Djob a gwé môl mañen?
Ndimbhe i Bibel
Nyambe a gwé ndigi jôl jada. Hana nyen li tilba יהוה ni hop Lôk héber, ni hop bassa li yé le “Yéhôva”. a Nyambe a bi kal ngwélél wé Yésaya le: “Men me yé Yéhôva. Lini jon li yé jôl jem.” (Yésaya 42:8) I jôl li li nlébna 7 000 ngélé i minlômbi mi minhôôk mi bikaat, i jôl li, li yé ikété Bibel iloo môl mape ba ngwélél inyu sébél Nyambe, li nloo yak môl ma bôt bape ikété Bibel. b
Baa Yéhôva a gwé môl mape?
Tolakii Bibel i ngwélél ndigi jôl jada inyu sébél Nyambe, i ngwélél yak ngandak i ngédi inyu pôdôl nye. Hiki ngédi i noñ ha, yak ndoñi yé i ñunda bés lem tole libak jada li Yéhôva.
Ngédi |
Pes i kaat |
Ndoñi |
|---|---|---|
Allah |
(To yada) |
I buk ini ni hop Arab le “Allah” i ta bé jôl ndi ngédi i i nkobla le “Nyambe.” Ngobol i Bibel ni hop Arab ni mahop mape ma ngwélél i buk ini le “Allah” inyu kal le “Nyambe.” |
Nu ngui yosôna |
A gwé ngui i i gwé bé nwaa. I bañga i hop Lôk héber ini le ‘El Shad·dai,’ “Nyambe Nu ngui yosôna,” i nlébna i Bibel ngélé isaambok. |
|
Alfa ni Ôméga |
“Nu bisu ni nu a nsôk,” tole “Bibôdle ni lisuk,” hala a nkobla le Nyambe numpe, Nu ngui yosôna a bé bé ilole Yéhôva a mba, to i mbus yé a ga ba bé. (Yésaya 43:10) Alfa, léta i bisu ni ôméga léta i i nsôk i alfabe i hop Grikia. |
|
Nlôlômbi |
A gwé bé bibôdle; a yé i boga ni boga ilole hiki yom tole hiki hégél i mba.—Tjémbi 90:2. |
|
Nhek |
Nu a bi hek gwom gwobisôna. |
|
Tata |
Nti niñ. |
|
Nyambe |
Di mbégés nye; a gwé ngui. I buk ini ni hop lôk Héber le ‘Elo·him’ i yé buk i i ñunda lipém ni lipémba li Yéhôva. |
|
Nyambe nu banyambe |
Nyambe nu a yé ngii banyambe bape, a yé maselna ni “banyambe ba ba gwé bé nseñ.”—Yésaya 2:8. |
|
Nniiga Nunkeñi |
A niiga bés a ñéga ki bés inyu loñge yés.—Yésaya 48:17, 18. |
|
Nhek nunkeñi |
A hek gwom gwobisôna—Masoola 4:11. |
|
Nyambe nu maséé |
A yé maséé.—Tjémbi 104:31. |
|
Nu a ñemble masoohe |
Nyemede a ñemble masoohe ma bôt ba nsoohe nye ni ñem wap nwosôna. |
|
Me yé nu me yé. |
Manyodi 3:14, ngobol King James |
A nyila kii yosôna i nsômbla inyu nyônôs mbônga wé. Nlôñ u Bibel u, u nkobla ki i ngobol i Bibel ipe le: “M’a yila i yom me ngwés [yila] tole “M’a yila i yom me mpohol i yila.” (The Emphasised Bible,nu J.B. Rotherham; Ngobol mbok Yondo) I ndoñi i, i nhôla bés i yi kii jôl li Nyambe le Yéhôva li nkobla. Di nléba ngobol i munu nlôñ u Bibel u noñ.—Manyodi 3:15. |
Nu a nsôñ |
Manyodi 34:14, ngobol King James |
A nkabna bé bibégés gwé. Nlôñ u u nkobla ki le: “A nwas bé le ba kolba nye” ni le “nu a nyiba kiki nu a mbat le ba bégés ndik nyetama.”—(Traduction du monde nouveau avec notes et références). |
Kiñe boga |
Énél yé i gwé bé bibôdle to lisuk. |
|
Nwet |
Nwet tole malét; Ni hop Lôk Héber ʼA·dhohnʹ ni ‘Adho·nim’. |
|
Nwet nu mintôñ mi gwét, Nwet nu Sabaoth |
Yésaya 1:9, ngobol King James; Rôma 9:29, ngobol King James |
