1. Aha do na lao diulahon Jesus satokkin nai?

 SAONARI mangolu di tikki na massai penting do hita. Satokkin nai, naeng ro ma Jesus mangadili sude halak di portibi on. Dipaboa Jesus do tu akka siseanna taringot aha na lao terjadi, na gabe ‘tanda ni harorona’ dohot “tanda ni panutup ni jaman on”. (Mat. 24:3) Dicatat do on di Mateus bindu 24 dohot 25, Markus bindu 13, dohot di Lukas bindu 21.

 2. Aha do na lao tabahas di artikel on, jala boasa on boi mangurupi hita?

² Dipakke Jesus do tolu ilustrasi lao mangurupi hita asa mempersiappon diri, jala gabe sipasingot ma i tu hita. Akka ilustrasi na lao tabahas, i ma taringot biru-biru dohot hambing, akka anak boru na marbisuk dohot na oto, jala ilustrasi taringot talenta. Ganup ilustrasi i mangurupi hita mangattusi na lao diadili Jesus nama ganup halak sesuai tu pangalaho ni nasida. Di artikel on, tabahas ma akka ilustrasi on dohot aha na taparsiajari sian i. Saonari tabahas ma ilustrasi na parjolo, i ma taringot biru-biru dohot hambing.

BIRU-BIRU DOHOT HAMBING

 3. Andigan do Jesus mangadili akka jolma?

³ Di ilustrasi taringot biru-biru dohot hambing, Jesus mandok na lao diadili ibana do akka jolma sesuai tu tanggapan ni nasida tu barita na uli, jala didukung nasida do akka na miniahan manang na daong. (Mat. 25:​31-46) Alai andigan do Jesus manottuhon sasahalak i biru-biru manang na hambing? Diulahon Jesus ma i saleleng “hasusaan bolon”, dang leleng sebelum ro Armagedon. (Mat. 24:21) Dos songon parmahan na manirang biru-biru sian hambing, dipasirang Jesus ma akka halak na mendukung sian na so mendukung akka na miniahan.

 4. Songon na didok di Jesaya 11:​3, 4, boasa pos rohatta pasti sittong do cara ni Jesus mangadili? (Ida sampul.)

 ⁴ Jesus do Hakim na dipillit Jahowa. Didok di Bibel, pasti sittong do cara ni Jesus mangadili. (Jaha Jesaya 11:​3, 4.) Saonari pe, diparrohahon ibana do pangalaho, cara marpikkir, dohot aha na dihatahon akka halak. Jala diparrohahon ibana do muse songon dia nasida mendukung akka na miniahan. (Mat. 12:​36, 37; 25:40) Jadi, pasti diboto Jesus do ise na mendukung dohot na so mendukung akka na miniahan. a Sada cara na uppetting na boi diulahon akka halak lao mendukung na miniahan, i ma marbarita na uli. Tikki ro Jesus mangadili, dianggap ibana ma sude na dohot marbarita na uli i ‘halak na sittong’. Jala mandapot kesempatan ma nasida lao manjalo “hangoluan na saleleng ni lelengna” di tano on. (Mat. 25:46; Pgk. 7:​16, 17) Pasu-pasu na massai luar biasa do on. Alani i molo toktong hita setia saleleng ro hasusaan bolon i, jala setia dukkon masa i, boi ma disurat goarta di “bukku hangoluan”.—Pgk. 20:15.

 5. Aha do parsiajaran sian ilustrasi taringot biru-biru dohot hambing, jala ise do na mandapot manfaat sian ilustrasi i?

⁵ Buktihon ma molo dirimuna setia. Ilustrasi ni Jesus taringot biru-biru dohot hambing, terutama bermanfaat do i tu akka na naeng mangolu salelengna di tano on. Molo didukung nasida do akka na miniahan di ulaon marbarita, jala unduk tu akka petunjuk na dilehon naposo haposan jala na marbisuk, on ma gabe bukti molo nasida setia jala marhaporseaon. (Mat. 24:45) Alai akka na naeng mangolu di surgo pe, ikkon mamparrohahon sipasingot sian ilustrasi ni Jesus i. Boasa? Alana diparrohahon Jesus do tong pangalaho, cara marpikkir, dohot aha na dihatahon nasida. Jadi ikkon dibuktihon akka na miniahan do molo nasida toktong setia. Bahkan dipaboa Jesus do dua ilustrasi na asing na gabe sipasingot, tarlumobi tu akka na miniahan. Boi ma tajaha akka ilustrasi on di Mateus bindu 25. Attong tabahas ma jo ilustrasi na mangihut taringot akka anak boru na marbisuk dohot na oto.

