Inyu tibil ôt nseñ ni gwigil bini
Bôk ndugi béñge lelaa kaat ini i yé ntjegek, i mbus tuk VIDÉÔ.
LIBOÑ LI BISU
Añ hiki liben, añ mambadga ma ma gwé minsonol (A) añ yak bipes bi Bibel (B) bi bi ñéba balôm ba matode. Añ bipes het i yé ntilga le “añ.”
LIBOÑ LI NOÑ
Minlôñ mi bisu mi pes ini le (C) Kônde tém mi ñunda i yom d’a wan. Hiki ño nkwel (D) u ga toñol ngim litode li tôbôtôbô. Añ bipes bi kaat, timbhe mambadga, béñge bividéô.
BIVIDÉÔ ba ñéba i hiki pes bi nti we biniigana bipe. Bihogi bi ñañal mam ma bi bôña. Bipe bi yé mimbodok mi miñañ mi mi ñéba lelaa mam ma nla bôña.
Béñge bititii, u soñgol matila ma yé isi hiki titii (E), u hégda ki lelaa u nla timbhe mambadga ma yé homa nunu le Bôt bape ba nkal le (F).
LIBOÑ LI NSÔK
Bipes bini le I sem kwep ni Mambadga ma mbigda (G) bi ntiimba balôm ba matode. Tila hilo u mal yigil. I pes ini le Jam u nla boñ (H) i nti we pôla i yônôs ngim njômbi. I pes ini le Kônde yéñ (I) i ñéba we mam mape u nla añ, ni bividéô u nla béñge inyu tibil nok yigil.
Léba bipes bi kaat ikété Bibel yoñ
Bibel i gwé 66 ma bikaat. I yé nkabak môga ima: Bitilna ni hop Lôk Héber ni Araméa (“Malômbla ma kwañ”) ni Bitilna ni hop Grikia (“Malômbla ma yondo”).
Ngéda ba nsima ngim nlôñ u Bibel, buk bisu i yé jôl li kaat (A), nomba i noñ jôl i yé pes (B), nomba i nsôk i yé nlôñ tole minlôñ (C).
Kiki ’héga, Yôhanes 17:3 a nkobla le: Kaat Yôhanes, pes 17, nlôñ 3.
Yak ini i nla lémél we
MAMBADGA BÔT BA MBÉNA BAT
Lelaa Mbôgi Yéhôva i ntégbaha bôt yigil i Bibel?
Mbôgi Yéhôva i nla hôla we i nigil Bibel ibabé i saa; yigil i ntagbe kiki nkwel ipôla bôt iba, u nla ki gwélél to imbe ngobol i Bibel. U kon bañ woñi i naña lihaa joñ jolisôna tole mawanda moñ.
