Jeremia 51:1-64
51 Songon on do hata ni Jahowa,
“Parookku nama alogoLao mambahen hancur Babel+ dohot penduduk ni Leb-kamai.*
2 Suruokku ma akka pamiari tu Babel,Na lao dipiari nasida ma ibana jala dipakosong luatna i,
Aloon ni nasida ma ibana sian sude inganan di ari tikki ro jea i.+
3 Unang pasombu ditarik akka pemanah ni Babel panah ni nasida.
Unang pasombu nanggo sahalak pe tentarana jongjong mamakke baju partahanan.
Unang patudu asi ni rohamuna tu akka doli-doli ni nasida.+
Pamate ma sude tentarana i.
4 Marragean ma nasida hona bunu di luat ni halak Kasdim,Jala ditikkam ma nasida di akka dalanna.+
5 Ai dang na lao ditinggalhon* Debata ni nasida, Jahowa Pamimpin ni Akka Tentara* i halak Israel dohot halak Juda.+
Alai anggo di roha ni Debata Nabadia ni Israel i gok hasalaan do luat ni halak Kasdim* i.
6 Lari ma hamu sian tonga-tonga ni Babel,Jala selamatton ma dirimuna.+
Unang ma olo hamu mate alani hasalaanna.
Ai saonari ma tikkina dibalos Jahowa ibana.
Balosonna ma ibana alani sude pambahenanna.+
7 Najolo, songon makkuk na sian mas do Babel i di tangan ni Jahowa,Dibahen Babel do mabuk sude bangso di tano on.
Mabuk do akka bangso alani anggurna,+Alani i do gabe rittik akka bangso.+
8 Toppu do ruppak jala hancur Babel i.+
Mangandungi ma hamu alani ibana!+
Buat ma balsam* lao mangubati ibana, atik boha boi dope ibana malum.”
9 “Nungnga taubati be Babel i, alai dang boi be ibana malum.
Tatinggalhon ma ibana, lao ma hita tu luatta be.+
Ai nungnga sahat be tu langit hasalaanna i,Jala timbo do i sahat tu ombun.+
10 Nungnga dipatuduhon Jahowa be hukum na tigor tu hita.+
Alani i tabaritahon ma sude na binahen ni Jahowa Debatanta i di Sion.”+
11 “Patajom ma akka anak panah,+ buat ma akka perisai na bulat.*
Nungnga dijujui Jahowa roha ni akka raja ni halak Media,+Ai naeng dihancurhon Ibana nama Babel.
On ma tikkina dibalos Jahowa musuna, dibalos do ibana alani pambahenanna tu bagas joro i.
12 Pasang ma akka tanda*+ di tembok ni Babel.
Atur ma asa lam denggan inganan i dijaga, suru ma asa rade akka panjaga.
Atur ma asa adong halak na rade menyerang sian inganan na buni.
Ai nungnga disusun Jahowa cara lao mangalo ibana,Jala na lao ulahononna ma aha naung dijanjihon Ibana taringot tu penduduk ni Babel.”+
13 “Ale borua na maringanan di atas ni aek na godang,+Na massai godang artana,+Marujung nama ho jala dang parohon uttung be ho.+
14 Nungnga marsumpa Jahowa Pamimpin ni Akka Tentara tu dirina sandiri, didok Ibana do,‘Songon godang ni sihapor* ma bahenokku godang ni halak di luatmi,Marsurak ma nasida ala nungnga monang mangalo ho.’+
15 Ibana do na manoppa tano on marhite huasona,Ibana do na mambahen tano on gabe subur marhite hapistaranna,+Jala Ibana do na pahembangkon langit marhite habisukonna.*+
16 Tikki marsoara Ibana,Marsasak do aek na di langit,Dibahen Ibana do tarangkat akka ombun* sian ujung ni tano on.
Diparo Ibana do sillam di tikki ro* udan,Jala diparo Ibana do alogo sian akka inganan panipananna.+
17 Pangalaho ni ganup halak patuduhon dang marroha jala dang marparbinotoan nasida.
Dipaila ma akka tukkang logam i alani patung na dipahat nasida.+Ai palsu do patung na sian logam i,Dang marhosa akka patung i.+
18 Dang marlapatan sude akka patung i,+ tama do i lao gabe sirehe-rehean.
Ai molo dung juppang ari panguhuman i, dihancurhon do i sude.
