Songon dia do Didok Bibel?
Tutu do boi masa hadameon di tano on?
Songon dia do alusmuna?
Boi
Ndang
Ndang binoto
Na didok Bibel
Di pamarentaon ni Jesus Kristus, tongtong ma dame ”saleleng marsinondang bulan”. Lapatanna salelenglelengna.—Psalmen 72:7, Bibel siganup ari.
Aha do muse na taparsiajari sian Bibel?
Laho diripashon ma angka parjahat sian portibi on, alani i hilalaon ni angka partigor ma ”hinadeak ni hadameon”.—Psalmen 37:10, 11.
Salpuhonon ni Debata ma sude parporangan.—Psalmen 46:9, 10.
Boi do tahilala hadameon saonari?
Na didok pigapiga halak . . . ndang boi tahilala hadameon molo tongtong dope adong hasusaan dohot angka hajahaton. Songon dia pandapotmuna?
Na didok Bibel
Saonari pe, molo maraleale hita tu Debata boi ma tahilala, ”dame ni Debata na sumurung sian saluhut roha”.—Pilippi 4:6, 7.
Aha do muse na taparsiajari sian Bibel?
Marjanji do Debata laho manalpuhon hasusaan dohot angka hajahaton, jala didok ”saluhutna do hupaimbaru”!—Pangungkapon 21:4, 5.
Boi do tahilala hadameon di rohanta molo taharingkothon partondionta.—Mateus 5:3.
Mungkin Lomo do Rohamuna Mamboto
ALUS NI BIBEL
Hadameon di Tano on—Songon dia i Masa?
Parsiajari ma songon dia janji ni Jahowa lao mambahen dame saluhut tano on marhite Harajaonna.
