Psalmen 90:1-17
Tangiang ni si Musa, naposo ni Debata na sittong i.+
90 Ale Jahowa, Ho do inganan parlinggomannami*+ saleleng ni lelengna.
2 Andorang so tubu dope akka dolok,Andorang so ditoppa Ho portibi dohot tano na subur on,+Ho do Debata na so marmula jala na so marujung.*+
3 Dibahen Ho do muse mulak tu tano* jolma i,Didok Ho do, “Mulak ma hamu akka anak ni jolma.”+
4 Ai saribu taon di hami, dos do i songon nattoari di Ho,+Songon sahali giliran jaga di tikki borngin.*
5 Diripasson Ho do nasida,+ salpu do nasida songon nipi,Di manogotna i, songon duhut-duhut na martunas do nasida.+
6 Manogotna i, lam balga jala kabbang ma bungana,Alai dung borngin, malos ma i jala koring.+
7 Suda do hami alani rimasmu,+Jala mabiar do hami alani murukmu.
8 Dipeakkon Ho do akka salanami di jolom,*+Jala tarida do sude rahasianami alani sinondang ni bohimi.+
9 Lam moru ma akka ari-arinami* alani rimasmi,Songon sangombus hosa* do marujung taonnami.
10 Leleng ni ngolunami 70 taon do,Manang 80 taon+ ma molo massai gogo.
Alai gok do arsak dohot hasusaan disi.Hatop do i salpu, jala salpu ma nang hami.+
11 Ise ma na boi mamboto balga ni rimasmi?
Massai balga do murukmu dos songon balga ni biar na patut jaloonmu.+
12 Ajari ma hami mambilangi akka ari-arinami,+Asa marbisuk rohanami.
13 Mulak ma Ho tu hami, ale Jahowa!+ Sadia leleng nai paimaonnami?+
Asi ma roham tu akka naposomon.+
14 Ganup manogot, sai patudu ma holong ni rohami*+Asa marsurak hami marlas ni roha jala marsonang-sonang+ saleleng ngolunami.
15 Bahen ma hami marlas ni roha, dos songon leleng ni ari-arinami manaon hasusaan na dibahen Ho,+Dos songon godang ni akka taon tikki marsitaonon hami.+
16 Sai anggiat ma diida akka naposomi na binahenmu,Jala sai anggiat ma diida akka anak ni nasida hamuliaonmu.+
17 Sai anggiat ma las roha ni Jahowa Debatanami tu hami,Jala sai anggiat ma dibahen Ho marhasil ulaon ni tangannami.
I ma tutu, bahen ma marhasil ulaon ni tangannami.+
Surat na di toru
^ Manang “inganannami tading”.
^ Manang “sian saleleng ni lelengna ro di saleleng ni lelengna”.
^ Manang “orbuk”.
^ Sahali giliran jaga lelengna hira-hira opat jom.
^ Manang “Diboto Ho do sude hasalaannami”.
^ Manang “ngolunami”.
^ Manang “Songon na marhusip”.
