Asa tongtong maraleale tu sasahalak, ingkon jotjot do hamu mangkatai. Tangihon ma ibana jala tangihononna ma ho. Tahatahon ma angka na denggan taringot ibana tu halak na asing. Dos songon na maraleale tu Debata. Parrohahon ma na didok ni Bibel taringot on:

Tongtong ma mangkatai tu Jahowa marhite tangiang. ”Tongtong ma martangiang.”—Rom 12:12, Bibel Siganup Ari.

Jaha ma Hata ni Debata, i ma Bibel. ”Ai sude na tarsurat i na sinurirangkon ni Debata do i, jala marguna mangajarhon hasintongan, maminsang na sala, padengganhon pangalaho jala manogunogu tu ngolu na sintong.”—2 Timoteus 3:16, Bibel Siganup Ari.

Ajari ma angka na asing taringot Debata. ”Alani i, laho ma hamu tu sude bangso, . . . jala ajari hamu ma nasida mangulahon sude  na hudok i tu hamu.”—Mateus 28:19, 20, Bibel Siganup Ari.

Pajonok hamu ma tu aleale ni Debata. ”Manang ise na mangkombar halak na bisuk, gabe marbisuk do.”—Poda 13:20.

Ro ma tu inganan parpunguan Kristen i ma Bale Harajaon. ”Masiantoan ma hita, masipajujuan tu haholongan dohot tu angka ulaon na denggan, . . . tung masipaingotan ma hita.”—Heber 10:24, 25.

Urupi ma ulaon tu Harajaon. ”Ganup ma nionjar ni rohana, unang ma sian muruk manang sian na so tarjua; ai dihaholongi Debata do na las roha mangalehon!”—2 Korint 9:7.