SUKKUN-SUKKUN NI AKKA NA POSO
Songon dia do Penampilanku?
Boasa porlu ikkon diparrohahon hamu pakkeanmuna? Alana, sian pakkeanmuna boi do patuduhon halak na songon dia hamu. Aha do na diboto halak taringot hamu sian pakkeanmuna?
Pandangan na sala taringot penampilan dohot akka saran
1. Mura terpengaruh tu akka iklan.
Sahalak na poso na margoar si Theresa mandok, “Sering do au mangida akka mode di iklan. Ujungna, gabe sai holan i ma na sai hupikkirhon. Jala gabe naeng hutiru ma songon i.”
Dang holan borua na gabe korban iklan. Bukku The Everything Guide to Raising Adolescent Boys mandok, “Bawa pe, dohot do tergoda lao mangihutton akka model na terbaru. Sian na gelleng, nungnga gabe korban ni akka parbisnis nasida.”
Pikkirhon ma on: Didok di Bibel, “Dihaporseai halak na so marpengalaman do sude hata, alai dipikkiri halak na marbisuk do ganup lakkana.” (Poda 14:15) Songon na didok di ayat on, unang ma mura hamu tergoda tu akka iklan na diida hamu. Contohna, molo adong diida hamu iklan ni pakkean na didok halak “keren” manang “seksi”, coba ma jo pikkirhon on:
‘Molo huihutton mode i, ise do sebenarna na maruttung?’
‘Aha do annon na gabe dipikkirhon halak taringot au?’
‘Memang halak na songon i do au jala sesuai do i tu haporseaonku?’
Saran: Saleleng saminggu, coba ma jo parrohahon iklan dohot akka media na asing na mambahas taringot mode. Di iklan i, akka mode na songon dia do na dibahen? Akka mode na songon dia do na lao ditiru hamu sian iklan i? Sahalak na poso na margoar si Karen mandok, “Ikkon torus do bagak penampilanta, bajutta, jala ikkon tapatudu do na bagak bentuk ni tubuhta. Godang do akka na mambahen iklan mamboto taringot on. Alani i, gabe mura ma nasida mambahen mode na songon dia do lomo roha ni na poso.”
2. Mangihutton mode asa unang didok na ketinggalan jaman.
Sahalak remaja na margoar si Manuel mandok, “Molo adong sada jenis baju na mode terbaru, sude do halak mangihutton i. Molo dang diihutton, didok ma hita na ketinggalan jaman.” Sahalak remaja na margoar si Anna setuju do tong taringot i. Jala didok ibana, “Dang alani mangihutton akka mode na terbaru, alai asa unang asing do sian akka dongan.”
Pikkirhon ma on: Didok di Bibel, “Unang be tiru hamu akka halak na di portibi on.” (Rom 12:2) Songon na didok di ayat on, bukka ma lamarimuna jala coba ma pikkirhon on:
‘Aha do alasanna hupillit pakkean on?’
‘Ikkon pakkean na bermerek do pakkeanku?’
‘Hupakke pe pakkean on, holan asa dipuji halak do?’
Saran: Unang ma didok rohamuna holan dua do pilihan, i ma didok keren manang ketinggalan jaman. Alai adong do pilihan na asing, i ma nyaman dihilala hamu jala percaya diri hamu tikki mamakke pakkeanmuna i. Molo lam percaya diri hamu, dang pola dipikkirhon hamu be na asing do pakkeanmuna manang na dang sian akka donganmuna.
3. Merasa ‘lam bagak molo lam seksi’.
Sahalak anak boru na margoar si Jennifer mandok, “Terus terang ma, sipata tergoda do au naeng mamakke baju na agak seksi. Contohna, baju na pendek, ketat, manang na tarbukka.”
Pikkirhon ma on: Didok di Bibel, “Unang ma sian luar dipabagak-bagak hamu dirimuna. . . . Alai rohamuna i ma pabagak hamu.” (1 Petrus 3:3, 4) Songon na didok di ayat on, pikkirhon ma dia na uppetting. Bagak sian luar do manang rohamuna i do na ikkon dipabagak hamu?
Saran: Pakkean na undenggan di hamu, i ma pakkean na sopan. Memang sering do didok halak, molo pakkean na sopan i pakkean naung ketinggalan jaman. Alai coba ma pikkirhon on:
Hea do hamu makkata-hatai dohot sasahalak na sai holan ibana na makkatai jala holan taringot dirina na sai dihatai ibana? Na upparah, dang sadar ibana na so diargai ibana hamu!
Molo holan sai taringot diritta do na sai hatai, boi do gabe dang lomo roha ni halak tu hita. Dos songon i ma, molo dang denggan pakkeanta boi do gabe dang lomo roha ni halak mangida hita
Suang songon i ma, molo dang sopan pakkeanmuna sarupa ma hamu tu halak na songon i. Sian pakkeanmuna i, hira na didok hamu ma tu halak ‘bereng hamuna jo au’. Jala boi do gabe didok roha ni halak, dipakke hamu pakkean i ala merasa do hamu dang bagak manang na terlalu percaya diri do hamu. Boi do tong didok roha ni halak na ikkon sai diparrohahon hamu. Jala boi do i mambahen halak mamikkirhon na so denggan tu hamu.
Molo dang olo hamu gabe songon i pikkiran ni halak tu hamu, sopan ma hamu marpakkean. Sahalak naposo na margoar si Monica mandok, “Pakkean na sopan, dang maksudna ikkon songon pakkean ni oppung-oppung na ikkon dipakke hamu. Alai molo sopan pakkeanmuna, i patuduhon na diargai hamu do dirimuna sandiri dohot akka halak na asing na adong di sakalilingmuna.”
Mungkin Lomo do Rohamuna Mamboto
NA DIDOK AKKA DONGANMU
Terlalu Khawatir do Au tu Penampilanku?
Tonton ma boha carana mengendalihon perasaanmu.
NA DIDOK AKKA DONGANMU
Pandapot ni Akka na Poso taringot Penampilan
Boasa godang tantangan na diadopi akka na poso taringot penampilan? Aha do na boi mangurupi?
