KOTAK PARSIAJARAN 16B
Marsak Situtu, Mangalehon Tanda, Manghancurhon—Andigan jala Songon Dia?
Saut do muse parnidaan na di Hesekiel bindu 9 i di tikkinta saonari. Molo taattusi aha na lao masa, dang mabiar be hita molo dung juppang tikkina marujung portibi on
‘Holsoan jala marsak situtu’
ANDIGAN: Saleleng ari parpudi, andorang so hasusaan bolon
SONGON DIA: Halak na tulus rohana manomba Debata patuduhon sian hata dohot pangalaho, molo nasida magigi tu pangalaho ni halak na jahat di portibi on. Dijalo nasida do barita na uli, marsitutu maniru parange ni Kristus, dilehon dirina tu Jahowa, tardidi, jala setia mangurupi akka anggi ni Kristus
“Mangalehon tanda”
ANDIGAN: Saleleng hasusaan bolon
SONGON DIA: Bawa na mamboan inganan ni alat tulis sekretaris i manggombarhon Jesus Kristus na lao ro gabe Hakim tu sude bangso. Na lao diuhumi ma punguan bolon, manang ditandai gabe biru-biru na lao selamat sian Armagedon
“Dihancurhon”
ANDIGAN: Di Armagedon
SONGON DIA: Jesus Kristus rap dohot tentarana na di surgo, i ma 144.000 donganna raja i rap dohot akka suru-suruan, ro marporang manghancurhon portibi na jahat on. Diboan nasida ma akka na mangulahon ibadat na sittong tu tano na imbaru na bebas sian parjahat
