JI’TE 7
Nefo Si be ke?
1. Nefo Si be ke?
Ke de Yéso gre kwa’ Fo ye a bo tcheng a?—MARKOUSI 1:40-42.
Nefo Si be ta’ tchi ne sa’ be m kèbeng. É gô ti sô’ tchyô goung pyeshe mnefo neng ghe ywe ye Si tcheng a pe demtcha’ dendeng pa’ a be kèbeng a. Tchoung ne nwe Nefo Si be a poung. A tchu’ mou ywe Nefo Si logne ji pômneng ne ghe ta’ tchi ne sa’ pepoung. A gô ti tchou’te goung pô demtcha’ awè.—Ké Daniel 2:44; Matio 6:9, 10; 24:14.
Ta’ nefo gô ghe ta’ fo. Tchum Nefo é, Jéova be é tchwô’ Mou é Yéso pa’ Fo a.—Ké Apokalipse 11:15.
Yô vidéo Nefo Si be ke?
2. Nweke Yéso be kwa’ Fo ye a bo tcheng a?
Mou Si be kwa’ Fo ye a bo tcheng a, ne pa’ é gre pepoung, neng be do’ ge nwe dendeng pe si a. (Matio 11:28-30) A be é neng gre gu’ ne kwite pômneng, nekele é gô sô’ tchwe m kèbeng te sa’ demtcha’a. Tchwe ye Si le yam é ne vu a, é le ghô kèbeng, neng tchwe ne pou tuô Jéova be byap ge pou yap é pa’ Fo a. (Ébraika 10:12, 13) A neng ne ming, Si ha tuô ne sa’ bi é.—Ké Daniel 7:13, 14.
3. Pe we gô sa’ pou a Yéso?
Mou’ deng pômneng pou ké wap ge “pe dôlô” gô ti sa’ pou a Yéso kèbeng. (Daniel 7:27) Mdendze ne pô dôlô bô le be mghè them pye wap le be dendeng bi Yéso a. Tam ne tchye, Jéova neng kwi’ pô dendeng ne pou, pe bè ba pe djwi, te khem tyô’ô. Pa’ Yéso a, wap djam ne vu m ne jwégne.—Ké Yohané 14:1-3; 1 Korinto 15:42-44.
Pô pye wap gô m kèbeng a be deng ge ke? Yéso le ké wap ge “mou kadze.” (Loukasi 12:32) Wap awè gô sô’ pe pô 144 000. Pou a Yéso gô sô’ sa’ demtcha’a.—Ké Apokalipse 14:1.
4. Ke be a le tchyete tchwe ye Yéso le to’ ne sa’ a?
Nefo Si le tho’ ne sa’ ne gou’ 1914 *. Dendze fa’ Fo Yéso le pe ne ma’ Sata pou a m angélé pye dem tcha’a. A le pwe gem Sata, é to’ ne nyeng go’ pou a bo demtcha’a. (Apokalipse 12:7-10, 12) Te fe po’o, mgheghô demtcha’ be a tchente kwi’i. Mshou, mkeya’, mgho, ba tcha’ ne tchu’gne, be “mting” mye a da’te ge a tchu’ mou ywe Nefo Si sa’ demtcha’ a.—Ké Loukasi 21:7, 10, 11, 31.
5. Nefo Si bo fa’ ke?
Tchye m ne fa’ ne sing ghôm Si tchum goung demtcha’ wè, Nefo Si dzèm po tchou’te medou pô ne goung mgoung awè. Mshou’shou’ pô pye wap djou’gne a bo ji pô Yéso. Tchwe ye Nefo gô sô’ simgne goung tse tchwepoung tsye a demtcha’ tyô’ a, a gô pômte wap. Goung pô pye wap bo tcheng ne tsu pé ne Nefo Si a gô lagne ne pe pô pye wap djou’gne bi Yéso a.—Ké Apokalipse 7:9, 14, 16, 17.
Ne ta’ wô gou’ sha’a, Nefo gô sô’ logne kwègne Si ne tchwe ne to’, ne pômsoung. Goung demtcha’ wè gô sô’ pe paradisi. A neng ne khou’, a Yéso pa’ Nefo bi Tap é. (1 Korinto 15:24-26) O jye mo ye bé a poung o ne ghôm nwe ne Nefo Si bi a?—Ké Psaume 37:10, 11, 29.
^ par. 6 Ne tchente djou’ mghôm mgamdo’ mye a gôm nwe ne gou’ 1914 a, yô mbak 217-220 tchum ŋwa’gne Que nous enseigne la Bible?
