Masoola Yôhanes a bi kôhna 8:1-13
8 I ngéda Man ntômba a+ bi yibil béndél+ i nyônôs isaambok, ngii i mom nwee inyu jam kiki bo pes ngeñ.
2 Ha nyen me bi tehe biañgel bisaambok+ bi téé i bisu bi Nyambe, ba ti ki gwo sép isaambok.
3 Añgel ipe i bé i gwé beglene* i binjinjiñ i gôl, i lo, i telep ipañ juu li bisesema;+ ba ti ki yo ngandak binjinjiñ+ le i sem gwo i ngii juu li gôl+ li li yé i bisu bi yééne ane, i nlélém ngéda masoohe ma bapubhaga bobasôna ma bé nôga.
4 Hiida hi binjinjiñ, hi hi bé lôl i woo u añgel, hi bi bet ni masoohe+ ma bapubhaga i bisu bi Nyambe.
5 Ndi kunda yada, añgel i yoñ beglene i binjinjiñ, i yônôs yo ni makalak ma nlék* ma juu li bisesema, i kôp hio hana ’isi. Ha nyen mbambat i bi bam, yak makiñ ma nôga, lôñni nwegnwek,+ hisi hi nyeñg ki.
6 Yak biañgel bisaambok bi bi bééna sép isaambok+ bi kôôba i hem yo.
7 Añgel bisu i hem sép yé. Ha nyen matan-ga lôñni hié mpôdnaga ni matjél bi kuba hana ’isi;+ jôga jada ikété môga maa ma nkoñ ’isi li bi lék; jôga jada ikété môga maa ma bie li bi lék; yak bikai gwobisôna bi hisi bi lék.+
8 Añgel i nyônôs iba i hem sép yé. Ngim yom kiki soso hikôa le hié hi nligis i léña ikété tuye.+ Jôga jada ikété môga maa ma tuye li yila matjél;+
9 jôga jada ikété môga maa ma bihégél bi niñ* ikété tuye li wo,+ yak jôga jada ikété môga maa li bisitima li yin.
10 Añgel i nyônôs aa i hem sép yé. Ha nyen soso hiôdôt hi hi nloñ kiki lambe hi nyodi i ngii, hi kwo i ngii jôga jada ikété môga maa ma balom, ni i ngii jôga jada ikété môga maa ma mangen* ma malép.+
11 Jôl li hiôdôt hi li yé le Lilôli. Jôga jada ikété môga maa ma malép li yila lilôli; yak ngandak bôt i wo inyu malép, inyule ma bi kahal lol.+
12 Añgel i nyônôs ina i hem sép yé. Jôga jada ikété môga maa ma hiañgaa li ôbi,+ jôga jada ikété môga maa ma sôñ li ôbi, yak jôga jada ikété môga maa ma tjôdôt li ôbi, inyu boñ le jôga jada ikété môga maa ma gwom bini li kôp jiibe,+ ni le jôga jada ikété môga maa ma njamuha li bana bañ mapubi, nlélém jam ni u.
13 Me tehe, me nok ki nyôgôl u mpuue i ñemkété ngii, u kalak ni kiñ ikeñi le: “Ndutu, ndutu, ndutu+ inyu bôt ba nyééne nyoo ’isi, inyu jam l’a bôña i ngéda biañgel baa bipe bi ga hem sép+ ndék ngéda!”
