BOASA RINGKOT: Di parpunguan ma inganan ”laho mamuji jala pasangap Ibana.” (Ps 149:1) Di parpunguan, diajari do hita laho mangulahon lomo ni roha ni Debata. (Ps 143:10) Somalna, pintor mambahen hamajuon do parsiajar Bibel molo nunga ro marpungu.

SONGON DIA DO MANGULAHON I:

• Hatop ma jujui nasida marpungu. Ndang ingkon jolo taratur nasida marsiajar asa tajujui ro marpungu.—Pgk 22:17

• Paboa ma tu ibana aha na laho taulas di parpunguan na naeng ro. Pangke ma angka na mangihut on: Gokhon tu Parpunguan, video Aha do na Dipatupa di Bale Harajaon? dohot brosur Lomo ni Roha ni Jahowa parsiajaran 5 dohot 7

• Urupi ma. Molo porlu, taurupi ma parsiajar Bibel mamillit pahean na tama laho marpungu. Rap hundul ma hamu jala lehon ma buku na laho diparsiajari. Patandahon ma ibana tu dongan na asing