JI’TE 10
O fing ne jye tchôsi nyenyô m tchi ge ke?
1. Da’ ta’ tchôsi nyenyô né be we a?
“Po pôm mghôm ghôm Si tchwa-nwe.”—MATIO 7:15.
Yéso le ji’te da’ ta’ tchôsi bi pekhu pye, tchôsi nyenyô. É le tchou’gne ya ne ta’ medjye ye a de mo gô m ne vôk mama a. Yéso le ghôm ge: “pe yô medjye bô ka yôm.” (Matio 7:14) Si bing pe da’ ye tchi ne ghamte ye a fe m tchum ghôm tsye ye a be nyenyô a. Goung pe ghamte Si nyenyô thamte da’ tchum ta’ pintum.—Ké Yohané 4:23, 24; 14:6; Éféso 4:4, 5.
Yô vidéo Does God Accept All Forms of Worship?
2. Yéso le ghôm ge ke ne mkritè tchwanwe?
“Wap gre pa’ a be wap jye Si a da’ge be shye m ne mfa’ map be khengne é.”—TITO 1:16.
Yéso le tchwadzu gôm ge mkritè tchwanwe gô ning mving tchum tchou’te mkritè. Wap gre m pa’ wap be pe ping Si nyenyô a. Be gôm ge mtchôsi map be mtchou’te mkritè. Da’ge pou fing ne le ywe ye wap be ya ne jye wap. Tchi ge ke? Da’ tchôsi nyenyô ne gre mkritè nyenyô mye pou de ma yap pou a mfa’ map ne jye wap a.—Ké Matio 7:13-23.
3. Pou fing ne jye pe ghamte Si nyenyô m tchi ge ke?
Yô mting methô menge:
-
Pe ghamte Si nyenyô ning deng ne Bible, ye a be ghôm Si a. Wap thela ne ying ne mkhète Bible. Po’o, tchôsi nyenyô pou tchôsi shyeshwe te be kwitchi pe. (Matio 15:7-9) Pe ghamte Si nyenyô te gôm nwe bing gre ye djyè’ pe.—Ké Yohané 17:17; 2 Timotio 3:16, 17.
-
Pekhu Yéso pye nyenyô ha mkhou’ ne tso Si, Jéova. Yéso le ghe mkhou’ ne tso Si, gre pou jye ya. É le kwite moneng ne jye tso Si, neng dagne ne ghe priya ge tso tsye pe dôlô. (Matio 6:9) Tsu’ ye o tchwe ne a, ya tchôsi gre pou jye tso Si?—Ké Yohané 17:26; Roma 10:13, 14.
-
Mkritè nyenyô tchwi’te Nefo Si. Si le tchya Yéso dem-tcha’ ge é sing tchoung pepoung Nefo. Nefo Si be da’ ywe ye pômsoung fing ne pyap te môkte a. Yéso le ghôm nwe ne te khem tchwe ye é le pfu a. (Loukasi 4:43; 8:1; 23:42, 43) É le ghôm ge pekhu pye le gô sing nwe ne Nefo bô. A bé a mo tcheng ne ghôm nwe ne Nefo Si bou, be é gô pe ne ya tchôsi?—Ké Matio 24:14.
-
Pekhu Yéso te be ne yeng dzu tchwepoung pe. O fing ne jye wap tchye m pa’ wap te be ne khekhe pou a tse tsye a bôpte dzu a pe. (Yohané 17:16; 18:36) Wap te neng gre mkwègne tchwepoung pou a bôkbôk tse tsye a be tchum dzu a pe.—Ké Yakop 4:4.
-
Mkritè nyenyô be wap ghe kwa’ koungne tchyô tchetche pou. Wap tchye m ne ghôm Si, dagne ne pe ha mkhou’ goung pô awè pe te khyak mo. Mtchôsi shyeshwe tchu pou ne mshou tchum mgoung. Po’o, pe ghamte Si nyenyô pe khengne ne ghe ya. (Miché 4:1-3) Wap thak ne ghe ya be de tam yap pou a potse tsap ne ha kaktuô bi pyeshe pô bing kwite wap.—Ké Yohané 13:34, 35; 1 Yohané 4:20.
4. O fing ne ghôm ye tchôsi ye a be nyenyô a le?
Ya tchôsi dagne pe ywe ye a tchum ghôm Si a, ha mkhou’ ne tso Si, bing be tchwi’te ge Nefo Si be da’ ywe ye pômsoung fing ne pyap te môkte a? Ya tchôsi da’te koun-gne, é le neng be tchu pou ne mshou? O kwè you ge ke?—Ké 1 Yohané 3:10-12.
