Ngéda u ngwélél i kaat ini le Di wan Bitilna hiki kel, baa u gwé lem i añ nlôñ kaat ni ndoñi yé? Ibale u mboñ bé hala, baa u nla yoñ bitelbene bi? Ngandak bôt i mboñ buk kel kegla. I mbus, ba ñôt mahoñol mu ngim kel yosô. (Yôsua 1:8; Tjémbi 119:97) Lelaa u nla ki kônde ôt nseñ i buk kel? Añ i pes kaat i yosôna ikété Bibel inyu tibil yi yom ba mpôdôl mu. Noode hoñol ngim ñañ u Bibel u u nyigye litiñ li mpémél nlôñ mu kaat u. I mbus, bii litiñ li bisélél i niñ yoñ. Ngéda makidik moñ ma umne i ngii lipôdôl li Djob, hala a ga bane we nseñ, yak niñ yoñ y’a kôhna we maséé.​—Tjémbi 119:105.

Mahaa ma Bétel ma nkoñ ’isi ma gwé lem i nigil i man kaat nunu le Di wan bitilna hiki kel, ngéda ba nyoñ kofi. Munu nwii mini, ngandak minkwel i bilôk bikéé i mpam i JW Nkuu Biliñgeliñge i homa nunu le MAKODA NI MINKWEL. Imbe ngéda u bi sôk emble minkwel mi? Bebek mi bé toi yom i bé béda we. Kii hihéga, lelaa ñañ u Lôt u nla hôla we i yoñ makidik malam?

BÉÑGE VIDÉÔ I GWÉ ÑO LE U GWÉS BAÑ NKOÑ ’ISI (1 YÔHANES 2:15), I MBUS TIMBHE MAMBADGA MANA:

• Limbe litiñ li Bibel li nit buk kel yés i len?

• Lelaa hihéga hi Lôt hi ñunda hiandi hi yé i gwés nkoñ ’isi tole mam ma yé mu?​—Bibôdle 13:12; 14:12; 19:3, 12, 13, 24-26

• Lelaa di nla unda le di ngwés Yéhôva ha nkoñ ’isi ni gwom gwé bé?