Psalmen 4:1-8
Tu pamimpin ni akka parende: Na diendehon mardongan akka alat musik na martali. Ende ni si Daud.
4 Ale Debatakku na sai mangulahon na sittong,+ alusi ma au tikki jou-jou au tu Ho.
Patudu ma tu au dalan asa malua au* sian hasusaakku.
Asi ma roham tu au jala tangihon ma tangiakku.
2 Ale akka anak ni jolma, sadia leleng nai au marlea bahenonmuna?
Sadia leleng nai lomo rohamuna tu akka na so marguna jala luluanmuna akka na so sittong? (Sela)
3 Ingot ma on, dipasangap Jahowa do akka naposona na setia.*Tangihonon ni Jahowa do au tikki jou-jou tu Ibana.
4 Molo muruk hamu, unang ma sappe mardosa.+
Pikkiri* ma i di roham tikki di podomanmu ho, jala toktong ma ho hohom. (Sela)
5 Lehon ma pelean sian ias ni roham,*Jala marpos ni roha ma ho tu Jahowa.+
6 Godang do halak na mandok, “Ise ma na lao mangalehon akka na denggan tu hita?”
Ale Jahowa, asi ma roham tu hami.+
7 Dibahen Ho do las situtu rohakkuLobi sian las ni roha ni halak na dapotan godang gandum dohot anggur tikki panen.
8 Hupapeak ma dagingku jala sonang ma au modom,+Ai holan Ho do ale Jahowa na mambahen dame ngolukku.+
Surat na di toru
^ As. “Pabidang ma dalanku”.
^ Manang “dipapulik Jahowa do akka naposona na setia lao di Ibana”.
^ Manang “Pahusor-husor”.
