Alai dung remaja, dang akrab be hubunganku tu Jahowa. Huida akka donganku bebas do halak i, hape au dang boi songon i. Gabe hira beban do hurasa akka peraturan na dibahen natua-tuakku dohot standar Kristen na ikkon huihutton. Gabe dang pola semangat be au manomba Jahowa. Nang pe tikki i porsea dope au tu Jahowa, alai hurasa dang akrab be au tu Ibana.

Tikki i, marbarita na uli dope au, alai dang hunikmati be. Ala dang persiapan au sebelum marbarita, gabe maol do hurasa pasahatton topik tu parjabu. Ujungna gabe dang marhasil be dinashu, jala dang las be rohakku. Asing ni i, gabe sai marpikkiran negatif ma au. Gabe hudok ma di rohakku, ‘Molo songon on do na marbarita na uli on, ise ma na sanggup?’

Tikki marumur 17 taon, dang lomo be rohakku tinggal dohot natua-tuakku. Pinda ma au tu Australia, asa boi au bebas. Nang pe borat dihilala natua-tuakku au pinda, alai pos do roha nasida dang tinggalhonokku Jahowa.

Di Australia gabe lam sega ma kerohanianku. Jarang ma au marpungu, jala mardongan ma au tu akka naposo na so denggan kerohanianna. Ro do hami marpungu, alai tong do lao hami minum-minum tu klub malam. Memang husomba do Jahowa, alai tong do huihutton portibi on. Alani i, aha pe na huulahon dang las be rohakku.

Dua taon dukkon i, pajuppang ma au dohot sahalak donganta borua na massai burju, si Tamara goarna. Istri ni pengawas wilayah do ibana. Menginap ma nasida di jabunami saleleng saminggu. Tikki i rap sajabu do au dohot lima donganta borua na so muli dope. Tikki sibuk suamina makkarejohon tugas di huria, gabe godang ma tikkinami makkata-hatai dohot si Tamara. Halak na toruk roha do si Tamara on jala mura jonokan. Takjub do au di sifatna i. Olo do hape istri ni pengawas wilayah na sibuk mangalean tikki makkata-hatai jala rap mekkel dohot hami. Akka sifatna on ma na mambahen au muba.

Halak na semangat do si Tamara on. Holong do rohana tu hasittongan. Jala hubereng, dinikmati ibana do na mardinas i. Ala dilean ibana do na undenggan tu Jahowa, gabe las hian ma rohana. Hape molo au, dang las rohakku alana dang na undenggan na hubahen i. Tikki huida akka sifatna na denggan i, jala huida las ni rohana i, gabe naeng songon ibana ma au. Teladanna i paingotton au tu ayat na mandok, ikkon “marlas ni roha” do hita manomba Jahowa.​—Ps. 100:2.

Molo naeng marlas ni roha au songon si Tamara, ikkon muba do au. Memang dang mura i. Alai hubahen ma rencana asa boi muba. Misalna persiapan ma au sebelum mardinas. Dung i jotjot ma au merintis ekstra. Alani i, gabe lam percaya diri ma au tikki marbarita, dang mabiar be. Ala lam sering au mamakke Bibel tikki mardinas gabe lam hunikmati ma na mardinas i. Ujungna merintis ekstra ma au tiap bulan.

Mardongan ma au tu akka na matua dohot akka na poso di huria, na tong las rohana manomba Jahowa. Ala huida teladan ni nasida, gabe hupikkiri ma muse aha do na uppenting di ngolukku. Jala mulai ma au muse manjaha Bibel tiap ari. Lam las ma rohakku manomba Jahowa. Jala gabe perintis biasa ma au. Las hian ma rohakku ala boi muse au merasa nyaman di huria.

Sataon dukkon i, pajuppang ma au dohot si Alex. Ibana halakna burju, tulus, holong rohana tu Jahowa, jala lomo rohana mardinas. Parhobas do ibana di huria jala nungnga merintis ibana saleleng onom taon. Hea do ibana mangurupi di Malawi. Disi, jotjot do ibana bergaul dohot akka missionaris. Dijujui akka missionaris i do ibana mambahen Jahowa na uppenting di ngoluna.