19 Alai ianggo Debata* ni si Jakkob, dang songon akka patung i,Ibana do na manoppa sasudena,Jala Ibana ma na gabe tukkot di akka halak na gabe appuna ni Ibana na massai arga.*+
Ditanda do Ibana Jahowa Pamimpin ni Akka Tentara.”*+
20 “Songon tokkok lao mangattuk do ho di Au, sinjatakku lao marporang,Ai hupakke do ho lao mangattuk akka bangso,
Hupakke do ho lao manghancurhon akka harajaon.
21 Hupakke do ho lao mangattuk hoda dohot na hundul di atasna.
Hupakke do ho lao mangattuk kareta porang dohot na mamboan kareta porang i.
22 Hupakke do ho lao pamatehon bawa dohot borua.
Hupakke do ho lao pamatehon bawa na matua dohot bawa na poso.
Hupakke do ho lao pamatehon doli-doli dohot anak boru.
23 Hupakke do ho lao manghancurhon akka parmahan dohot binatang na diparmahan nasida.
Hupakke do ho lao manghancurhon akka partani dohot akka binatang appunana.
Hupakke do ho lao manghancurhon akka gubernur dohot akka pejabat.
24 Balosokku ma Babel dohot sude penduduk ni KasdimAlani sude hajahaton na niulahon ni nasida di Sion di jolomuna,”+ ninna Jahowa.
25 Didok Jahowa ma, “Ho do dolok panegai, na manghancurhon sude tano on.+Au ma na gabe alom,+ angkatokku ma tanganku jala bahenokku ma ho marguling-guling sian topi ni dolok batu.
Bahenokku ma ho gabe dolok na habis tartutung.”
26 “Dang na lao buaton ni halak be sian ho batu lao dibahen gabe batu parsuhi-suhi manang batu fondasi,Ai na lao tarulang nama ho saleleng ni lelengna,”+ ninna Jahowa.
27 “Pasang ma tanda* di luat i.+
Ombus ma tarompet na sian tanduk di tonga-tonga ni akka bangso.
Parade ma akka bangso na lao mangalo ibana.
Jou ma akka harajaon Ararat,+ Mini, dohot Askenas+ lao mangalo ibana.
Suru ma halak lao papunguhon akka tentara mangalo ibana.
Boan ma akka hoda dos songon godang ni sapunguan sihapor na poso.*
28 Parade ma akka bangso lao mangalo ibana,Akka raja ni Media,+ akka gubernurna, sude pejabatna,Dohot sude luat na dirajai nasida.
29 Goyang jala humutur ma tano on,Ai pasauton ni Jahowa nama sude naung dipikkirhon Ibana taringot tu BabelBahenonna ma luat ni Babel i gabe inganan na massai ngeri jala dang adong be na mangingani.+
30 Dang olo be marporang tentara ni Babel.
Holan na hundul nama nasida di akka benteng ni nasida.
Nungnga mago be gogo ni nasida.+
Nungnga gabe songon borua na gale nasida.+
Nungnga habis tartutung jabu ni nasida.
Jala nungnga diponggolhon palang ni gerbang ni nasida.+
31 Marlojongi ma sada-sada siboan tona manjuppangi siboan tona na asing,Jala siboan barita na sada manjuppangi siboan barita na asing,Lao paboahon tu raja ni Babel naung ditaluhon sude kota di luat i,+
32 Naung dirampas akka inganan penyeberangan,+Naung ditutung akka parau na sian hau papirus,Jala naung mabiar akka tentara.”
33 Songon on ma hata ni Jahowa, Debata ni Israel,
“Kota Babel i dos songon inganan pardegean.
Saonari ma tikkina lao didege-dege ibana sappe padat.
Ai satokkin nai nama tikkina lao dipanen.”
34 “Nungnga diboddut si Nebukadnesar* raja ni Babel i be au,+Dibahen ibana do au bingung.
Dibahen ibana do au gabe songon gucci na kosong.
