•   “Ñañga u loñ Kina i ñéba le lék ‘u nai’ ni le hala a yé ngélé nyônôs aa le sép i nyo.”—The Guardian, hilo 7, hi sôñ dipos, 2022.

•   “Kikii nwii mi-na mi ntip tagbe, ngandak mambok i Corne i Africa ma nke ki nôgda béba sép inyu nwii mi nyônôs itan.”—UN News, hilo 26, hi sôñ hikañ 2022.

•   “Bebee le sép i nai ni Érôpa, hala a bi bôdôl 500 i nwii len.”—BBC News, hilo 23, hi sôñ hikañ 2022.

 Ngandak bayimam ba nlegel le i nya sép ini, i ga kônde bep, bep ni bep. Baa mam ma nla héñha kel yada? Kii Bibel i niiga?

 Inyu dilo tjés, Bibel i bi kal le:

•   “Njal ikeñi. . . i ga ba bahoma bahoma.”—Lukas 21:11.

 Mangéda ma sép ma mbéna lona njal. Njal i nlona mandutu, nyemb, hala a nyônôs mbañ i Bibel.—Masoola 6:6, 8.

 Bibel i ñéba njom i bisui i ñunda inyuki sép i nkônde bep, bep ni bep. I nkal le:

•   “Mut binam a nla bé éga nyemede.”—Yérémia 10:23.

 Hala a nkobla le bôt ba binam ba nla bé éga bomede, hala wee éga. Makidik mabe ba mbéna yoñ mon ma nlona i nya sép ini, yak malép ma nhañba.

•   Libim li bôt li njôôñ yi li nkémhe le maboñok ma mut binam mon ma mboñ le hisi hi nlék i nloo hihéga. Jon sép i nai ikété nkoñ ’isi.

•   Lihép nkus, ni libep éga mam gwon bi boñ le bôt ba binam ba mal kit bie, ba ñôbôs yak mbebi, ba ntibil bé gwélél lingwañ hisi hi nti, jon yak malép ma nkahal hañba.

 Ndi, Bibel i nti bañga botñem.

 Bibel i mbôn le Nyambe a ga boñ le malép ma hañba bañ. Lelaa?

1.  1. Nyambe a ga “lona tjiba i ngii bôt ba ba ñôbôs hisi.” (Masoola 11:18) A ga héya njom yada i i mboñ le malép ma nhañ—bibéba bi bôt ni bôt ba huluk ñem, inyule maboñok map mon ma ñôbôs hisi.—2 Timôtéô 3:1, 2.

2.  2. “Nnumuk nkoñ u ga yila mangen ma malép.” (Yésaya 35:1, 6, 7) Djob a ga tibil i mam sép i ñôbôs, a yilha ki hisi hini paradis ilam, i het malép ma nkuli ngandak.

3.  3. “U ntééda hisi loñge, u mboñ ki le hi num matam, hi ti ki bijek kiyaga.” (Tjémbi 65:9) Djob a ga sayap hisi kayéle hi nyon ni bijek bilam, yak ni malép ma mpôp inyu bôt bobasôna.