1. Aha do janji ni Jahowa tu halak na botul-botul bertobat?

 JAHOWA do na manoppa hita, Ibana do Silehon Patik dohot Hakim di hita. Asing ni i Bapakta na parholong do Ibana. (Ps. 100:3; Jes. 33:22) Molo mardosa hita tu Ibana jala botul-botul hita bertobat, boi do disesa Ibana dosatta i jala olo do Ibana mangulahon i. (Ps. 86:5) Marhite Panurirang Jesaya didok Jahowa do, “Nang pe songon merah ni mudar dosamuna, bottar do i bahenokku songon salju.”​—Jes. 1:18.

2. Molo lomo rohatta denggan hubungatta tu na asing, aha do na ikkon taulahon?

² Ala dang sempurna hita, olo do tabahen haccit roha ni na asing. (Jak. 3:2) Nang pe songon i, boi dope hita jonok tu nasida molo olo hita saling mengampuni. (Poda 17:9; 19:11; Mat. 18:21, 22) Tikki haccit rohatta dibahen na asing, dipangido Jahowa do hita asa olo mengampuni. (Kol. 3:13) Adong do alasanna boasa dipangido Jahowa i. Alana Ibana sandiri pe rade do ‘manesa sude dosatta’.​—Jes. 55:7.

3. Aha do na lao tabahas di artikel on?

³ Di artikel on naeng tabahas ma songon dia hita maniru Jahowa na olo mengampuni. Tabahas ma muse, dosa na songon dia do na ikkon tapasahat tu akka sintua, boasa disuru Jahowa hita mengampuni na asing, jala songon dia do hita boi maniru akka donganta na olo mengampuni na asing nang pe susa nasida dibahen.

4. (a) Molo mangulahon dosa na balga sasahalak, aha do na ikkon diulahon ibana? (b) Tikki adong na mangulahon dosa na balga, aha do tugas ni akka sintua?

⁴ Molo adong sasahalak na mangulahon dosa na balga, ikkon dipaboa do i tu akka sintua. Di 1 Korint 6:9, 10 dipaboa do contoh ni akka dosa na balga. Halak na mangulahon dosa na balga nungnga mangalanggar patik ni Debata. Jadi ikkon martangiang do ibana tu Debata Jahowa mangido pengampunan. Jala ikkon diakkui ibana do dosana i tu akka sintua di huria. (Ps. 32:5; Jak. 5:14) Holan Jahowa do na marhak mengampuni dosa ni sasahalak. Marhite tobusan ni Jesus Kristus do Jahowa mengampuni dosana i. * Alai dilehon Jahowa do tugas tu akka sintua lao manottuhon sian akka prinsip ni Bibel, boi dope pardosa i toktong di huria manang na dang. (1 Kor. 5:12) Asa boi ditottuhon akka sintua i, ikkon dipikkirhon nasida do sukkun-sukkun on: Sengaja do ibana mangulahon i? Berupaya do ibana manabunihon dosana i? Mulak-ulak do diulahon ibana dosana i? Na paling penting, adong do bukti na patuduhon naung bertobat ibana? Adong do bukti na jelas naung diampuni Jahowa ibana?​—Ul. 3:19.

5. Aha do manfaat ni keputusan na dibahen akka sintua?

⁵ Tikki adong kasus dosa na balga na ditangani akka sintua, tujuan ni nasida, i ma mambahen keputusan na sarupa tu keputusan naung dibahen Jahowa di surgo. (Mat. 18:18) Aha do manfaat ni i? Boi ma i melindungi huria. Molo toktong adong sahalak pardosa na so bertobat di huria, gabe pengaruh na so denggan do i tu akka naposo ni Jahowa na asing. (1 Kor. 5:6, 7, 11-13; Tit. 3:10, 11) Keputusan i pe mangurupi pardosa i asa muba jala asa diampuni Jahowa ibana. (Luk. 5:32) Ikkon ditangiakkon akka sintua do halak na bertobat i asa diurupi Jahowa ibana padenggatton hubunganna tu Jahowa.​—Jak. 5:15.

