TETAP MA MARJAGA-JAGA!

2022: Taon na Gok Sitaonon—Aha do na Didok Bibel Taringot i?

PANGOLU

Saleleng taon 2022, massai godang do tabege barita taringot porang, masalah ekonomi, dohot masalah lingkungan. Holan Bibel do na paboahon boasa sappe terjadi sudena i.

Aha do na dipatudu sian akka na masa di taon 2022?

Akka na masa saleleng taon on patuduhon na tutu do hita mangolu di “ari parpudi”, songon na didok di Bibel. (2 Timoteus 3:1) Ari parpudi i mulai ma terjadi sian taon 1914. Parrohahon ma songon dia akka na terjadi baru-baru on, sesuai tu na didok Bibel lao masa di tikkitta nuaeng:

“Parporangan.”—Mateus 24:6.

“2022 i ma Taon Mulak Muse Terjadi Porang di Eropa.” a

Ida ma artikel “Serangan Rusia tu Ukraina.”

“Haraparon.”—Mateus 24:7.

“2022: Taon na Gok Haraparon.” b

Ida ma artikel “Terjadi Krisis Makanan Besar-besaran Alani Porang di Ukraina.”

“Sahit di godang inganan.”—Lukas 21:11.

“Asing ni COVID-19, mulak do muse terjadi wabah polio dohot cacar monyet. On patuduhon na berbahaya do memang akka penyakit na menular jala dang boi dope diatasi jolma akka sahit i.” c

Ida ma artikel “6 Juta Halak na Mate Alani COVID.”

“Akka na parohon biar.”—Lukas 21:11.

“Taon 2022 on ma taon ni cuaca ekstrim. Na godangan terjadi cuaca ekstrim saleleng parsitongaan ni taon on. Adong ma gelombang panas, logo ni ari na berkepanjangan, kebakaran hutan, dohot banjir. Gabe godang ma na hancur, marratus ribu ma halak na gabe korban, jala hancur do muse jabu ni marjuta halak di liat portibi on.” d

Ida ma artikel “Cuaca na Luar Biasa Panas di Liat Portibi on.”

“Na gaor [manang, “na maralo”, surat na di toru.].”—Lukas 21:9.

“Godang do masyarakat na gabe muruk alani masalah ekonomi, tarlumobi ala lam arga akka situhoron saonari. Gabe godang ma kerusuhan na terjadi lao mamprotes akka pamaretta di taon 2022 on.” e

Ida ma artikel “Akka Situhoron na Lam Arga di Liat Portibi on.”

Songon dia ma annon situasina di taon na ro?

Dang adong jolma na mamboto aha lao masa di taon na ro. Alai na taboto, satokkin nai lao padengganon ni Harajaon ni Debata ma tano on. (Daniel 2:44) Lao pasaehon ni harajaon i ma sude masalah na mambahen susa akka jolma, jala lao pasauton ni harajaon i ma lomo ni roha ni Debata di tano on.—Mateus 6:9, 10.

Hujujui hami do hamu asa mangihutton hata ni Jesus Kristus, i ma asa “sai dungo”. Lapatanna sai parrohahon ma songon dia akka na dipaboa di Bibel botul-botul do terjadi di portibi on saonari. (Markus 13:37) Godang do na bermanfaat na dipaboa di Bibel na boi mangurupi hamu dohot keluargamuna saonari jala asa denggan ngolumuna di ari na naeng ro. Molo lomo rohamuna mamboto gumodang taringot i, hubungi ma hami.

a AP News, ”2022 Adalah Tahun Perang Kembali Menghantui Eropa” (”2022 Was Year the Horror of War Returned to Europe”), oleh Jill Lawless, 8 Desember, 2022.

b Program Pangan Dunia, ”Krisis Pangan Global” (”A Global Food Crises”).

c Forum Kesehatan JAMA, ”Hidup dalam Era Pandemi—Dari COVID-19 ke Cacar Monyet, Polio, dan Penyakit X” (”Living in an Age of Pandemics—From COVID-19 to Monkeypox, Polio, and Disease X”), oleh Lawrence O. Gostin, JD, 22 September 2022.

d Earth.Org, ”Berbagai Bencana Akibat Cuaca Ekstrem Terjadi Sepanjang Musim Panas 2022—Ada Apa Sebenarnya?” (”What’s Behind the Record-Breaking Extreme Weather Events of Summer 2022?”), oleh Martina Igini, 24 Oktober 2022.

e Organisasi Dana Abadi Carnegie untuk Perdamaian Internasional, ”Amarah Akibat Masalah Ekonomi Adalah Penyebab Utama Protes di Seluruh Dunia” (”Economic Anger Dominated Global Protests in 2022”), oleh Thomas Carothers dan Benjamin Feldman, 8 Desember 2022.