AKKA ANAK BORU NA MARBISUK DOHOT NA OTO

 6. Songon dia do lima anak boru i patuduhon molo nasida marbisuk? (Mateus 25:​6-10)

⁶ Di ilustrasi na asing, dipaboa Jesus do taringot sappulu anak boru na lao manjuppangi sahalak pangoli. (Mat. 25:​1-4) Lomo do roha ni nasida mandongani pangoli i tu pesta parbogasonna. Didok Jesus, “marbisuk” do lima anak boru i, jala “oto” do na lima nai. Didok pe marbisuk na lima i ala rade do nasida jala toktong jaga. Nang pe mungkin sahat tu tonga borngin pangoli i ro, toktong do rade nasida paimahon. Jala diboan nasida do lampu rap dohot miakna di botol, asa boi toktong galak lampu ni nasida. (Jaha Mateus 25:​6-10.) Tikki sahat pangoli i, lao ma lima anak boru na marbisuk i mandongani pangoli i tu pesta parbogasonna. Dos songon i ma, ikkon rade jala toktong do jaga akka na miniahan sahat tu na ro Kristus. Molo diulahon nasida songon i, boi ma nasida rap dohot Jesus, Pangoli i, di Harajaonna na di surgo. b (Pgk. 7:​1-3) Alai, boha do taringot lima anak boru na oto i?

 7. Aha do na masa tu lima anak boru na oto i, jala boasa?

⁷ Dang songon lima anak boru na marbisuk, lima anak boru na oto i dang rade tikki ro  pangoli i. Naeng mittop nama lampu ni nasida jala dang diboan nasida miak ni lampuna. Tikki diboto nasida naeng ro nama pangoli i, lao ma nasida manuhor miak jala dang mulak dope nasida tikki sahat pangoli i. Ujungna, “masuk ma [lima anak boru] naung paimahon i rap dohot pangoli i tu pesta parbogason, jala ditutup ma pintu”. (Mat. 25:10) Dung mulak lima anak boru na oto i jala naeng masuk, didok pangoli i ma tu nasida, “Dang hutanda hamu.” (Mat. 25:​11, 12) Takkas ma, dang rade lima anak boru i paimahon sahat tu na ro pangoli i. Aha do parsiajaranna tu akka na miniahan?

8-9. Parsiajaran aha do na didapot akka na miniahan sian ilustrasi taringot sappulu anak boru i? (Ida gambar.)

⁸ Buktihon ma molo hamu rade jala toktong jaga. Jesus dang paboahon na lao adong dua kelompok ni akka na miniahan. Sada, i ma kelompok na toktong rade sahat tu na ro panutup ni jaman on, jala kelompok na sada nai daong. Alai, Jesus naeng paboahon aha na lao masa tu nasida molo dang toktong rade jala setia sahat tu ujungna. Molo dang rade nasida paimahon Jesus, dang boi nasida mandapot upa i. (Joh. 14:​3, 4) Sipasingot na massai penting do on. Jadi dang soal aha harapanta, naeng mangolu salelengna di surgo manang di tano on, ikkon torus do taingot sipasingot sian ilustrasi taringot sappulu anak boru i. Ikkon rade do hita sude jala toktong jaga sahat tu na ro panutup ni jaman on.—Mat. 24:13.

⁹ Dung dipaboa Jesus ilustrasi taringot sappulu anak boru i, jala dipatudu ibana na massai penting do asa rade jala toktong jaga, dipaboa ibana ma muse ilustrasi taringot talenta. Ilustrasi on mangajarhon boasa massai penting asa toktong ringgas hita.