6. Molo adong sasahalak na dipecat sian huria, boi do diampuni Jahowa ibana?

⁶ Alai boha do molo dang olo sasahalak bertobat hape nungnga makkatai akka sintua tu ibana? Molo songon i situasina, ikkon dipecat do ibana sian huria. Alai molo di pudian ni ari dipatudu ibana na botul-botul ibana bertobat jala muba, pasti diampuni Jahowa do ibana nang pe balga hian dosana i. (Luk. 15:17-24; 2 Kron. 33:9, 12, 13; 1 Tim. 1:15) Asing ni i, molo dilanggar ibana hukum ni pamaretta, dang boi dilindungi akka sintua ibana sian hukuman. Alana dipaloas Jahowa do pamaretta mangadili jala manghukum manang ise pe na mangalanggar hukum ni nasida, dang soal ibana bertobat manang na dang.​—Rom 13:4.

7. Aha do maksudna hita ikkon mengampuni halak na mardosa tu hita?

⁷ Las do rohatta ala dang dilehon tu hita tanggung jawab lao mamutusson nungnga diampuni Jahowa sahalak pardosa manang na dang. Alai adong do na ikkon taputusson. Aha ma i? Olo do ra adong halak na mangulahon dosa na balga tu hita, dung i menyesal ma ibana jala minta maaf. Alai molo tung pe dang diulahon ibana i, ikkon taputusson do naeng tamaappon ibana manang naeng torus muruk hita tu ibana. Memang dang mura mangulahon i, khususna molo nungnga haccit  hian rohatta dibahen. Alai Menara Pengawal 15 September 1994 mandok, “Molo taampuni sasahalak, dang na berarti setuju hita tu dosana i. Alai molo taampuni ibana, berarti na tapasahat do parsoalan i tu Jahowa. Ibana do Hakim na terbaik jala pasti pasautonna do keadilan di tikkina.” Attong boasa ma dipangido Jahowa hita mengampuni kesalahan ni na asing jala pasahatton masalah i tu Ibana?

8. Aha do na boi mangurupi hita asa tergerak mengampuni na asing?

⁸ Molo taampuni dongan na asing, on patuduhon na taargai do asi ni roha ni Jahowa tu hita. Tikki paboahon sada ilustrasi, dipatudos Jesus do Jahowa songon sahalak raja na manghapus utang ni sahalak hatobanna. Alai dang olo hatoban i marasi ni roha tu donganna hatoban. Hape sasittongna dao do ummotik utang ni donganna i sian ibana. (Mat. 18:23-35) Aha do parsiajaranna tu hita? Molo botul-botul taargai asi ni roha ni Jahowa na massai balga tu hita, pasti tergerak do hita mengampuni na asing. (Ps. 103:9) Piga-piga taon naung salpu hea do dipaboa di Joujou Paboahon, “Dang soal sadia jotjot hita mengampuni akka donganta, sasittongna dang sebanding i tu pengampunan ni Jahowa na dilehon Ibana marhite tobusan ni Jesus.”

9. Halak na songon dia do na diampuni Jahowa? (Mateus 6:14, 15)

⁹ Molo taampuni na asing, hita pe diampuni Jahowa ma. Dipatudu Jahowa do asi ni rohana tu halak na marasi ni roha. (Mat. 5:7; Jak. 2:13) Tarida do i sian tangiang na diajarhon Jesus tu akka siseanna. (Jaha Mateus 6:14, 15.) Tarida do i muse sian hata ni Jahowa tu naposona, si Job. Tikki i massai haccit do roha ni si Job ala kasar hata ni donganna tu ibana, i ma si Elipas, si Bildad, dohot si Sopar. Alai disuru Jahowa do si Job manangiakkon nasida. Dung diulahon si Job pe i, baru ma dipasu-pasu Jahowa ibana.​—Job 42:8-10.

