Jesaya 57:1-21
57 Nungnga mate halak na sittong,Alai dang adong na parduli tu ibana.
Nungnga mate halak na setia tu Debata,+Alai dang adong na mangattusi, mate pe halak na sittong asa unang diida nasida do* hasusaan.
2 Juppangna ma hadameon.
Ganup halak na toktong di dalan na sittong juppangna ma hadameon di kuburan.*
3 “Alai anggo hamu, pajonok ma tuson,Ale hamu anak ni boru-boru tukkang sihir,Hamu anak ni pangalakkup dohot boru-boru na so hasea:
4 Ise do na diparekkeli hamu?
Tu ise do dipangangang hamu pamanganmuna lao mangarehei, jala dipahure-hure hamu dilamuna?
Ai anak ni pardosa do hamu kan?Anak ni pargabus,+
5 Na mangulahon hisap-hisap ni dagingna tu akka debata di tonga-tonga ni hau na balga,+Di toru ni hau na bolon,+Na maneat anakkonna di akka rura,*+Di toru ni akka lubang na di dolok batu.
6 Dipillit ho* do akka batu na landit na sian rura,*+
Tutu, i ma na gabe bagianmu.
Diusehon ho do pelean siinumon tusi dohot pelean na asing.+
Dirippu ho las rohakku* mangida i sude?
7 Diparade ho do podomanmu di dolok na massai timbo,+Jala nakkok do ho tusi lao mangalehon pelean.+
8 Dibahen ho do tanda parningotan di balik ni pintu ni jabum dohot di kusen ni pintum.
Ditadikkon ho do Au, jala dibukka ho do sude bajum,Nakkok ma ho tusi jala dipabidang ho ma podomanmu.
Dibahen ho ma parjanjian dohot akka halletmu.
Lomo do roham modom dohot nasida,+Jala sai dipanotnoti ho do alat kelamin ni bawa.*
9 Turun ma ho mamboan miak tu Melek,*Jala diboan ho do massai godang miak na angur.
Disuru ho do halak* tu inganan na dao,
Asa turun ho tu Kuburan.*
10 Sappe loja do ho mangihutton gok akka dalan,Alai dang didok ho, ‘Marisuang do i sude!’
Margogo ma ho muse.
Alani i do dang marnaloja ho.
11 Ise do na mambahen ho mabiar jala humitir,Umbahen na mulai margabus ho tu Au?+
Dang diingot ho Au.+
Dang diparrohahon ho manang aha.+
Jala dang dihabiari ho Au.
Ai sai sip do Au tu ho, jala dang hea huparsoalhon pangalahom.*+
12 Patuduokku ma akka ulaonmu na ‘denggan’ i+ dohot sude pambahenanmu,+Jala dang adong guna ni i sude di ho.+
13 Tikki marsurak ho mangido asa diurupi,Dang paluaon+ ni akka debata na pinapungumi ho.
Boanon ni alogo nama i sude,Habang ma i sude diullus hosa na sangombus.Alai anggo halak na marlinggom tu Au, teanonna ma tano on,Jala appuna ni ibana ma dolokku na badia i.+
14 Adong ma na mandok, ‘Bahen ma dalan, bahen hamu ma sada dalan! Parade ma dalan i!+
Bolokkon hamu ma sude na mangabbati dalan ni bangsokku.’”
15 Ai songon on do hata ni Debata Natumimbul jala na sangap,Na mangolu saleleng ni lelengna+ jala na badia goarna,+
“Di inganan na timbo jala na badia do Au maringanan,+Alai rap do Au dohot halak na malala rohana dohot na serep rohana,Asa mulak muse las ni roha ni halak na serep rohaJala asa malum roha ni halak na malala ate-atena.+
16 Ai dang alookku be nasida saleleng ni lelengnaManang sai muruk+ tu nasida,Ai gabe gale do akka halak alani Au,+Songon i nang sude na marhosa na hutoppa i.
17 Muruk situtu do Au alani dosana, ai lomo do rohana mangalului uttung marhite ulaon na so jujur,+Alani i ma hona hukum ibana, hutabunihon do bohikku, jala muruk situtu do Au tu ibana.
Alai toktong do ibana manimbil,+ mangihutton dalanna sandiri.
18 Nungnga huida be akka dalanna,Alai pamalumokku do ibana,+ jala togu-toguokku+Apulakku ma ibana*+ muse rap dohot akka halak na marhabot ni roha.”+
19 “Au do na manoppa hata puji-pujian na dilehon tu Au.
Toktong ma lehonokku hadameon tu akka halak na dao dohot na jonok,”+ ninna Jahowa,“Jala pamalumokku ma ibana.”
20 “Alai halak na jahat i dos songon laut na margalumbang jala na so hea so,Torus do diboan aekna i rumput laut dohot gambo.
21 Jala dang adong hadameon di halak na jahat,”+ ninna Debatakku.
Surat na di toru
^ Manang boi do “asa dipalua do nasida sian”.
^ As. “di podoman”.
^ Manang “tarapul rohakku”.
^ Na nidokna dison, i ma Sion manang Jerusalem.
^ Ra na nidokna dison, i ma gambar manang patung na bentukna songon alat kelamin ni bawa.
^ Manang boi do “tu raja i”.
^ Manang “Disuru do suruanmu”.
^ Manang “jala sai hutabunihon do akka pangalahom”.
^ Manang “Apulakku ma ibana lao manggatti harugianna”.
