Jéova a.
“Questions fréquentes sur les Témoins de Jéhovah” (Ne jw.org)
Stephen le be bô pô pye wap ka ghe ye thing gwôp ne a téʼ, te a ghe ge é pe gre potse tchwepoung ne pou. Yô ywe ye é le yô tchetche Mkwithè Jéova te a tsegne é ne kwyepgne a.
“Ma vie allait de plus en plus mal” (La Tour de garde, 1er Juillet 2015)
^ Te fe gouʼ 1879, temlaʼ Jéova thé ŋwaʼgne Dye Djapnè ne ne thoute ywe ye Bible gôm a.