Dos songon ulok na balga,+ diboddut ibana do au,
Dibahen ibana do akka artakku na denggan i tu butuhana sappe gok.
Dibolokkon ibana do au.
35 Didok penduduk ni Sion ma,+ ‘Sai anggiat ma hona tu Babel hajahaton na binahenna tu au dohot tu dagingku!’
Didok Jerusalem ma, ‘Lok ma penduduk ni Kasdim na martanggung jawab tu mudarhu.’”
36 Alani i songon on ma didok Jahowa,
“Au ma na pasaehon parsoalanmu,+Hubalosson pe tu musum na binahenna tu ho.+
Bahenokku ma koring+ lautna dohot akka sumurna.
37 Bahenokku ma kota Babel gabe inganan ni akka batu na martimbun-timbun,+Gabe inganan ni anjing hutan,+Inganan na massai ngeri jala direhei* akka halak,Jala gabe luat na so diingani be.+
38 Marauang do nasida sude dos songon singa na poso.
Jala mangorong do nasida songon anak ni singa.”
39 “Di tikki marsigorgor hisap-hisap ni nasida, bahenokku ma sada pesta lao mambahen nasida mabuk,Marsonang-sonang ma nasida,+Modom ma nasida saleleng ni lelengna,Jala dang adong be na lao mandungoi nasida,”+ ninna Jahowa.
40 “Boanokku ma nasida turun dos songon anak ni biru-biru na naeng diseat,Dos songon biru-biru jantan dohot hambing jantan.”
41 “Nungnga ditaluhon be Sesak,*+Nungnga ditaluhon be kota na dipuji-puji sude halak di tano on!+
Nungnga gabe inganan na massai ngeri di tonga-tonga ni bangso be kota Babel!
42 Nungnga banjir be kota Babel dibahen aek ni laut.
Jala nungnga ditutupi akka galumbangna be kota i.
43 Gabe inganan na massai ngeri ma akka kotana, gabe inganan na harsang jala gabe songon gurun.
Dang adong be na mangingani jala dang hea be dilewati manang ise pe.+
44 Hukumokku ma debata Bel+ di Babel,Jala pakaluarokku ma sian babana aha naung diboddut ibana.+
Dang na lao ro be tu ibana akka bangso,Jala na lao maruppak ma tembok ni Babel.+
45 Ale bangsokku, kaluar ma hamu sian tonga-tonga ni kota i!+
Selamatton hamu ma dirimuna+ sian rimas ni Jahowa na marsigorgor i!+
46 Unang pola mabiar jala unang pola hitir-hitir hamu alani barita na lao tarbege di luat i.
Ai sataon nai pe dibege hamu barita i,Jala sataon dukkon i pe ro barita na asing,Taringot tu hajahaton na masa di luat i dohot taringot tu na marbadai akka raja.
47 Alani i na lao ro ma tikkinaParookku ma panguhuman tu akka patung na dipahat di Babel.
Pailaokku ma sude luat i,Jala marragean ma akka halak na hona bunu di tonga-tonga ni kota i.+
48 Marsurak jala marlas ni roha nama langit dohot tano on dohot sude nasa isinaAlani na masa tu Babel.+Ai na lao ro nama tu Babel panegai na sian utara,”+ ninna Jahowa.
49 “Dang holan halak Israel na hona bunu dibahen Babel+Alai dohot do sude halak na sian liat portibi on hona bunu di Babel.
50 Hamu akka na malua sian podang, torus ma hamu marlojong, unang ma maradian hamu!+
Ingot hamu ma Jahowa sian na dao,Jala sai ingot hamu ma di rohamuna Jerusalem i.”+
51 “Nungnga dipaila be hami, ai nungnga hubege hami akka hata na mangaleai.
Nungnga tung maila situtu be hami,Ai nungnga ro be akka halak na sian bangso na asing masuk tu akka inganan na badia na adong di jabu ni Jahowa.”+
52 Didok Jahowa ma, “Molo dung juppang tikkina,Huparo ma panguhuman tu akka patung ni Babel i,Jala di sude luat i tarbege ma orong-orong ni halak na lukka.”+
53 “Tung sura pe Babel sahat tu langit,+Jala tung sura pe dipatogu ibana akka bentengna na timbo i,Na lao ro do sian Au panegai ni kota i,”+ ninna Jahowa.
