Nwe tchwepoung le tho’ demtcha’ tchwe ye Sata le ghôm dendze tchwanwe a. A le ne to’, Sata pe ta’ angelé te bya, da’ge “é lé te khou’ ne woung tchum nyenyô.” (Yohané 8:44) É le hi’gne ne ghe ghamte ye a be da’ ye Si a. Sata le tchwanwe bi dendze mdjwi, Éva, neng gre ge é ping ne you’gne m bi é, te bi Si pe. Adam le ghe pa’ djwi é a, tchuôtse bi Si. Khète ye é le le a neng de mgheghô pou a vu ne sô’.​—Ké Genèse 3:1-6, 19.

Tchwe ye é le tsegne Éva ne tuôtse a, Sata le to’ ne té dju’ ne ye ne sa’ Si, a po thoute ge é le té dju’ ne ye ne pe Si Gwye Te Tse. Bo’gwye pômneng be wap ying jum é, bing ye ne kengne Si pa’ Fo yap a. A tchye m po’o te Sata ji “fo yeng dzu.”​—Ké Yohané 14:30; 1 Yohané 5:19.

Goung tse tsye Si be é pem a be te bya. Pômsoung pou a m angelé mye é le pem wap a le fing ne you’gne bi é te bya. (Deutéronome 32:4, 5) Si le pem wôkpe pou a lepue ne tchi be ye pe gô ghe nwe pepoung ke nwe tchwepoung a le. Lepue bô ha jye bi pe ne la’te koungne yôkpe bi é.​—Ké Yakop 1:13-15; 1 Yohané 5:3.

Ne mou’ deng tam ye a gô tchwe mi a, Jéova be é tak ge pou té dju’ ne ye ne sa’. Neke? Ne ne da’te ge sôm tchi ne sa’ te yu ka fing ne ha pé bi pômsoung. (Ecclésiaste 7:29; 8:9) Mgou’ 6 000 da’ tchye, pou neng bo  djô. Pe sa’ dzu ka khou’gne ne sim mshou, nwe tchwepoung, nwe te tingne, ba gho.​—Ké Jérémie 10:23; Roma 9:17.

Ye ne sa’ Si te hwe ye pômsoung pe, a ha pé bi pô pye wap bing ya bô a. (Isaïe 48:17, 18) A tchu’ mou ywe, Jéova simgne goung mnefo pômsoung awè. Da’ pô pye wap de ne pe pô pye Si gô sa’ wap a ne gô ti tchwe dem tcha’ a.​—Isaïe 11:9.​—Ké Daniel 2:44.

Yô vidéo Nweke Si thak ge mgheghô pe si ?

Sata be é ghôm ge sôm mo ka fing ne ghamte Jéova pou a ta’ koungne néné. O we tcheng ne la’te ge Sata we tchwanwe a? O fing ne ghe ya! Ma ne pyap ye Si be é ghe a, ha mejye bi pe ne la’te be ye pe koung ye ne sa’ Si, ke ye pômsoung a le. Pe da’te ye gheng ye pe le a tchye m ne yôkpe tchi ne tchwe.​—Ké Job 1:8-12; Proverbes 27:11.

Pe fing ne le Si pa’ yôkpe Fo a, tchwe ye pe gô tcheng, neng ghe ghamte nyenyô, ye ghôm tsye, Bible, gôm nwe ne a. (Yohané 4:23) Pe khengne Sata pa’ yôkpe fo a, tchwe ye pe khengne khekhe ba mshou, pa’ Yéso a.​—Ké Yohané 17:14.

Sata de tuô é ne gre ge pou yô ne ghe ghap ba bôkbôk tse pa’ tse pepoung a. Tchwe ye pe gwa’ ma bô a, she mso pôkpe ba she pô pye wap beng pe a fing ne wi wôkpe ke tcheng ba ne kô pa’ pe gô ghe ywe pepoung a le. (1 Pètro 4:3, 4) Po’o, a we tcheng ge pe le ta’ khète: Te pe gô ka pô pye wap koung Si a le? Te pe gô ying ne mtcho’ mye mye a be jyenwe bing be da’te koungne é a le? Pe ghe po’o, be pe bo da’te ge Sata le tchwanwe tchwe ye é le ghôm ge, tchum lente, sôm mo ka fing ne you’gne bi Si a.​—Ké 1 Korinto 6:9, 10; 15:33.

Koungne Si bi pômsoung tchente gre pou jye ge nwe tchwepoung pou a mgheghô gô mi. Pô pye wap da’te ge wap bo tchente bing ya bô a gô ti sô’ tchwe mama dem tcha’ a.​—Ké Yohané 3:16.