Musik i ma sada hadiah na luar biasa na sian Jahowa. Boi do on mempengaruhi pikkiratta, mengubah perasaanta, jala mambahen hita lam semangat. Songon i do na tarasahon tikki tabege akka lagu jw broadcasting. Akka lagu i dang holan sekedar mempengaruhi perasaanta, alai boi do mambahen hita gabe lam jonok tu Jahowa.

 Mulai sian taon 2014, lobi sian 70 ende na diparade di jw broadcasting, jala paling otik sada sian ende i nungnga rade di lobi sian 500 bahasa! Mungkin sukkun-sukkun do rohamuna, ‘Ise do na makkarejoi ende on, jala songon dia do carana mambahen on?’

 Akka ende on dikarejohon bagian tim musik di Layanan Audio/Video na diawasi Panitia Pengajaran sian Punguan na Mangaradoti Organisasi. Adong 13 donganta bawa dohot borua na di bagian tim musik on. Nasida mangurupi di bagian menyusun manang compose, bagian musik manang music engineering, menyusun jadwal, dohot mangurupi di ulaon na asing. Asing ni i, nungnga disetujui Panitia Pengajaran akka donganta sukarelawan jarak jauh di liat portibi on lao mangurupi ulaon on, termasuk ma i di bagian menyusun manang komposer, pemain musik, dohot parende. Dipakke akka donganta i do bakatna jala rendah hati do nasida. Dang olo nasida dibangga-banggahon alani kerja kerasna i.

 Songon dia do akka ende i dibahen? Na parjolo, dipillit Panitia Pengajaran ma ayat ni Bibel na dia gabe dasar ni ende i jala perasaan na songon dia na ikkon dipakaluar sian ende i. Dung i, diatur tim musik ma asa adong na menyusun musikna dohot na manurat lirikna. Dukkon i dibahen ma contoh rekaman ni ende i. Dibege Panitia Pengajaran ma contoh ni rekaman i jala dilehon nasida ma saran na porlu tusi. Dung i disesuaihon tim musik ma ende i jala dibahen ma hasil rekaman akhir ni ende i. Dukkon i direkam ma ende on di piga-piga lokasi, termasuk ma di fasilitas ni kantor cabang dohot di jabu na adong alat rekamanna.

 Dipakke akka donganta do program komputer lao manggabungkon lirik ni ende i tu musikna jala lao mangarekam ende i. Godang do muse alat na dihaporluhon tu ulaon on, songon alat musik, audio mixer, amplifier, speaker, dohot mikrofon. Marasing-asing do arga ni sada mikrofon, mulai ma sian arga 100 dollar AS manang hira-hira 1,4 juta rupiah sahat tu lobi sian 1.000 dollar AS manang hira-hira 14 juta rupiah. Taon 2020, tapakaluar do hepeng 116.000 dollar AS manang lobi sian 1,6 miliar rupiah lao manuhor alat perekaman ni musik.

 Aha do upaya na dibahen lao menghemat sumbangan i? Daripada mamakke tim musik na balga di Betel, dipakke organisasi do akka relawan jarak jauh mangurupi ulaon on. Asing ni i tikki mambahen orkestra, jotjot do dipakke akka donganta sada program komputer na boi menghasilhon marragam soara ni alat musik. Jadi dang porlu be dipapungu godang akka dongan lao bermain musik.

 Lomo do roha ni akka dongan mambege akka lagu jw broadcasting. Si Tara na tinggal di Jerman mandok, “Akka lagu i mambahen au gabe tenang tikki adong na hupikkiri. Tikki hubege lagu i di bahasakku, hira na dihaol Jahowa ma hurasa.” Si Dmitry sahalak donganta bawa di Kazakstan mandok, “Lomo hian do rohakku mambege akka lagu jw broadcasting. Alana dang porlu khawatir au sesuai do lagu i tu prinsip ni Bibel manang na dang. Jala alani akka ende i gabe huingot do torus hubunganku tu Jahowa.”

 Si Delia na di Afrika Selatan paboahon perasaanna taringot akka ende na di jw broadcasting. Didok ibana, “Akka ende i mangurupi asa tetap togu haporseaokku. Tikki metmet rohakku manang tikki adong tantangan, torus do sai adong lagu na cocok tu situasikku. Jala jotjot do holan nada ni ende i pe na hubege nga las rohakku.”

 Piga-piga lagu na di jw broadcasting gabe lagu favorit do. Si Lerato na di Afrika Selatan mandok, “Ende ‘Nungnga Tung Jonok Hian’ dohot ‘Ro ma Paradeiso’ mangurupi au mambayakkon songon dia haduan au menyambut omakku na mulak mangolu muse. Tiap hubege lagu i, hubayakkon do omakku marlojong tu au lao makkaol au.”

 Adong do muse sada nai lagu di jw broadcasting na mangurupi donganta na remaja di Sri Lanka. Didok ibana, “Dimuruki guru sains do au di jolo ni kalashu ala Saksi Jahowa au. Mabiar hian do au jala dang huboto mandok manang aha. Alai tikki mulak au tu jabu, disuru omakku ma asa hubege lagu ‘Rajin Belajar’. Sian ende i gabe huboto ma, porlu do mangulahon riset jala mambahen persiapan lao mangalusi sukkun-sukkun ni akka jolma. Marsogotna i hujuppangi ma gurukku. Makkatai ma au tu ibana jala gabe lam diattusi ibana ma songon dia ajaran ni Saksi Jahowa. Mandok mauliate do au tu organisasi ni Jahowa ala diparade akka ende sisongon i na boi patoguhon haporseaon.”

 Songon dia do carana manutupi biaya na dihaporluhon lao mambahen akka ende on? Marhite sumbangan sukarela na adong di liat portibi on. Godang sian sumbangan i dilehon mamakke metode na adong di donate.jw.org. Mandok mauliate do hami tu sude haburjuonmuna.