54 “Tangihon ma! Adong do soara na mangangguki sian Babel+Dohot soara ni na hona mara sian luat ni halak Kasdim,+
55 Ai nungnga hancur be Babel dibahen Jahowa.Bahenonna do dang tarbege be soarana na balga i.Ai songon soara ni galumbang na massai balga do soara ni akka na manghancurhon ibana.
Tarbege do soara ni nasida di sude inganan.
56 Ai na lao ro ma panegai tu kota Babel,+Jala ditakkup ma akka tentarana,+Diropukkon ma akka panah ni nasida,Ai Debata na mambalos hajahaton do Jahowa.+
Alani i pasti do Ibana ro mambalos nasida.+
57 Bahenokku ma mabuk+ akka pamimpinna dohot akka halak na malo di Babel,Songon i nang akka gubernur, akka pejabat, dohot akka tentarana.Na lao modom ma nasida saleleng ni lelengna,Jala dang na lao dungo be,”+ ninna Raja Pamimpin ni Akka Tentara na margoar Jahowa.
58 Songon on ma hata ni Jahowa Pamimpin ni Akka Tentara,
“Nang pe hapal tembok ni Babel, pasti hancur do i,+Nang pe massai timbo akka gerbangna, pasti hona tutung do i.
Marisuang do halojaon ni akka halak,Sude hasil ni halojaon ni akka bangso, habis allangon ni api.”+
59 Dilehon Panurirang* Jeremia ma paretta tu si Seraya anak ni si Neria+ pahoppu ni si Maseya di tikki lao si Seraya tu Babel rap dohot si Sedekia raja ni Juda di taon na paopatton pamarettaonna i. Si Seraya i ma sahalak pengurus ni akka perlengkapan ni raja.
60 Disurat si Jeremia ma di sada bukku sude jea na lao masa tu Babel, songon akka hata naung tarsurat dison taringot tu Babel.
61 Didok si Jeremia ma tu si Seraya, “Molo dung diida ho kota Babel jala molo dung sahat ho disi, jahahon ma gogo sude na tarsurat on.
62 Dung i dokkon ma, ‘Ale Jahowa, nungnga didokkon Ho na lao hancur nama inganan on, jala dang na lao diingani jolma manang binatang be inganan on, gabe luat na tarulang ma inganan on saleleng ni lelengna.’+
63 Molo dung sae dijahahon ho bukku on, ikkat ma bukku on tu sada batu jala danggurhon ma tu tonga-tonga ni Sunge Euprat.
64 Dung i dok ma, ‘Songon on ma na lao masa tu Babel, na lao lonong nama i. Dang mumbang be+ ibana alani jea na lao diparo tu ibana. Jala gale nama penduduk ni luat i.’”+
Olat ni on ma hata ni si Jeremia.
Surat na di toru
^ Ra goar on lao patuduhon sandi lao mandok Kasdim. Lapatanna i ma “Roha ni Akka Halak na Mangalo Au.”
^ As. “lao dibahen gabe mabalu”.
^ Manang “Sebaot”, lapatanna pamimpin ni akka suru-suruan na di banua ginjang.
^ As. “luat ni nasida”.
^ Miak na angur na sian suan-suanan dohot hau.
^ Manang boi do “gok ma bahen hamu inganan ni anak panah”.
^ Manang “tiang na gabe tanda”.
^ Manang “belalang”.
^ Manang “pangattusionna”.
^ Manang “uap air”.
^ Manang boi do “Dibukka Ibana do akka pintu asa ro”.
^ As. “Parbagianan”.
^ Manang boi do “Ibana do na manoppa tukkot warisanna i”.
^ As. “Goarna i ma Jahowa Pamimpin ni Akka Tentara”.
^ Manang “tiang na gabe tanda”.
^ As. “sihapor na habongna maribbulu”.
^ As. “Nebukadresar”, ejaan na asing tu goar on.
^ As. “marsiul”.
^ Ra goar on lao patuduhon sandi lao mandok Babel (Babilon).
