Yésaya 4:1-6
4 I yokel nu, bôda basaambok ba ga gwel munlôm wada,+ ba kal nye le:
“Di ga je bret gwés,di haba ki mambot més;neebe ndik le ba sébél bés ni jôl joñ,inyu héya bés wonyuu.”*+
2 I yokel nu, i mintjep Yéhôva a ga boñ le mi too, mi ga ba minlam, mi ban-ga lipém; matam ma loñ mon ma ga ba maséé ni bilama bi bôt ba Israel ba ba ga pei.+
3 I mut a nyégle i Siôn, nu ba nwas i Yérusalem, ba ga sébél nye le numpubhaga; hala wee bôt ba Yérusalem bobasôna ba ba gwé môl map ntilga inyu niñ.+
4 Hiun hi Yéhôva hi ga kalna Yérusalem,+ a kéés ki nye, ha nyen a ga héya mahindi* ma bingond bi Siôn,+ a jôwa ki matjél ma ma yé i Yérusalem;
5 Yéhôva a ga hek ond ni hiida njamuha, yak ni hié hi hi nloñ ni juu,+ a bii gwo i ngii hikôa Siôn hiosôna ni i ngii bahoma a ntégbaha makoda mé; yom i nhô i ga ba i ngii homa nu lipém nyensôna.
6 Lap i ga ti yiye le bôt ba solop hiañgaa njamuha,+ i ga sôñ bôt, i ba ki homa bôt ba nsolbene mbuk mbebi ni nop.+
