Job 33:1-33
33 “Alai saonari, tangihon ma jo au Job.Parrohahon ma sude na hudok.
2 Bege ma jo hatakkon,Asa makkatai au.
3 Sittong do hatakkon,+Jala sian ias ni rohakku do au mandok akka na huboto.
4 Marhite tondi parbadia ni Debata do au ditoppa,+Jala hosa na sian Pargogo na So Hatudosan i do na mambahen au mangolu.+
5 Molo tolap ho, alusi ma au.Dokkon ma hatam tu au, parade hian ma alusmu.
6 Sarupa do hita di jolo ni Debata na sittong.Ai rap sian tano liat do hita dibahen.+
7 Alani i, unang ma mabiar ho tu au,Jala unang ma pola marsak ho alani hatakkon.
8 Alai hubege do ho tikki makkatai,Hubege do sai didokkon ho songon on,
9 ‘Badia do au, dang mardosa,+Ias do au, dang marsala.+
10 Alai dilului Debata do dalan lao mangalo au.Dibahen Ibana do au songon musuna.+
11 Dipasung Ibana do pattu,Sai dipareso Ibana do sude lakkakku.’+
12 Alai dang sittong na nidokmi, alani i alusakku ma ho:
Dao do ussangap Debata sian jolma.+
13 Boasa marungut-ungut ho tu Ibana?+
Ala na so dialusi do sude hatam?+
14 Nungnga mulak-ulak Debata makkatai,Alai dang adong na manangihon,
15 Marhite nipi, marhite parnidaan tikki borngin,+Tikki renges modom akka halakTikki renges nasida modom di podomanna.
16 Dung i dibukka Ibana ma pinggol ni nasida+Jala dimateraihon do parettana tu pikkiran ni nasida,
17 Asa dipadao jolma dirina sian na jahat+Jala asa unang ginjang rohana.+
18 Dipadao Debata do ibana sian kuburan,+Asa unang mate ibana alani podang.*
19 Boi do sasahalak mamareso dirina tikki peak ibana di podoman ala marsahit,Tikki marngilutan holi-holina,
20 Sappe dang lakku ibana mangan,Jala sipanganon na tabo pe dang diallang ibana.+
21 Lam marniang ma ibana,Sappe tarida nama holi-holina.
22 Nungnga jonok hosana tu kuburan,Jala nungnga naeng mate ibana.
23 Alai molo disuru sada sian saribu suru-suruan mandapotton ibanaLao mambela ibana,Jala paboahon songon dia mangulahon na sittong,
24 Asi ma roha ni Debata tu ibana jala dohononna ma,‘Unang loas ibana masuk tu kuburan!+
Ai nungnga dapottu tobusan!+
25 Sai lam sehat ma ibana, ussehat sian tikki haposoonna.+Sai mulak ma muse gogona songon tikki poso dope ibana.’+
26 Martangiang ma ibana tu Debata,+ tangihonon ni Debata ma ibana,Marlas ni roha ma ibana manatap bohi ni Debata,Jala boi ma muse tigor marroha jolma di jolo ni Debata.
27 Dohononna* ma tu akka halak,‘Nungnga mardosa au+ jala nungnga hudok na so tutu,Alai dang dihukum* au.
28 Nungnga ditobus Ibana au asa unang sanga masuk tu kuburan,+Jala idaokku ma na tiur.’
29 Sasittongna, nungnga hea dibahen Debata songon iJotjot do dibahen Ibana songon i tu sahalak jolma,
30 Lao paluahon jolma i sian kuburanAsa boi ibana mangolu.+
31 Parrohahon jala tangihon ma jo au Job!
Sip ma jo ho, asa makkatai au muse.
32 Molo adong na naeng dohononmu tu au, dokkon ma.
Makkatai ma ho, ai naeng patuduokku do na so marsala ho.
33 Alai molo dang adong na naeng dohononmu, tangihon ma au.Sip ma jo ho, dung i paboaokku ma tu ho songon dia asa marbisuk.”
