Psalmen 31:1-24
Tu pamimpin ni akka parende. Ende ni si Daud.
31 Ale Jahowa, tu Ho do au marlinggom,+
Unang ma loas au dipaila,+
Palua ma au, ai tigor do Ho.+
2 Patinggil ma pinggolmu tu* au,
Hatop ma Ho ro paluahon au.+
Gabe dolok parlinggoman ma Ho di au,Gabe benteng na togu ma Ho di au asa malua au.+
3 Ai Ho do dolok batu jala parlinggoman di au,+Pasangap ma goarmi,+ togu-togu jala ajar-ajari ma au.+
4 Paluaonmu do au sian jorat* na dibahen nasida di dalanku,+Ai Ho do benteng parlinggoman di au.+
5 Tu tanganmu ma hupasahat ngolukkon.+
Nungnga ditobus Ho au ale Jahowa, Debata na makkatahon na sittong.*+
6 Sogo do rohakku tu akka halak na manomba patung na so marguna,Alai molo au, tu Jahowa do au marhaposan.
7 Las situtu do rohakku ala dipatudu Ho holong ni roham,*Ai nungnga diida ho hasusaakku,+Takkas do diboto Ho arsak ni rohakku.
8 Dang dipasahat Ho au tu akka musukku,Alai dibahen Ho do au jongjong di inganan na aman.*
9 Asi ma roham tu au ale Jahowa, ai di bagasan hasusaan do au.
Nungnga rambonon be matakku,+ jala nungnga loja be dagingku+ alani sude hasusaakku.
10 Holan na lungun do rohakku saleleng ni ngolukku+Jala holan na morong-orong do au.+
Moru do gogokku ala huulahon na sala,Jala hitir-hitir do holi-holikku.+
11 Sude do musukku mangarehei au,+Tarlumobi ma akka donganku.
Mabiar do akka sisolhottu mangida au,Tikki diida nasida au di tonga dalan, lari do nasida sian au.+
12 Dang diingot nasida be au, dilupahon nasida do au songon halak naung mate.Nungnga dos be au songon gucci na maputtar.
13 Godang do hubege barita na so tutu taringot au.Gabe mabiar do au ala sude mangancam au.+
Tikki marsada nasida naeng mangalo au,Marsakkap do nasida lao pamatehon au.+
14 Alai pos do rohakku tu Ho, ale Jahowa.+
Sai hudok do, “Ho do Debatakku.”+
15 Di tanganmu do ngolukku.
Palua ma au sian tangan ni akka musukku dohot sian akka halak na mambahen au susa.+
16 Patudu ma na lomo roham mangida naposomon.+
Patudu ma holong ni roham* jala palua ma au.
17 Ale Jahowa, tikki jou-jou au tu Ho, unang ma loas au maila.+
Lok ma halak na jahat na dipaila.+Jala bahen ma sip nasida di bagasan Kuburan.*+
18 Sai anggiat ma ditutup baba ni pargabus,+Baba ni halak na ginjang rohana tikki makkatai jala na mangaleai halak na tigor marroha.
19 Tung na burju situtu do Ho,+
Diparade Ho do godang pasu-pasu tu akka halak na makkabiari Ho, akka na marlinggom tu Ho,+Jala dipatudu Ho do i di jolo ni sude jolma.+
20 Ditabunihon Ho ma nasida di inganan na buni na di jolomi,+Asa malua nasida sian akka halak na naeng mangalo nasida.Ditabunihon Ho ma nasida di inganan parlinggomanmu,Asa malua nasida sian akka halak na marsakkap na jahat.*+
21 Sai dipuji ma Jahowa,
Ai tikki dikalilingi au di bagasan sada kota,+ dibahen Ibana do halongangan* lao patuduhon holong ni rohana.*+
22 Alani biarhu, hudok do,
“Buaton ni nasida nama au sian jolom.”+
Alai ditangihon Ho do au, tikki mangelek-elek au mangido asa diurupi.+
23 Hamu sude akka naposona na setia, haholongi ma Jahowa+
Ai dijaga Jahowa do halak na setia,+Alai dibahen Ibana do hukuman na borat tu halak na ginjang marroha.+
24 Hamu sude na marhaposan tu Jahowa,+
Barani ma hamu jala patogu ma rohamuna.+
Surat na di toru
^ Manang “Paunduk ma jala tangihon ma”.
^ As. “jaring”.
^ Manang “Debata na setia”.
^ Manang “na bidang”.
^ As. “sian dila ni parbada”.
^ Manang “mukjizat”.