TALENTA

10. Aha do na mambuktihon molo dua hatoban i setia? (Mateus 25:​19-23)

¹⁰ Di ilustrasi ni Jesus taringot talenta, dipaboa Jesus do taringot dua hatoban na setia tu tuanna jala na sada nai daong. (Mat. 25:​14- 18) Boasa dua hatoban i didok setia? Sebelum lao tuanna i mardalani, dilehon ibana do akka talenta manang hepeng na massai godang tu akka hatobanna i. Jadi didok do setia hatoban na dua i, ala ringgas jala kerja keras do nasida mangalului uttung sian hepeng i. Aha ma hasilna? Tikki mulak muse tuanna, nga dua hali loppit hepeng ni tuanna i dibahen nasida. Dipuji tuanna i ma nasida jala didok, “Marlas ni roha ma ho rap dohot tuanmu.” (Jaha Mateus 25:​19-23.) Alai songon dia do hatoban na sada nai? Songon dia do ibana mamakke hepeng na dilehon tuanna i?

11. Aha do akibatna ala “malas” hatoban na sada nai, jala boasa?

¹¹ Hatoban na sada nai manjalo sada talenta do, alai “malas” do ibana. Dipangido tuanna do asa marbisuk ibana mamakke hepeng i. Alai dikubur ibana do hepeng i di tano. Tikki mulak tuanna, dipaulak ibana ma na sada talenta i. Dang mangakku sala ibana ala dang mangalului uttung tu tuanna. Gariada didokkon ibana do tuanna i ‘halak na karas’. Aha ma akibatna? Gabe muruk ma tuanna i tu ibana. Alai, dang holan i. Dibuat ma hepeng i sian ibana jala dipalao ma hatoban i sian jabu ni tuanna.—Mat. 25:​24, 26-30.

12. Manggombarhon ise do dua hatoban na setia i?

¹² Dua hatoban na setia i manggombarhon akka na miniahan na setia. Jesus, Tuan ni nasida, mangundang nasida jala mandok, “Marlas ni roha ma ho rap dohot tuanmu.” Dapot ni nasida ma upa di surgo, i ma haheheon na parjolo. (Mat. 25:​21, 23; Pgk. 20:5a) Alai, contoh hatoban na malas di ilustrasi i pe gabe sipasingot do tu akka na miniahan. Boasa tadok songon i?

13-14. Aha do parsiajaran na didapot akka na miniahan sian ilustrasi taringot talenta? (Ida gambar.)

¹³ Buktihon ma molo hamu halak na ringgas. Songon na dipaboa di ilustrasi taringot sappulu anak boru i, ilustrasi taringot talenta pe dang na lao paboahon na adong piga-piga halak na miniahan na gabe malas. Alai di ilustrasi on, Jesus naeng paboahon aha na lao masa tu nasida molo dang toktong ringgas jala semangat. Sasittongna nungnga “dijou jala dipillit Debata” nasida.  Alai molo dang toktong ringgas, gagal ma nasida mampartahatton kesempatan i. Akibatna, dang diloas nasida masuk tu Harajaon na di surgo.—2 Ptr. 1:10.

¹⁴ Sian ilustrasi ni Jesus taringot sappulu anak boru dohot talenta, takkas ma taboto sude halak Kristen na miniahan ikkon rade, toktong jaga, jala ringgas. Alai adong dope sipasingot na asing na didok Jesus tu akka na miniahan. Boi do tajaha sipasingot i di Mateus 24:​40, 41.

ISE DO NA LAO “DIBOAN”?

15-16. Songon dia do sipasingot di Mateus 24:​40, 41 mangurupi akka na miniahan asa toktong jaga?

¹⁵ Sebelum paboahon tolu ilustrasi i, dipaboa Jesus do taringot panguhuman na parpudi tu akka na miniahan na manottuhon ise do sian nasida na diboan tu Harajaon na di surgo. Dipaboa Jesus ma taringot dua bawa na karejo di ladang dohot dua borua na manggiling. Hira na sarupa do na diulahon dua bawa i, songon i nang dua borua i. Alai didok Jesus, “Diboan ma na sada jala ditinggalhon ma na sada nai.” (Jaha Mateus 24:​40, 41.) Dung i, didok ibana ma tu akka siseanna, “Sai jaga ma hamu, ai dang diboto hamu andigan ro Tuanmuna i.” (Mat. 24:42) Sarupa do sipasingot na didok Jesus on dung dipaboa ibana ilustrasi taringot sappulu anak boru i. (Mat. 25:13) Jadi berkaitan do akka sipasingot on? Ra songon i do. Jadi, holan akka na miniahan na terbukti setia do na ‘diboan’ Jesus tu Harajaonna na di surgo.—Joh. 14:3.

