Kata Pengantar tu Bagian 2
Boasa dibahen Jahowa aek na sumar tu tano on? Dung ditompa Debata jolma, mangalo ma Sibolis tu Jahowa. Adong do na mangihuthon Sibolis, songon si Adam, si Hawa dohot si Kain. Jala adong na mangihuthon Jahowa songon si Abel dohot si Noak. Alai umgodang do na mangihuthon Sibolis. Alani i, gabe muruk ma Jahowa jala dipamate ma sude na jahat i. Di bagian on, diurupi ma hita mangantusi, diida Jahowa do manang aha na tapillit. Jala ndang dipaloas Jahowa na jahat manaluhon na burju.
DI BAGIAN ON
PARSIAJARAN 3
Si Adam dohot Si Hawa Ndang Mangoloi Debata
Boasa ndang sarupa hau na adong di tonga ni taman Eden i tu hau na asing? Boasa diallang si Hawa parbue ni hau i?
PARSIAJARAN 4
Gabe Mambunu Alani Muruk
Dijalo Debata do pelean ni si Abel, alai anggo pelean ni si Kain ndang dijalo. Alani i, muruk ma si Kain jala diulahon ibana ma na jahat.
PARSIAJARAN 5
Parau ni Si Noak
Dung kawin suru-suruan i dohot angka borua di tano on, tubu ma anak ni nasida. Gabe raksasa ma anakna i jala jahat. Godang ma halak na mangulahon na jahat. Alai ndang songon i si Noak. Unduk jala holong do rohana tu Jahowa.
PARSIAJARAN 6
Ualu Halak na Malua sian Aek na Sumar
Alani udan saleleng 40 ari 40 borngin gabe ro ma banjir. Lobi sian sataon si Noak dohot keluargana di bagasan parau i. Dung i, didok Jahowa ma tu nasida asa kaluar sian i.