10. Molo torus hita muruk tu sasahalak, ise do na rugi? (Epesus 4:31, 32)

¹⁰ Molo torus hita muruk, parohon jea do i tu diritta sandiri. Lomo do roha ni Jahowa molo dame tahilala. Boi do dame rohatta molo tapasiding muruk sian diritta. (Jaha Epesus 4:31, 32.) Dijujui Jahowa do hita asa ‘unang muruk jala unang tarrimas’. (Ps. 37:8) Mandapot laba do hita molo taihutton nasehatna i. Molo torus hita muruk tu sasahalak boi do terganggu kesehatanta. (Poda 14:30) Dos ma i songon na manginum raccun. Hita do na rugi. Alai molo olo hita mengampuni na asing, godang do manfaatna tu hita. (Poda 11:17) Boi ma dame pikkiranta dohot rohatta jala boi ma hita torus melayani Jahowa.

11. Aha do na taparsiajari sian Rom 12:19-21?

¹¹ Hak ni Jahowa do mambalos sasahalak. Dang diloas Jahowa hita mambalos halak na marsala tu hita. (Jaha Rom 12:19-21.) Ala dang sempurna jala terbatas sudut pandangta, dang boi torus denggan caratta menangani situasi songon Jahowa. (Heb. 4:13) Jala sipata olo do holan mangihutton perasaan hita tikki mambahen keputusan. Asing ni i didok do di Bibel molo “halak na tarrimas dang diulahon i na sittong di jolo ni Debata”. (Jak. 1:20) Jadi pos ma rohatta pasti sittong jala adil do cara ni Jahowa menangani setiap situasi.

12. Songon dia do hita patuduhon na pos rohatta tu keadilan ni Jahowa?

 ¹² Molo taampuni na asing, berarti na porsea do hita tu keadilan ni Jahowa. Molo tapasahat parsoalanta i tu Jahowa, on patuduhon na pos do rohatta apusan ni Jahowa do sude hasusaan na tahilala alani dosa. Nungnga marjanji Jahowa molo di tano na imbaru “dang ingoton be” akka na haccit na tahilala saonari, “jala dang tarsunggul be i di bagasan roha”. (Jes. 65:17) Alai songon dia do molo nungnga haccit hian rohatta dibahen na asing? Boha ma carana asa unang torus hita muruk tu ibana? Saonari marsiajar ma hita sian pengalaman ni akka donganta.

13-14. Aha do na boi taparsiajari sian pengalaman ni si Tony dohot si José?

¹³ Godang do akka donganta na olo mengampuni na asing nang pe haccit hian roha ni nasida dibahen. Ala olo nasida mangulahon i, pasu-pasu aha do na dapot ni nasida?

¹⁴ Taida ma jo pengalaman ni si Tony na tinggal di Filipina. * Martaon-taon andorang so gabe Saksi Jahowa, mate tarbunu ma abang ni si Tony. Si José do goar ni halak na mambunu abangna i. Di tikki i, halak na kasar do si Tony on, jala naeng balas dendam do ibana tu si José. Ujungna ditakkup jala dipenjara ma si José alani kejahatanna i. Dung kaluar ibana sian penjara, bertekad do si Tony naeng mambalos ibana. Dituhor si Tony ma sinjata lao mambunu si José. Belakangan mulai ma si Tony marsiajar Bibel dohot Saksi Jahowa. Didok ibana, “Dung marsiajar au, huboto ma ikkon huuba do cara marpikkirhu dohot pangalahokku. Jala dang boi be au torus muruk tu si José.” Ujungna tardidi ma si Tony jala gabe sintua ma ibana di huria. Si José pe nungnga gabe Saksi Jahowa. Bayakkon ma songon dia las ni roha ni si Tony mamboto i. Tikki pajuppang nasida marsihaolan ma halak i. Dipaboa si Tony ma tu si José nungnga dimaappon ibana be hasalaan ni si José i. Didok si Tony  dang tarhatahon ibana songon dia las ni rohana ala olo ibana mengampuni. Takkas ma dipasu-pasu Jahowa do si Tony ala rade ibana mengampuni na asing.

15-16. Aha do na boi taparsiajari sian pengalaman ni si Peter dohot si Sue?