Menikah ma hami taon 2003, jala torus do hami melayani sepenuh waktu. Godang do na huparsiajari hami jala hurasahon hami ma pasu-pasu ni Jahowa.

Taon 2009, diundang ma hami melayani sebagai missionaris di Timor-Leste, sada negara na gelleng na jonok tu Indonesia. Las hian do nian rohanami tikki i, alai khawatir do tong hami. Lima bulan dung diundang hami, berangkat ma hami tu kota Dili, ibukota ni Timor-Leste.

Ikkon menyesuaihon do hami tu budaya na baru, bahasa, sipanganon, dohot parngoluan ni halak disi. Tikki mardinas, jotjot do hami pajuppang dohot halak na massai pogos, na so adong sikkolana, jala na marsak situtu. Godang do muse halak na susa disi jala na trauma alani porang dohot kekerasan. *

Tabo hian do mardinas dison! Hea do pajuppang au dohot anak boru na marumur 13 taon dope. Goarna si Maria. * Nungnga mate omakna, jala jarang do ibana juppang dohot bapakna ala dang sajabu halak i. Songon akka anak remaja na asing, si Maria dang adong tujuan ni ngoluna. Alana dang adong na mangajari ibana. Sada tikki hea ma tangis ibana paboahon perasaanna. Alai dang huattusi manang aha didok ibana, ala dang huboto bahasana. Martangiang ma au tu Jahowa asa diurupi au patoguhon ibana. Dung i hujaha ma sada ayat ni Bibel. Huida do songon dia hasittongan ni Bibel mambahen muba pangalahona, parngoluonna, dohot carana marpakkean. Nungnga tardidi be ibana jala nga adong be akka parsiajar Bibelna. Saonari nga adong be keluargana na makkaholongi ibana, i ma akka dongan sahaporseaon.

Dipasu-pasu Jahowa do ulaon marbarita di Timor-Leste. Sabotulna godang do sian akka penyiar na disi na sappulu taon parpudi on dope tardidi. Alai nang pe songon i, godang do sian nasida gabe perintis, parhobas, sintua, na deba nai karejo di Kantor Penerjemahan lao menerjemahon akka publikasi dohot Bibel tu bahasa ni nasida. Las hian do rohakku mambege ekkel ni nasida, mambege nasida marende di parpunguan, jala mangida nasida boi gabe ale-ale ni Jahowa.

Beda hian do kehidupan di Timor-Leste tu Australia. Alai nang pe songon i, las hian do rohakku dison. Sipata tikki mardinas, marangkot do hami. Olo do gok sewa ni angkot i. Akka halak na sian pasar mamboan ikan asin dohot sayur. Marcampur ma sude di angkot i. Asing ni i, jabu ni akka studikku pe gelleng do, mohop, marlante tano dope, jala berkeliaran ma manuk disi. Nang pe songon i tantanganna, menarik hian do hurasa kehidupanku tikki i.

Mandok mauliate do au tu natua-tuakku, ala diajarhon nasida tu au hasittongan. Jala sai didukung nasida do au, nang pe hea au mandao sian Jahowa tikki remaja. Nungnga huida tutu do hape isi ni Poda 22:6 i. Bangga do bapak dohot omak ala melayani Jahowa do hami. Taon 2016, diundang ma hami melayani gabe pengawas wilayah di wilayah cabang Australasia.

Molo huingot najolo i, bingung do au boasa hea dang lomo rohakku marbarita. Alai saonari, nungnga lomo hian be rohakku marbarita. Husadari ma, boi do toktong hita marlas ni roha molo tasomba Jahowa sian ias ni rohatta. Jala las hian do rohakku boi manomba Jahowa rap dohot si Alex saleleng 18 taon on. Saonari nga hurasahon be hata ni si Daud na mandok, “Marlas ni roha ma sude halak na marlinggom tu Ho. Toktong ma nasida marsurak alani las ni rohana . . . Jala marlas ni roha ma akka halak na makkaholongi goarmu.”​—Ps. 5:11.