PELAJARAN 03
Boi do Pos Rohamuna tu Isi ni Bibel
Godang do akka janji dohot poda na tarsurat di Bibel. Lomo do ra rohamuna manjaha i. Alai sukkun-sukkun do ra rohamuna, memang boi do tahaporseai akka janji dohot poda na tarsurat di Bibel nang pe bukku naung leleng i? Memang tutu do marguna poda ni Bibel i tu hita saonari? Jala, boi do taharporseai na didok Bibel taringot masa depan? Nungnga godang halak na porsea. Taida ma akka bukti na mambahen nasida porsea.
1. Tutu do sude na disurat di Bibel i manang holan cerita?
Bibel mandok, ‘Tikkos do disuratton akka hata na sittong’ na adong disi. (Parjamita 12:10) Toho do terjadi akka na disurat di Bibel. Jala akka halak na disurat disi pe hea do mangolu. (Jaha Lukas 1:3; 3:1, 2.) Godang do sejarawan dohot ahli arkeologi na mambuktihon tutu do na disurat taringot tikki, halak, inganan, dohot akka peristiwa na dipaboa di Bibel.
2. Aha do buktina dang ketinggalan jaman Bibel?
Godang do bukti na patuduhon ummaju do hatorangan na adong di Bibel. Misalna taringot ilmu pengetahuan. Tikki disurat Bibel, godang do na so setuju tu hatorangan na dipaboa disi. Alai ilmu pengetahuan saonari mambuktihon toho do na didok Bibel i. Takkas ma ‘martahan do Bibel saleleng ni lelengna’.—Psalmen 111:8.
3. Boasa boi pos rohatta pasti terjadi do na didok Bibel taringot na lao masa?
Godang do akka surirang a na disurat di Bibel na paboahon “akka na so masa dope”. (Jesaya 46:10) Lapatanna leleng sebelum terjadi sada peristiwa, nga dipaboa hian i sebelumna di Bibel. Termasuk na masa di jamanta saonari on pe, nga dipaboa Bibel hian i. Di pelajaran on, taida ma piga-piga contohna.
ASA LAM TAATTUSI
Taida ma songon dia ilmu pengetahuan saonari sadalan dohot isi ni Bibel. Jala tabahas ma piga-piga kejadian naung dipaboa Bibel hian.
4. Sadalan do ilmu pengetahuan tu isi ni Bibel
Najolo didok halak di punggung ni sada binatang do tano on. Putar ma VIDEO.
Taida ma aha na didok di bukku Job hira-hira 3.500 taon naung salpu. Jaha Job 26:7, dung i bahas ma sukkun-sukkun on:
-
Boasa luar biasa hatorangan na didok di ayat i molo tano on “digattung di na soada” manang di awang-awang?
Hira-hira baru 200 taon on pe diboto halak taringot siklus air di tano on. Hape nungnga dipaboa Bibel hian i marribu taon naung salpu. Jaha Job 36:27, 28, dung i bahas ma sukkun-sukkun on:
-
Menurut hamu boasa luar biasa na didok ayat i taringot siklus air?
-
Lam porsea do hamu tu isi ni Bibel dung dijaha hamu ayat on?
5. Nungnga dipaboa Bibel hian akka peristiwa penting na lao masa
Jaha Jesaya 44:27–45:2, dung i bahas ma sukkun-sukkun on:
-
Hira-hira 200 taon sebelum dihancurhon kota Babel, akka aha do naung dipaboa Bibel hian taringot kota i?
Molo tajaha taringot sejarah ni kota Babel, ro ma Raja Sirus na sian Persia rap dohot akka tentarana manghancurhon kota i taon 539 SM. b Dipapinda nasida do aliran ni sunge na di sakaliling ni kota i. Jala ala tarbukka do gerbang ni kota i, gabe boi ma nasida masuk dang pola marporang. Saonari dung 2.500 taon, holan akka tembok ni kota Babel na hancur nama disi. Taida ma aha naung didok Bibel hian taringot i.
Jaha Jesaya 13:19, 20, dung i bahas ma sukkun-sukkun on:
-
Toho do terjadi na didok di ayat on taringot kota Babel?
Tembok ni kota Babel naung hancur di Irak
6. Nungnga dipaboa Bibel hian akka na masa saonari
Bibel mandok, mangolu di “ari parpudi” do hita saonari. (2 Timoteus 3:1) Taida ma aha na didok Bibel taringot on.
Jaha Mateus 24:6, 7, dung i bahas ma sukkun-sukkun on:
-
Aha do na didok Bibel na lao masa saleleng ari parpudi?
Jaha 2 Timoteus 3:1-5, dung i bahas ma sukkun-sukkun on:
-
Boha do didok ayat on pangalaho ni akka halak di ari parpudi?
-
Toho do songon na didok di ayat on pangalaho ni akka halak na diida hamu saonari?
ADONG DO NA MANDOK: “Holan dongeng manang cerita na dibahen-bahen jolma do Bibel i.”
-
Molo menurut hamu, boasa boi tahaporseai isi ni Bibel?
KESIMPULAN
Boi do tahaporseai isi ni Bibel ala adong do bukti sejarah, ilmu pengetahuan, jala toho do terjadi sude na disurat disi.
Tinjauan
-
Tutu do sude na disurat di Bibel i manang holan cerita?
-
Aha ma contoh na patuduhon sadalan do ilmu pengetahuan tu isi ni Bibel?
-
Porsea do hamu na boi Bibel paboahon taringot masa depan? Boasa?
LULUI MA
Adong do isi ni Bibel na so sadalan tu ilmu pengetahuan?
Aha do na masa di “ari parpudi”?
“6 Peristiwa na Disurat di Bibel Naung Terjadi” (Joujou Paboahon, 1 Mei 2011)
Ida ma di video on terjadi do songon na didok Bibel taringot Imperium Junani.
Jaha ma taringot sada bawa na gabe porsea tu isi ni Bibel ala diparsiajari ibana taringot peristiwa naung dipaboa hian disi.
“Ndang Porsea Ahu Adong Debata” (Joujou Paboahon No. 5 2017)
Mungkin Lomo do Rohamuna Mamboto
NA JOTJOT DISUKKUN HALAK
Songon dia do Parsiajaran Bibel na Dibahen Saksi Jahowa?
Boi do dipakke Bibel terjemahan na dia pe tikki marsiajar Bibel dohot Saksi Jahowa. Boi do diajak hamu donganmuna dohot keluargamuna.