¹⁶ Buktihon ma molo hamu toktong jaga. Akka na miniahan na so toktong setia dang boi dipasada dohot “akka na tarpillit” na diboan tu surgo. (Mat. 24:31) Alai dang holan nasida na ikkon mamparrohahon sipasingot ni Jesus on. Akka halak na naeng mangolu salelengna di tano on pe ikkon toktong do jaga jala setia.

17. Boasa dang ganggu rohatta molo dipillit Jahowa dope piga-piga halak na miniahan di tikkitta saonari?

¹⁷ Nungnga marale-ale hita dohot Jahowa, jala tatanda do Ibana. Pos do rohatta, adil do sude na diulahon Jahowa. Jadi, unang ma ganggu rohatta molo dipillit Jahowa dope piga-piga halak na miniahan di tikkitta saonari. c Ingot ma ilustrasi ni Jesus taringot akka halak na karejo di ladang anggur mulai jam lima botari. (Mat. 20:​1-16) Sarupa do upa na dilehon tu nasida songon upa ni akka halak na karejo di ladang i mulai sian manogot. Suang songon i ma, dang soal manang andigan sasahalak dipillit Jahowa gabe na miniahan, sarupa do upa ni nasida di surgo molo terbukti nasida setia.

PARROHAHON JALA IHUTTON MA AKKA SIPASINGOT I

18-19. Aha do parsiajaran naung tadapot sian akka ilustrasi on?

¹⁸ Aha do naung taparsiajari di artikel on? Akka halak na naeng mangolu salelengna di tano on mandapot parsiajaran sian ilustrasi taringot biru-biru dohot hambing. Ikkon toktong do setia nasida tu Jahowa saonari dohot saleleng masa hasusaan bolon. Alana dang leleng sebelum ro Armagedon, disi ma Jesus mangadili akka halak. Jala akka halak na terbukti setia boi ma mandapot upa, i ma “hangoluan na saleleng ni lelengna”.—Mat. 25:46.

¹⁹ Tabahas do tong dua ilustrasi na gabe sipasingot tu akka na miniahan. Di ilustrasi taringot sappulu anak boru, didok Jesus, lima sian nasida terbukti do marbisuk, jala na lima nai oto do. Didok do marbisuk na  lima i ala rade jala toktong jaga nasida paimahon sahat tu na ro pangoli i. Alai oto do na lima nai ala dang toktong nasida rade. Gabe dang dipaloas pangoli i nasida masuk tu pesta parbogasonna. Aha do parsiajaranna? Manang sadia leleng nai pe hita paimahon Jesus menghancurhon portibi ni Sibolis on, ikkon toktong do hita rade. Jala sian ilustrasi ni Jesus taringot talenta, taboto ma molo dua hatoban na setia i ringgas. Marsitutu do nasida asa mandapot uttung tuanna i, jala mambahen las roha ni tuanna i. Alai dipalao tuanna i do hatobanna na malas. Aha do parsiajaranna? Ikkon toktong do hita ringgas melayani Jahowa sahat tu ujungna. Na parpudi, nungnga tabahas molo akka na miniahan ikkon toktong jaga asa boi nasida “diboan” Jesus lao mandapot upa di surgo. Tarpaima do nasida lao ‘dipapungu’ rap dohot Jesus di surgo. Dung sae porang Armagedon, gabe pengantin ni Jesus ma nasida di pesta parbogason ni Anak ni Biru-Biru i.—2 Tes. 2:1; Pgk. 19:​7, 9.

20. Aha do upa na dilehon Jahowa tu akka na mamparrohahon jala mangihutton sipasingot sian Ibana?

²⁰ Nang pe lam jonok ari panguhuman i, dang porlu hita mabiar. Molo toktong hita setia, pasti lehonon ni Jahowa do tu hita gogo na ‘lobi sian gogo ni sahalak jolma’, asa boi hita ‘malua jala boi jongjong di jolo ni Anak ni jolma i’. (2 Kor. 4:7; Luk. 21:36) Manang aha pe harapanta, naeng mangolu salelengna di surgo manang di tano on, boi do tabahen las roha ni Jahowa. Boha carana? Taparrohahon jala taihutton ma sipasingot ni Jesus sian akka ilustrasi i. Jala ala massai burju do Jahowa i, pasti boi ma ‘tarsurat goarta di bukku’ hangoluan i.—Dan. 12:1; Pgk. 3:5.