¹⁵ Di taon 1985 tikki marpungu si Peter dohot si Sue di Bale Harajaon, toppu ma meledak bom disi. Adong sahalak bawa na pamasukkon bom tu Bale Harajaon i. Akibatna gabe sega ma indra penglihatan, pendengaran, dohot penciuman ni si Sue. * Sai sukkun-sukkun do roha ni nasida, ‘Ise do halak na tega mangulahon i?’ Martaon-taon dukkon i, ditakkup ma pelaku bom i jala dipenjarahon ma ibana seumur hidup. Didok si Peter dohot si Sue, “Nungnga diajari Jahowa hita asa unang torus muruk tu na asing. Alana boi do gabe dang dame pikkiran dohot rohatta, jala berpengaruh do i tu kesehatanta. Jadi dung terjadi ledakan i pittor martangiang ma hami tu Jahowa. Hupangido hami ma asa unang torus hami muruk, asa boi dimaappon hami ibana, jala asa tenang roha dohot pikkirannami.”

¹⁶ Mura do di nasida mengampuni pelaku bom i jala mangalupahon kejadian i? Daong. Didok nasida, “Bahkan saonari pe molo diida hami dampak buruk na dihilala si Sue alani kejadian i, muruk dope hami. Alai dang sai torus-torus dipikkirhon hami i. Sasittongna molo olo pelaku i gabe Saksi Jahowa las hian do rohanami menyambut ibana. Sian pengalamannami on marsiajar do hami, holan prinsip ni Bibel do na botul-botul paluahon hita lobi sian na boi tabayakkon. Jala sai tarapul do muse rohanami molo huingot hami apusan ni Debata nama sude hasusaan on satokkin nai.”

17. Aha do na boi taparsiajari sian pengalaman ni si Myra?

¹⁷ Taida ma muse pengalaman na asing. Dung muli do si Myra jala adong dua gellengna  baru pe marsiajar Bibel ibana. Alai dang olo suamina marsiajar Bibel. Belakangan berzina ma suamina jala ditinggalhon ma si Myra dohot gellengna. Didok si Myra, “Tikki ditinggalhon ibana hami, campur aduk ma perasaanku. Dang porsea au masa on, lungun rohakku, muruk, menyesal, jala jotjot husalahon dirikku.” Leleng do sai lungun roha ni si Myra alani i. Didok ibana muse, “Saleleng marbulan-bulan sai torus do au khawatir jala muruk, alai husadari ma boi do i manegai hubunganku tu Jahowa dohot tu na asing.” Ujungna dang sai muruk be si Myra, jala dang lomo rohana terjadi masalah tu mantan suamina i. Berharap do si Myra sada tikki olo mantan suamina i marsiajar Bibel. Berfokus do si Myra tu ari naeng ro. Berupaya do ibana pagodang-godangkon dua gellengna gabe sisomba Jahowa. Saonari nungnga berkeluarga be akka gellengna i. Las do roha ni si Myra boi manomba Jahowa rap dohot nasida.

18. Ala Hakim ni Saluhutna do Jahowa, aha do na lao bahenonna?

¹⁸ Las do rohatta mamboto dang dilehon Jahowa tu hita tanggung jawab lao mamutusson songon dia sasahalak ikkon diadili. Jahowa do Hakim ni Saluhutna, jadi Ibana do na marhak mangadili. (Rom 14:10-12) Pos ma rohatta sai bahenon ni Jahowa do na adil, alana takkas do diboto Ibana dia na sittong dohot na sala. (1 Mus. 18:25; 1 Raj. 8:32) Dang mungkin bahenon ni Jahowa na so sittong!

19. Pasu-pasu aha do na lao jalootta haduan?

¹⁹ Tarpaima do hita salpuhonon ni Jahowa haduan sude akibat na tahilala alani dosa. Di tikki i sehat ma hita sude, sempurna, jala dang tahilala be na haccit. (Ps. 72:12-14; Pgk. 21:3, 4) Bahkan dang taingot be akka na mambahen lungun rohatta. Alai sambil paimahon i, taargai ma kesanggupan na dilehon Jahowa tu hita lao mengampuni na asing.