Ñane ntôñ gwét nkeñi u biañgel. I ngédi ini le “Nwet Sabaoth” i nla kobla le “Yéhôva nu mintôñ” ni “Nwet nu mintôñ mi gwét mi [ngii].”—Rôma 9:29, Ngobol Mbok Yondo; NET Bible, buk isi lipep. |
Nungingii |
A gwé tel i nlôôha ba i ngii. |
|
Nu a nlôôha ba mpubi |
A yé mpubi (mapubi ma nyuu ni ma mahoñol) iloo bihégél gwobisôna. |
|
Mma dibee |
A gwé kunde i ngii bôt ba binam ni biloñ, nlélém kiki mma dibee a nla boñ to kii a gwés ni ték lima.—Rôma 9:20, 21. |
|
Nsôñ, Nkobol |
Yésaya 41:14; ngobol KingJames |
A nkobol bôt ba binam i mok mi béba ni mi nyemb ni binoñ a bi ti ni njel sesema i man wé Yésu Kristô.—Yôhanes 3:16. |
Liaa |
Bañga lisolbene ni lingen li tohi. |
|
Ntohol |
A ntohol ikété ndutu ni i tjiba. |
|
Ntééda |
A nyoñ ndun ni i bôt ba mbégés nye. |
|
Nwet Bayemlikok |
A ñénél gwom gwobisôna; ni hop lôk Héber ‘Adho·nai’. |
|
Nungingii |
A yé ngii baane bobasôna. |
Môl ma bahoma ikété bitilna ni hop Lôk héber
Ngim môl ma bahoma i ntiimba jôl li Nyambe, ndi môl ma Nyambe bé ma.
Jôl li homa |
Pes i kaat |
Ndoñi |
|---|---|---|
Yéhôva-Yiré |
“Yéhôva a ga ti” |
|
Yéhôva Nisi |
“Yéhôva a yé yimbne yem i i yé i ngii kék.” (Ngobol i Today’s New International) Bagwélél ba Yéhôva ba nkôôge nye bebee inyu kôhna mahôla ni lisolbene.—Manyodi 17:13-16. |
|
Yéhôva Salôm |
“Yéhôva a yé nsañ.” |
|
Yéhôva-sama |
Ezékiel 48:35, buk isi lipe, American Standard Version |
“Yéhôva a yé ha.” |
Inyuki di nlama yi jôl li Nyambe, di gwélél ki jo?
Nyambe a ndiihe jôl jé le Yéhôva, inyu hala nyen a bi boñ le li tilba dikôô di ngélé i Bibel.—Malaki 1:11.
Ngandak ngélé, Yésu man Nyambe, a bi yigye nseñ u jôl li Nyambe. Kiki hihéga, a bi soohe Yéhôva le: “Jôl joñ li tééba lipubi”—Matéô 6:9; Yôhanes 17:6.
Inyu ba liwanda li Yéhôva, di nlama ndugi yi jôl jé, di gwélél ki jo (Tjémbi 9:10; Malaki 3:16) Djob a’ yônôs mbônga unu inyu mawanda mé: “M’a sôñ nye inyule a ntéé gwéha yé ni me; m’a bédés nye, inyule a nyi jôl jem.”—Tjémbi 91:14.
Bibel i ñunda le: “ba ba nséblana le banyambe, ba yé nyoo i ngii tole hana ’isi, hala kiki ngandak “banyambe” i yé, yak ngandak “bet.” (1 Korintô 8:5, 6) Ndi, Bibel i tibil unda njee a yé bañga Nyambe, jôl jé le Yéhôva.—Tjémbi 83:19.
a Bayimam bahogi ba hop Lôk Héber ba bi pohol “Yahweh”.
b “Yah” a yé nhubhak jôl li Djob li li nene bebee le 50 ma ngélé ikété Bibel, yak i ngéda ba ngwélél jo ikété buk ini le “Halélu-Yah,” tole “Aléluya,” i i nkobla le “Béghana Yéhôva.”—Masoola 19:1; ngobol American Standard ; ngobol King James.
Yak ini i nla lémél we
ESSENTIAL BIBLE TEACHINGS
Baa Djob a gwé ngim jôl?
Djob a gwé ngandak mangédi kiki bo, Nu ngui yosôna, Nheg, Nwet. Ndi jôl li Djob, li nene bebee le 7 000 ngélé ikété Bibel.
INYU YI BÉS
Bat le Mbôgi Yéhôva yada i yuuga we
Bana minkwel mi Bibel ni Mbôgi Yéhôva, tole noode ntjega wés inyu yigil i Bibel.