Godang do jolma susa alani dosa. Alai ala ndang mardosa Jesus, ndang dihilala ibana angka hasusaan i. Nang pe songon i, diantusi Jesus do pangkilalaan ni jolma. Asi do rohana, jala rade do ibana mangurupi nasida. Dipaboa ma i di Pasal 32, 37, 57, dohot 99.

Ndang ginjang roha ni Jesus. Disarihon ibana do halak na asing. Alani i, lomo do roha ni sude halak, na matua, nang na poso jonok tu Jesus. Laho mamboto i, parrohahon ma Pasal 25, 27, dohot 95.

Jotjot do Jesus martangiang. Martangiang do ibana tingki sahalakna, nang tingki rap dohot angka siihuthon ibana. Ndang holan laho mangan ibana martangiang. Alai martangiang do ibana laho mandok mauliate, pasahathon pujian dohot manjalo tudu-tudu tingki laho manontuhon siulahononna. Parrohahon ma i di Pasal 24, 34, 91, 122, dohot 123.

Sipata, naeng maradi do Jesus ala nunga loja. Alai jotjot do ndang sanga ibana maradi ala naeng mangurupi halak na asing. Sitiruon na denggan do on di hita. Taparsiajari ma i di Pasal 19, 41, dohot 52.

Diajari Jesus do siseanna manalpuhon hasalaan ni na asing. Alai ndang holan i, dipatuduhon do sitiruon laho manalpuhon hasalaan. Rade do ibana manalpuhon hasalaan ni angka siseanna. Parrohahon ma i di Pasal 26, 40, 64, 85, dohot 131.

Nunga dipaboa hian, godang do halak Jahudi na so manjalo Messias. Gariada, laho bunuon ni musuna do ibana. Nang pe songon i, barani do Jesus patuduhon cara na sintong laho manomba Debata. Dibahen ibana do sian nasa gogona marbarita tu nasida. Gabe sitiruon do ibana tu siseanna na manaon hasusaan tingki marbarita. Parrohahon ma i di Pasal 16, 72, dohot 103.

Gumodang do parbinotoan ni Jesus dohot bisukna sian jolma. Jala umgogo do ibana sian halak na di humaliangna. Alai nang pe songon i, toruk do rohana. Rade do ibana marhobas tu halak na asing. Taparsiajari ma i di Pasal 10, 62, 66, 94, dohot 116.

Nang pe jotjot sala siseanna jala ndang diihuthon ajaran ni Jesus, alai sabar do Jesus. Mulak-ulak do angka siseanna i diajari jala diurupi asa boi jonok tu Jahowa. Parrohahon ma sitiruon i di Pasal 74, 98, 118, dohot 135.