Psalmen 63:1-11
Ende ni si Daud na dibahen tikki di Gurun Juda ibana.+
63 Ale Debata, Ho do Debatakku, sai hulului do Ho.+
Masihol* do au tu Ho.+
Sai hupaima-ima do Ho,Hupaima do Ho di luat na koring jala na harsang, di inganan na so adong aekna.+
2 Huida do Ho di inganan na badia,Huida do hasangaponmu dohot huasom.+
3 Ai dumenggan do holong ni roha* na pinatudum sian hangoluan.+Pujiokku do Ho marhite pamanganku.+
4 Pujiokku ma Ho saleleng ni ngolukku,Angkatokku ma tanganku tikki martangiang lao manjou goarmu.
5 Las do rohakku ala dilehon Ho tu au bagian na dumenggan,Dung i marende ma au jala pujiokku ma Ho marhite pamanganku.+
6 Huingot do Ho tikki di podoman au,Di tonga borngin, sai tu Ho do pikkiranku.+
7 Ai Ho do na mangurupi au,+Marsurak ma au marlas ni roha di toru ni habongmu.+
8 Sai huihutton do Ho,Sai ditiop tanganmu na gogo i* do au.+
9 Alai molo akka halak na naeng pamatehon au,Na lao masuk ma nasida tu lubang ni hamatean.
10 Na lao dipamate ma nasida mamakke podang,Jala allangon ni anjing hutan* ma nasida.
11 Alai marlas ni roha ma raja i alani sude na lao bahenon ni Debata tu ibana.
Marlas ni roha ma manang ise na marsumpa di bagasan goarna,
Ai na lao tutuponna do baba ni akka pargabus.
