Job 24:1-25
24 “Boasa ma dang ditottuhon Pargogo na So Hatudosan i ari+ lao mangadili akka jolma?
Boasa ma dang diida akka halak na mananda Ibana ari i?
2 Adong do akka halak na papindahon batas ni tano ni na asing,+Jala ditakko nasida do biru-biru lao diboan tu inganan parmahananna.
3 Dibuat nasida do halode ni dakdanak na so maramaJala dirampok nasida do lombu jantan ni ina na mabalu gabe jaminan.+
4 Diorai nasida do lewat halak na pogos sian akka dalan,Ikkon martabuni do halak na dangol sian nasida.+
5 Susa do halak na pogos mangalului sipanganon songon halode tombak,+Jala di padang gurun do nasida mangalului sipanganon tu gellengna.
6 Gabe ikkon di ladang ni halak ma nasida panen*Jala di porlak anggur ni parjahat ma nasida papunguhon sisa ni parbue ni anggur na tinggal.
7 Salang-salang do nasida modom, dang marpakkean.+Jala dang adong manang aha bahenon ni nasida lao mangulosi dagingna.
8 Hona udan do nasida di dolok,Jala tu dolok batu i ma nasida marlinggom.
9 Dibuat do dakdanak na so marama tikki manarus,+Jala dibuat do abit ni halak na pogos gabe jaminan,+
10 Salang-salang do nasida dipalao, dang adong dipakke manang aha,Jala male do nasida tikki papunguhon hasil ni panen.
11 Tikki las ari, mangula* do nasida di dolok-dolok.Jala mardege do nasida di inganan pamoroan ni anggur, alai mauas do nasida.+
12 Tarbege do di kota angguk-angguk ni halak na naeng mate,Jala tarbege do soara ni halak na lukka parah mangido asa diurupi,+Alai dang parduli Debata.*
13 Adong do disi akka halak na mangalo na tiur.+Dang ditanda nasida dalan na tiur i,Jala dang diihutton nasida dalan i.
14 Tikki torang ari, dungo do akka pambunu,Dipamate nasida do halak na dangol dohot na pogos,+Jala dung borngin lao do nasida manakko.
15 Dipaima pangalakkup do holom ari,+Didok ibana do di rohana, ‘Dang adong na mangida au!’+
Jala ditutup ibana do bohina.
16 Dibongkar* halak na jahat do jabu tikki golap ari.Martabuni do nasida dung torang ari.
Ai so ditanda nasida na tiur.+
17 Mabiar do nasida tu na tiur songon halak na mabiar tu na holom.Jala lomo do roha ni nasida tu na holom na mambahen halak mabiar.
18 Alai na lao maup do nasida bahenon ni aek na doras.
Na lao diburai+ do tano parbagianan ni nasida.
Jala dang na lao mulak nasida tu porlak anggur ni nasida.
19 Songon salju na mago alani logo ni ari dohot mohop ni ari,Songon i ma parmago ni pardosa ala diboddut Kuburan!*+
20 Haru omakna pe lupa ma tu ibana, diallang gilok-gilok ma dagingna.
Dang na lao ingoton be ibana.+
Jala dos songon hau na ditaba ma halak parjahat i.
21 Dibahen ibana do na jahat tu borua na mandul,Jala disiksa ibana do ina na mabalu.
22 Pakkeon ni Debata* do gogona lao manaluhon halak na gogo.Nang pe sangap nasida, alai dang boi dijamin nasida na lao torus nasida mangolu.
23 Dipasombu Debata* do sangap jala dame ngolu ni nasida,+Alai diparrohahon Ibana do sude na binahen ni nasida.*+
24 Holan satokkin do nasida dipasangap, dung i salpu do nasida.+
Dipatutoru do nasida+ jala dipapungu songon halak na asing.Dos do nasida songon eme na disabi.
25 Ise ma na boi mandok au margabus?Jala ise ma na boi mandok dang tutu hatakki?”
Surat na di toru
^ Manang boi do “mamanen siallangon ni binatang”.
^ Manang boi do “mamoro miak”.
^ Manang boi do “dang disalahon Ibana manang ise”.
^ As. “Digali”.
^ As. “Ibana”.
^ As. “Ibana”.
^ As. “sude lakka ni nasida”.
