I ngéda di ñañ Bibel, di nla yéñ tik ngok i mbuu i ngéda di mboñ nyiña. Ndi kii di nla boñ inyu ôt nseñ ni yo bañga liôdôk?

Di tibil tém miñañ mi Bibel. Kiki hihéga, njee a bi tila i pes kaat i, a bé tilna njee, ni i ngéda mbe? Mam ma bé lelaa ha i ngéda i, kii i bi bôña i bisu bi ngéda ni i mbus ngéda?

Di noode léba biniigana ni mambadga kiki bo: ‘Kii i bôt ba mpôdôl mu ba bé nôgda? Bimbe bilem ba bééna? Inyuki me nlama kôna bilem bi, tole keñgle gwo?’

Gwélél biniigana u ñôt i nson woñ likalô, tole mu maada moñ ni bôt bape. I ngéda u mboñ hala, wee u gwé pék kiki Bibel i nkal: “Nu ni nu a gwé pék a’ béñge i mam mana.”​—Tjémbi 107:43.

• Likeñge: Yimbe lelaa nkwel unu le Masôô ma nkus ma likoda li ñem sonde, u nhôla bés i bii i mam di nigil i bisélél. Nkwel u u mbéna bana mambadga di nla badba, ngim matode di nlama soñda, ni bititii di nla wan.