Manalpuhon hasalaan lapatanna dang taingot-ingot hasalaan ni halak na asing manang dang jut be rohatta. Alai maksudna, dang na gabe anggap sepele hita tu hasalaanna i manang dang gabe taanggap dang hea i masa.

NA DIDOK BIBEL: “Toktong ma hamu sabar tu na asing, jala rade ma hamu manalpuhon hasalaan ni nasida nang pe haccit rohamuna dibahen.”​—Kolosse 3:13.

“Molo holong rohatta tu sasahalak, dang hahuranganna na sai taida. Alai taida ma upaya na dibahen ibana naeng gabe halak na burju.”​—Si Aaron.

Molo sai sogo rohatta, boi do hita gabe stres manang marsahit. Asing ni i, perkawinanta pe boi do gabe sursar.

“Sada tikki hea ma minta maaf suamikku ala haccit rohakku dibahen. Gabe manolsoli do au ala dang pittor husalpuhon hasalaanna. Alana gabe dang denggan rumah tangganami. Sasittongna, boi do dang terjadi i molo pittor husalpuhon hasalaanna.”—Si Julia.

PIKKIRHON MA ON

Molo sada tikki haccit rohamuna dibahen dongan saripemuna, pikkirhon ma on:

• ‘Au do na pasensitiphu?’

• ‘Na balga do kesalahanna sappe ikkon minta maaf ibana tu au? Manang boi do pittor hulupahon hasalaanna i?’

DENGGAN MA ON HATAI HAMU

• Biasana sadia leleng do jut rohatta tu dongan saripetta?

• Aha do na boi taulahon asa boi hatop talupahon hasalaanna?

CARANA

• Molo haccit rohatta unang ma tarippu na sengaja dongan saripetta mambahen haccit rohatta.

• Mangattusi ma hita tu dongan saripetta. Taingot ma molo “sude do hita jotjot sala.”​—Jakobus 3:2.

“Molo rap sala do hita dohot dongan saripetta, mura do hita manalpuhon hasalaanna i. Alai molo didok rohatta holan sahalak do na sala, maol do hita manalpuhon hasalaanna i. Alani i, ikkon serep do rohatta jala olo tasalpuhon hasalaan ni dongan saripetta.”​—Si Kimberly.

NA DIDOK BIBEL: “Hatop ma pasae parsoalanmu.”​—Mateus 5:25.